زيوت كاسترول بتتعبى تحت بير السلم

[msobhy]

انا واقف دلوقتى فى بنزينة طاقه اللى فى شارع اللبينى بعد نزلة المريوطيه امام اولاد رجب
وعرفت ايه سبب ان الزيت زى الزفت
العمال اللى هناك بيملو عبوات الزيت الفارغه بزيت زباله
العامل وانا بغير الزيت طلبت منه عبوه مغلفه قال لى ان العبوه اللى عنده اخر واحده
وفتح لى الغطا وقال بص متبرشم
اول لما خرجت من البنزينه ببص على الجركن لاقيته مليان اوساخ
رجعتلهم وانا متوقع انهم هاينهاروا ... ولا فارق معهم
روحت جبتلهم عبوه تانيه من على الرف مفتوحه ومتعبيه ..... قالوا كلها كده
خرجت لاقيت عبوات مغلفه طلبت انهم ينزلوا الزيت باحترام ويحطوا زيت سليم رفضوا
وانا واقف دلوقتى مستنى الشرطه فى البنزينه
340 جنيه فى الارض
ربنا يكرم واخد حقى منهم بجد

[amoor89]

ايه التهريج ده حتى فى البنزينة امال نجيب ام الزيت منين

[msobhy]

وتتفرج على العصابه اللى شغاله
اول لما قولت على موضوع الزيت كلهم تنحوا وسكتوا
وبعدها كلهم عايزين يمشونى من البنزينه

[J A G U A R]

وده ف كل البنزينات ولا دى بس ..

[Thebutcherr]

ربنا يكرمك اوعي تسيب حقك

[adel1212]

فعلا اتعملت معاهم من سنة بيعملو شغل 3 ورقات
بس انا اصرت انه يفتح العلبة ادامي بيقولي انا لسه فاتحها و انت واقف قولتلوا مشفتش و كنت حمشي
و فعلا فتح واحده جديدة ادام عيني بس من ساعتها مروحتش تاني لاني مرتحتش للمكان
تحياتي

[msobhy]

اسف على اللفظ
لكن كل ده لسه قاعد مع ولاد الكلب
انا عامل بلاغ من ساعتين وكل شويه يقولوا لى ان النجده فى الطريق اليك ولا حياة لمن تنادى

[Mohamedjetta]

طب غبور بيبيع زيت شيل لمواتير ولا لا؟
اانا اشتريت منه زيت فتيس شيل بس مش عارف عنده زيت لمواتير ولا لا

[Mohamedjetta]

ربنا معاك

[mohamed_e36]

عملت ايه طمنا عليك

[msobhy]

حسبي الله ونعم الوكيل فى البلد بنت الم........... ديه

[msobhy]

من الساعه 4.30 مستنى الشرطه
وصاحب المحطه مش موجود
الجميل انهم بيقفلوا المحطه

[Thebutcherr]

هو انت كان عندك امل

[aymanshebl]

عاااااااااااااادى جدااااااااااااا االلى انت بتقول عليه انت فى مصر وصلت الفكرة و لا لسه

[aymanshebl]

انت تعرف ان باقل من 340 جنيه طبعا من غير مصاريف الجمارك و الشحن تجيب اجود زيت على مستوى العالم amsoil فى مصر احنا مش عايشين على هامش الدنيا حتى