مساعده لاتخاذ قرار الشراء لو سمحتوا

[zaza2020]

السلام عليكم

برجاء مساعدتى لاتخاذ قرار للشراء واختيارى بين ix 35 وكيا سبورتاج الفئه التانيه سواء هيوانداى او كيا

فمش عارف اختار الحقيقه

لان هما الاتنين كويسين بس فى ناس بتقول ان موتور هيونداى انعم واقوى وثبات ال35 احسن وكمان توكيل هيونداى افضل فهل الكلام ده صحيح ؟

ياريت اللى معاه العربيه و راح التوكيل والصيانات يفيدنى لانى فعلا محتار والمفروض اخد قرار اليوم ان شاء الله

اتمنى الافاده وسرعه الرد وشكرا

[Mostafa Bedo]

السبورتاج بتاخد بنزين 95 وفعﻻ هيونداي انعم من الكيا شوية وانا في رأيي الهيونداي افضل

[Mo Dayem]

فى راءى انا شايف ان الفئه دى فيها اللى افضل من الاتنين وهى السوبارو xv ,=و يابانى اكيد افضل من الكورى

[zaza2020]

السبورتاج بتاخد بنزين 95 وفعﻻ هيونداي انعم من الكيا شوية وانا في رأيي الهيونداي افضل

ا

الاسبورتاج بقالها تقريبا 3 سنسن فى السوق وملاكها بيحطولها 92 والعربيه مشتكتش

فجزئيه 95 عشان الموتور gdi ومعدل الانضغاط 1:11 دى قتلت بحثا وال92 لايؤثر على اداء الموتور

اما جزئيه ان الهيونداى انعم دى .. الحقيقه نفسى حد من ملاك هيونداى يقولى انعم ولا لا ويكون جرب سواقه السبورتاج عشان يعرف يحكم صح

[hesham fawzy h]

Ix35

[zaza2020]

فى راءى انا شايف ان الفئه دى فيها اللى افضل من الاتنين وهى السوبارو xv ,=و يابانى اكيد افضل من الكورى

كلام حضرتك صح مليون فى الميه
بس مع قطع غيار السوبارو

وسعر اعاده البيع يبقى العربيه ماتت شر ميته للاسف

السوق انهارده شغال فى الكورى واعاده بيع افضل ما يمكن

والعربيتين ماسكين سعر used ماشاء الله فظيع

اما السوبارو suv مش موجوده خالص على الساحه

[ARKOON]

الهونداي استهلاكها 12 لتر / 100 كم

[memo_p910]

سوزوكي sx4 افضل

[Mo Dayem]

سوبارو اكس فى
دفع كلى
4*4
يابانى وكمان ارخص من ix35 و السبورتاج
صراحه ركبتها كتير مالهاش حل ما شاء الله
عيبها الوحيد سعر اعاده البيع فى بلدنا العزيزه جمهوريه مصر الكوريه

[said.d.y]

كنت في نفس حيرتك من اكتر من سنة تقريباً ، وكانت المقارنة داخل فيها القشقاى ، وطلعت القشقاى من الجولة الأولى ، وبعد كدة استقر الرأي على ix35 واشتريتها الحمد لله، وبقالها معايا حوالى 17شهر، ما شاء الله
توكل على الله وصلى استخارة ، وهات ال ix35 لاكن الفئة الثانية على الأقل.