صاينة 120.000 كيلو - النترا 2010

[msobhy]

السلام عليكم ورحمة الله وبركاته
اينعم انا فاضل لى كتيييييييير على صيانة ال 120.000 لكن قلت اجهز من دلوقتى لأنها هاتدخل فى مبلغ
اللى انا عارفه ان اللى هايتغير التالى
سير المجموعه
بوجيهات
فلتر هواء
زيت
فلتر زيت
تغيير مياه ريداتير

نيجى للأسئله
1- فيه اى حاجه تانى بتتغير
2- هل فيه بليه للتكيف أو ما شابه لأنى لما بشغل التكييف بحس بصوت خشن شويه فى الموتور مع العلم ان أداء التكييف ممتاز والحمد لله
3- ايه احسن مكان مضمون اشترى منه قطع الغيار
4- ايه هو البارت نمبر بتاع البوجيهات - وهل ينفع اركب ايريديوم أو اى حاجه تحسن الاداء
5- ايه احسن مكان اعمل فيه الصيانه - بصراحه عايز اعملها عند المهندس هانى - لكن المشوار بعيد جدا عليه - انا فى الهرم - وتقريبا كده المصنعيه تعمل كااااااااااام

حاجه اخيره صوت بلية الدبرياج بدءت تطلع - لو عايز طقم دبرياج أصلى بكام ومنين؟؟؟؟؟؟؟؟؟؟

[Waleed_aboammar]

السلام عليكم ورحمة الله وبركاته
اينعم انا فاضل لى كتيييييييير على صيانة ال 120.000 لكن قلت اجهز من دلوقتى لأنها هاتدخل فى مبلغ
اللى انا عارفه ان اللى هايتغير التالى
سير المجموعه
بوجيهات
فلتر هواء
زيت
فلتر زيت
تغيير مياه ريداتير

نيجى للأسئله
1- فيه اى حاجه تانى بتتغير
2- هل فيه بليه للتكيف أو ما شابه لأنى لما بشغل التكييف بحس بصوت خشن شويه فى الموتور مع العلم ان أداء التكييف ممتاز والحمد لله
3- ايه احسن مكان مضمون اشترى منه قطع الغيار
4- ايه هو البارت نمبر بتاع البوجيهات - وهل ينفع اركب ايريديوم أو اى حاجه تحسن الاداء
5- ايه احسن مكان اعمل فيه الصيانه - بصراحه عايز اعملها عند المهندس هانى - لكن المشوار بعيد جدا عليه - انا فى الهرم - وتقريبا كده المصنعيه تعمل كااااااااااام

حاجه اخيره صوت بلية الدبرياج بدءت تطلع - لو عايز طقم دبرياج أصلى بكام ومنين؟؟؟؟؟؟؟؟؟؟

هي صيانة 120 تعتبر من نفس عائلة 40 و 80 و اللى لازم يكون فيها فحص شامل للعربية و اما بالنسبة للتغييرات فحضرتك كتبت معظم الحاجات بس ماكتبتش فلتر البنزين
بالإضافة للتغييرات دى بيبقى جميل جدا لو اللى يعملك الصيانة ينضفلك البوابة بالاسبراى و كمان حساس الايدل بيفرقوا كتييير جدا
انا بفضل بالنسبة لمية الرادياتير انك تعملها عند بنزينة يكون عندها ماكينة تنظيف الرادياتير او حد تكون عنده و كمان تخليه يفك القربة و يغسلها من الشوائب و يفضل يغسلها بالرمل و ماء النار المخفف كده تشيل اى وساخة في القربة
بالنسبة للتكييف برضه يفضل تروح لحد متخصص لان نادرا لما تلاقى مركز صيانة و عنده وحدة تكييف متطورة لقياس ضغط الفريون أما بخصوص الصوت فيفضل عمل الصيانة الميكانيكية أولا و تقوله على الصوت ده و ان شاء الله يروح بالصيانة الميكانيكية
كمان ابقى اطمن على شحن البطارية و كفاءة الدينامو عند كهربائى كويس عشان انهيار البطارية المفاجئ بيبقى بايخ قوى و بيأثر على سرعة استجابة دوران المارش و العربية باردة. كمان خلى الكهربائى يغسلك القواطيش بمية نار و يشحمها عشان كفاءة التوصيل و يشيك على المية لو سايلة.
بالنسبة للرشاشات ممكن تغرم مرة يكون التانك اقل من نصه و تضحى و تمون بنزين 95 ده بيفوق العربية جامد و بينظف الرشاشات و مش خطر على العربية و بيمتعك شوية بزيادة سرعة العربية بس تأثيره بيفضل بنظافة الرشاشات فترة كويسة
نصيحتى انك تروح لمتخصصين في كل بند و ماتروحش مركز بتاع كله من ناحيتين لانك هتعرف تتابع عربيتك و تاخد خدمة من متخصص و هتوفر انك بتدفع مباشرة للصنايعى اللى هيبقى عايزك تبقى زبونه و يكرمك اول مرة و يعملك شغل كويس
انا كنت عملت صيانة 80 الف في احد المراكز المعتمدة و على ما اذكر دفعت الفين و شوية شامل قطع الغيار بس ماكنتش مبسوط لانى مثلا لقيت مية الرادياتير لونها بقى اصفر بعد كام شهر و الرواسب في قربة المية ماتغيرتش و كمان بعد كام شهر لقيت زيت الفيتيس الاتوماتيك بقى اسود فقررت ماروحش مراكز تانى و اعمل الحاجة واحدة واحدة عند ناس متخصصة حتى لو اخدت منى كذا يوم
طبعا مش محتاج اوصيك على العفشة لان ده بند لوحده و ممكن بتاع زوايا محترم يكشفلك عليها او عفشجى امين يشوفلك المساعدين و جلب المقصات.

