مصيبه فيرنا 2015

[limoo ahmed]

من شهر اشتريت فيرنا 2015
وفيها مشكله ف الدريكسيون بيتقل وسعات بيقفش مره واحده
رحت توكيل هيونداي بعد ما اشتريت العربيه قالولي ف صيانه اﻻلف هتتحل
الصيانه مره واتنين وخمسه وكل مره يخترعولي عيب
لحد ما تسبب العيب ده عملي حادثه
الدريكسيون قفش معايا فجاه وعربيه نقل دخلت ف الباب ﻻني معرفتش افادي نفسي
وكنت هموت ناس ع الطريق
انا تاميني غبور وديت العربيه للهياكل ورميتلهم المفتاح ومشيت وقلتلهم ان العربيه دي جديده ولسه ف الضمان ونا مش هستلمها ﻻنها كانت هتموتني اكتر من
10 مرات وربنا ستر المرادي كنت هموت بجد
قدمت شكوى بخصوص المشكله وبيقولولي هيصلحوا العربيه
وانا اساسا مس هفكر اركبها تاني شديت معاهم وقولتلهم ياتغيروا للعربيه يا ترجعولي فلوسي انا رحت اكتر من خمس مرات التوكيل وبيسلموني العربيه زي ماهي
ونا مش هركب العربيه دي ﻻني كنت هموت بيها اكتر من مره
مش عارف اعمل ايه بجد

[eslam atia]

محامي وشكوة محترمة
لحماية المستهلك

[7oda]

جهاز حماية المستهلك

[Ahmedvero]

يا باشا قضيه او شكوي واطلب تعويض كمان

[amr011111]

حماية المستهلك

[محمود بهاء]

قضيه تعويض على الشركه تخرب بيتهم بيها

[amr_8800]

محامي محترم وارفع قضيه واطلب تعويض كبير للضرر المادي والمعنوي
محتاجه صبر عشان هتاخد وقت كبير بس لو ظبط ورقك مظبوط ومعاك فواتير الصيانات الي اتعملت على العيب ده
النتيجه هتبقا مضمونه
وربنا يعوض عليك

[hugan]

اعمل فيهم بلاغ

[hesham fawzy h]

هو حوار التعويض دة موجود فى مصر :)

يعنى ممكن يدولو فلوس علشان معنوياتة مدمرة ؟؟

قدر الله و ما شاء فعل

[kondor]

حماية المستهلك

[Mecha]

موش ممكن ابدا العك بتاع هونداي دا ,مش عارفين يعملو دركسيون
الدركسيون زي الفرامل اهم حاجه في امان العربيه
عك في فيرنا وعك في دركسيون النترا
المفروض يسحبوها من السوق ,عربيه خطره

[ashrafwolf]

لو انت كنت كاتب في تقرير الصيانه عن المشكله ممكن توديهم ورا الشمس
لو الكلام ده شفهي مع مهندس الاستقبال يبقي ربنا يعوض عليك

[yasser100]

بص ، معاك ورق انك رحت الصيانه اكتر من مره علشان العيب ده ؟

لو معاك ورق اثبات . هات محامى لعيب و قول له عايز تعويض و له نسبه يتفق عليها من اللى هايجيبه .

و اتفرج بقا يا معلم هايعمل ايه .

[El Prince]

محامي محترم وارفع قضيه واطلب تعويض كبير للضرر المادي والمعنوي
محتاجه صبر عشان هتاخد وقت كبير بس لو ظبط ورقك مظبوط ومعاك فواتير الصيانات الي اتعملت على العيب ده
النتيجه هتبقا مضمونه
وربنا يعوض عليك

+ 1111111111 هو ده الكلام من الآخر

[Mohamedjetta]

موش ممكن ابدا العك بتاع هونداي دا ,مش عارفين يعملو دركسيون
الدركسيون زي الفرامل اهم حاجه في امان العربيه
عك في فيرنا وعك في دركسيون النترا
المفروض يسحبوها من السوق ,عربيه خطره

انت داخل شمال ليه في الهيونداي !!!!! زعلان ليه منها! .... نفس الشئ داخل شمال في كيا !
معرفش ازاي الفيرنا لحد الان بتنزل !!!! ده بقي فشر غبور .... اصلا الفيرنا لحد موديلات 2005 وبعد كده نزلها شكل جديد وبقي اسمها نيو اكسنت .... اما مصر بتنزلها لحد الان!!
دريكسيون الالنترا ماله ؟!! قصدك عشان موضوع علبه الدريكسيون فده عيب في موديلات 2012 وكله عارف كده و في السعوديه و عمان و دول الخليج صلحو العيب ده و خلاص انتهي موضوعها وطبيعي اي عربيه لسه نازله جديد لازم يكون فيها عيب....... دي فولكس واجن بقالها خمس سنين مصممه ع الفتيس مع انه معيوب مع ان تمن الفتيس معدي 70 الف جنيه
انا عربيتي النترا خليجي ماشيه 117 الف وعمرها ما غيرت علبة دريكسيون... المشكله ان العلبه لو فيها عيب وكوريا عرفت بتقوم ساحبه القطعه دي و بتبدلها بقطعه غير معيوبه زي ما حصل في الخليج بس لاسف غبور مش بيعمل كده خالص