سيارة النترا 2008

[mero2520]

لسلام عليكم ورحمة الله وبركاتة
لو سمحت معروض عليا عربية النترا 2008 مانويل ماشية 85الف ك حالتها ممتازة استعمال شخص محافظ جدا ومعظم الوقت مسافر وصيانات دورية بتوكيل .
فعاوز اعرف متوسط سعرها يكون كام واقل سعر ليها كام
وهل رينج الاسعار دى ادخلة فى النترا 2008 ولا اشوف حاجة تانية وتنصحونى باية .
وياريت الناس الى لديها النترا 2008 مستريحة فيها ولا عيوبها ومشاكلها كتير .

[EngAhmedSakr]

معايا أختها .. بس عربيتي عامله 177 ألف كيلو

مميزات : سياره إعتماديه جدا جدا ونادره الأعطال مادمت محافظ علي الصيانه الدوريه والوقائيه بإستمرار
سحب ممتاز وتكييف قوي بتأثير شبه منعدم علي السحب
باور خفيف تحركه بصباع إيدك الصغير ... وعفشه هي الأكثر ليونه في فئتها بلا منازع

عيوب : لو أسرتك كبيره فلازم تعرف ان العربيه بتهبط و بتحك في المطبات العاليه لو مركب ثلاثه بالكنبه الخلفيه
ثباتها مقبول جدا لحد الـ 140 .. وفراملها قويه ولكنها بدون abs .. يعني خليك حريص في الجري والسرعات العاليه.

رينح سعر عربيه بالمواصفات دي وبدون اضافت غاليه يكون 77 ألف .. +/- 3 الاف حسب الحاله العامه من خدوش وكاوتش وخلافه.

بالتوفيق

[Mohamedjetta]

انا معايا 2010 هي هي 2008
مميزات العربيه : سحب فوق الممتاز حتي لو مشغل التكيف و كمان العربيه اتوماتيك- التابلوه شكله جميل جدا و الاضاءه الزرقه مخليا شكل التابلوه روعه - قطع الغيار رخيصه - العربيه ناعمه اوي - تكييف ممتاز- دريكسيون ناعم وخفيف اوي وبيتقل سنه سنه لما تجري بس برضو بيكون حلو اوي- شكل العربيه من قدام حلو - الخامات تاخد 7/10 - صاجها معقول - كماليات كتيره بس يمكن انا عندي كماليات كتيره بسبب انها عربيتي هاي لاين- اعتماديه- سهوله الصيانه- عزلها كويس)
عيوب العربيه: لو بتحب الجري وبتعدي 180 و 190 وبتعمل غرز يبقي العربيه دي خطر عليك اوي ... يعني العربيه حلو عليها 170 180 كم/س بس ممكن تركب شدادات تكلفك 1000 جنيه و هتخلي العربيه ثابته جدا وتاخد احسنها ملف بسرعه عاليه- الاوكر اللي من جوه بتتقشر بسرعه بسبب انها نيكل- الفرامل نص نص بس لو ركبت كاوتش محترم هتبقي كويسه جدابس احسن من لانسر بومه 1300cc- شكل العربيه من ورا نص نص بس لما بتتعدل بتبقي تحفه في الاخر دي اذواق )
الصراحه العربيه مجملا ممتازه و عيوبها اصلا تافهة
مبروك مقدما

[Mohamedjetta]

وعربيتي عامله 117 الف

[mero2520]

EngAhmedSakr / Mohamedjetta

شكرا باشمهندس احمد واستاذ محمد

لكن سوالى رجاءا بالنسبة لسعر السيارة هل هى افضل فائتها سعرا ولا ممكن اشوف حاجة افضل وبنفس السعر ؟؟!!

[Mohamedjetta]

EngAhmedSakr / Mohamedjetta

شكرا باشمهندس احمد واستاذ محمد

لكن سوالى رجاءا بالنسبة لسعر السيارة هل هى افضل فائتها سعرا ولا ممكن اشوف حاجة افضل وبنفس السعر ؟؟!!

فيه زي الاوكتافيا a4 و البورا و و الجولف4 ؟ هل انت ليك رغبه في الموديلات القديمه ؟ هل بتحب الجري والشد؟ قادر ع صيانات العربيات دي؟ هل حابب تجيب قطع غيار رخيصه؟ هما عربيات محترمة جدا ودول احسن موديلات انتجتها فولكس
جاوب ع الاسئله وانا هساعدك في الاختيار
ومفيش شكر ع واجب