[adel1212]

هي صيانة 120 تعتبر من نفس عائلة 40 و 80 و اللى لازم يكون فيها فحص شامل للعربية و اما بالنسبة للتغييرات فحضرتك كتبت معظم الحاجات بس ماكتبتش فلتر البنزين
بالإضافة للتغييرات دى بيبقى جميل جدا لو اللى يعملك الصيانة ينضفلك البوابة بالاسبراى و كمان حساس الايدل بيفرقوا كتييير جدا
انا بفضل بالنسبة لمية الرادياتير انك تعملها عند بنزينة يكون عندها ماكينة تنظيف الرادياتير او حد تكون عنده و كمان تخليه يفك القربة و يغسلها من الشوائب و يفضل يغسلها بالرمل و ماء النار المخفف كده تشيل اى وساخة في القربة
بالنسبة للتكييف برضه يفضل تروح لحد متخصص لان نادرا لما تلاقى مركز صيانة و عنده وحدة تكييف متطورة لقياس ضغط الفريون أما بخصوص الصوت فيفضل عمل الصيانة الميكانيكية أولا و تقوله على الصوت ده و ان شاء الله يروح بالصيانة الميكانيكية
كمان ابقى اطمن على شحن البطارية و كفاءة الدينامو عند كهربائى كويس عشان انهيار البطارية المفاجئ بيبقى بايخ قوى و بيأثر على سرعة استجابة دوران المارش و العربية باردة. كمان خلى الكهربائى يغسلك القواطيش بمية نار و يشحمها عشان كفاءة التوصيل و يشيك على المية لو سايلة.
بالنسبة للرشاشات ممكن تغرم مرة يكون التانك اقل من نصه و تضحى و تمون بنزين 95 ده بيفوق العربية جامد و بينظف الرشاشات و مش خطر على العربية و بيمتعك شوية بزيادة سرعة العربية بس تأثيره بيفضل بنظافة الرشاشات فترة كويسة
نصيحتى انك تروح لمتخصصين في كل بند و ماتروحش مركز بتاع كله من ناحيتين لانك هتعرف تتابع عربيتك و تاخد خدمة من متخصص و هتوفر انك بتدفع مباشرة للصنايعى اللى هيبقى عايزك تبقى زبونه و يكرمك اول مرة و يعملك شغل كويس
انا كنت عملت صيانة 80 الف في احد المراكز المعتمدة و على ما اذكر دفعت الفين و شوية شامل قطع الغيار بس ماكنتش مبسوط لانى مثلا لقيت مية الرادياتير لونها بقى اصفر بعد كام شهر و الرواسب في قربة المية ماتغيرتش و كمان بعد كام شهر لقيت زيت الفيتيس الاتوماتيك بقى اسود فقررت ماروحش مراكز تانى و اعمل الحاجة واحدة واحدة عند ناس متخصصة حتى لو اخدت منى كذا يوم
طبعا مش محتاج اوصيك على العفشة لان ده بند لوحده و ممكن بتاع زوايا محترم يكشفلك عليها او عفشجى امين يشوفلك المساعدين و جلب المقصات.

