عربيتي فيرنا 2009 وبتسخن في السرعات العاليه .. ارجو المساعدة

[mangaa]

ياشباب انا احترت وقلت اكيد مش هلاقي اللي يفيدني غير عندكم ... عربيتي فيرنا 2009 وكنت جايبها زيرو .. عاملة تقريبا 60 الف كيلو .. اوقات كتير بتسخن في السرعات العاليه يعني بعد ال120 او 130 لما بمشي فترة عليهم .. ولما بنزل تحت ال120 بترجع تهدي وتبرد تاني .. كل شئ تمام والمياه بتبقي اوكي .. احترت ومش عارف اعمل ايه خصوصا ان كام واحد قالولي انهم قابلوا العيب ده برده ومش عارفين من ايه
حد عنده توضيح للموضوع ده ربنا يكرمكم

[hesham fawzy h]

متابع معاك

و ممكن المروحة تفصل على السرعات العالية

[mangaa]

متابع معاك

و ممكن المروحة تفصل على السرعات العالية

مش عارف بصراحة المروحه بتفصل عند السرعات العاليه ولا لأ .. بس لما بتسخن وبقف وانزل اشوفها بلاقي المروحة بتشتغل وتفصل عادي
ممكن حد يكون حصله العيب ده او عنده خبرة فيه يفيدنا
ولو المروحة بتفصل في السرعات العاليه يبقي ايه السبب

وشكرا ليه ولمتابعتك

[D.Ahmed Ismail]

غير غطا الريداتير

[د.محمود صلاح]

المشكلة التي دوخت كل الفيرناوية وهو عيب شائع جدا في الفيرنا

[mangaa]

المشكلة التي دوخت كل الفيرناوية وهو عيب شائع جدا في الفيرنا

طيب وهل حد لقي حل او عرف السبب ايه؟؟؟

[mangaa]

غير غطا الريداتير

دورت في كذا موقع وفعلا لقيت ناس كتير بتتكلم على موضوع غطا الريداتير ده ... وخصوصا لو المياة بتغلي في القربة وده برده بيحصل معايا .. بس عايز اعرف ايه دخل غطا الريداتير في الموضوع ده؟؟؟

[د.محمود صلاح]

معظم الردود كانت بتدور حول تغيير الريداتير نفسه او تسليك الريداتير بعد فكه بالكامل ..

الغطاء يحتاج تغيير لو الريداتير بيسرب بخار ماء يعني الماء بينقص .. ووظيفة الغطا هامة جدا فهو يعمل كصمام بيخرج الماء المغلي من الريداتير للقربة ولما يبرد يرجع م القربة للريداتير تاني عبر صمام الغطاء

[alpoka779]

بص حضرتك 1- تنظيف دوره التبريد عند مختص (سبب رئيسي في سخونه العربيه)
2-غطاء القربه اتاكد منه وممكن تحط كيس بلاستيك وتضعط عليه الغط
3-اتاكد من خراطيم الميه الرايح للموتور والراجع الي الردياتير
طبع 2و3 انت بنفسك تشيك عليهم بس 1 لازم تروح لبتاع ردياتير يسلكه ويعمل دوره نظافه وان شاء الله انا متاكد هتتحل المشكله لانها كانت عندي

[eltanamly]

غير الرادياتير أو على الاقل نضف كويس ، المية فال- قربة بتغلي علشان الرادياتير مش عمل وظيفته إلي هي تبريد المية و الرادياتير و دورة المية سليمة علشان المية عندك مش بتنقص