متفق مع سيادتك في كل ما قيل فيما عادا موضوع البنزين الـ 95
ممكن في اخر تفويلة قبل الصيانة الميكانيكية يضيف منظف دورة الوقود (stp) دي بقى عن تجاااااارب كتير اكثر من ممتازة وبعدها يغير طقم البوجيهات و الفلاتر
و للاسف الhd ملهاش بوجيهات ايريديوم
بالنسبة لقطع الغيار ابراهيم البنا في التوفيقية ممتاز
و بالنسبة للصوت ممكن تكشف علي سير الكتينه كمان بالمرة
تحياتي

[Mohamedjetta]

ياريت تعرفلنا صيانه 120 الف لاني قربت عليها وناوي اعملها في الاجازه لما اروح مصر

[hamdabahr]

ياريت تعرفلنا صيانه 120 الف للكليو

[m_zizo620]

السلام عليكم ورحمة الله وبركاته
اينعم انا فاضل لى كتيييييييير على صيانة ال 120.000 لكن قلت اجهز من دلوقتى لأنها هاتدخل فى مبلغ
اللى انا عارفه ان اللى هايتغير التالى
سير المجموعه
بوجيهات
فلتر هواء
زيت
فلتر زيت
تغيير مياه ريداتير

نيجى للأسئله
1- فيه اى حاجه تانى بتتغير
2- هل فيه بليه للتكيف أو ما شابه لأنى لما بشغل التكييف بحس بصوت خشن شويه فى الموتور مع العلم ان أداء التكييف ممتاز والحمد لله
3- ايه احسن مكان مضمون اشترى منه قطع الغيار
4- ايه هو البارت نمبر بتاع البوجيهات - وهل ينفع اركب ايريديوم أو اى حاجه تحسن الاداء
5- ايه احسن مكان اعمل فيه الصيانه - بصراحه عايز اعملها عند المهندس هانى - لكن المشوار بعيد جدا عليه - انا فى الهرم - وتقريبا كده المصنعيه تعمل كااااااااااام

حاجه اخيره صوت بلية الدبرياج بدءت تطلع - لو عايز طقم دبرياج أصلى بكام ومنين؟؟؟؟؟؟؟؟؟؟

بص يا باشا بما اننا معانا احنا الاتنين النترا ٢٠١٠ و كمان طلعنا جيران في الهرم فهاقولك على الحاجات اللي قابلتني
صوت التكييف اخشن معايا و تم الكشف في التوكيل و قالوللي عايز تغيير كمبرسور و بتاعه و قالولي سعره هو و المصنعيه بتاعته ٩٠٠٠ جنيه و بصراحه ده تمن خرافي بعد كده بفتره لقيته مش بيسقع خالص قالي ان في كاوتشه في المواسير اتقطعت و ده يستلزم تغيير الشجره كلها الي هي مواسير التكييف و تكلفتها عندهم بالمصنعيه حوالي ٢٠٠٠المهم ان ده كان في دخله الشتا الي فات مع بدايه الصيف لقيته عايز يتشحن لانه كان سرب بسبب القطع كل الفريون
فرحت لحد بتاع تكييف في الهرم فك المواسير و قطع الجزء ده و استبدله بحديد و شحنهولي تمام و بقي تبريده ماشاء الله بعدها سالته على موضوع الصوت الخشن اللي في التكييف و قالي برده ان ده الكومبرسور و قالي ممكن اجيب واحد استيراد بحوالي ٢٠٠٠ جنيه و غالبا ممكن نحتاج نغير السربنتينه و قالي خليه لما يجيب اخره ونغير
بالنسبه بقى لصوت بليه الدبرياج اول ما سمعته قررت اغير الطقم كله عشان فك القصه دي غلبه و كنت ابتديت احس بضعف الاداء و رحت لمركز المهندس محمد عبد الجواد في شارع الاربعين في جسر السويس و هو الي بعت ناس من عنده جابولي الطقم الاصلي من الحرفيين و غيرت زيت فتيس موبيل و بصراحه المهندس محمد الله يكرمه ظبطلي الدنيا و الطقم بالمصنعيه بزيت الفتيس كلفني ٨٥٠ جنيه
ياريت اكون قدرت افيدك

[msobhy]

عاجز عن الشكر لكل الردود
محدش يقدر يفقط لنا اسعار قطع الغيار
ويا ريت البارت نمبر بتاع بوجيهات النترا 2010