نقص الزيت بالفيرنا بدون ترشيح

[badraboulel]

السلام عليكم
اخوكم عضو جديد بعد متابعة للموقع اكثر من شهرين بصراحة افضل موقع وافضل اعضاء
علشان مطولش عليكوا
انا ليا طلبين عايز اعرف اشترك ازاي في اصحاب الفرينا الفيرناويا
الطلب التاني انا عندي مشكلة في العربية فيرناموديل ٨/٢٠١٢ عداد١٠٠،٠٠٠ك بسبب ظروف عملي وسكني
العربية عزيزة جدا عليا وبحبها بس ابتدا يظهر شوية مشاكل اهمها
نقص الزيت بدن تسريب وانا مركب غاز من بعد ال١٠،٠٠٠ك وزي الفل اول ماظهر العيب ده روحت للميكانيكي وقالي غير من زيت الغاز للموبيل وغيرت ولسه العيب ده موجود
ارجوا من الاخوة الاعضاء الي عنده حل للمشكله دي ما يبخلش عليا بي وخصوصا انا ضعيف جدا بالميكانيكا مع اني بسوق من١٥ سنة
اسف للأطالة ولكم كل شكري واعجابي
السلام عليكم

[haysam2000]

افتح الكابوت و اقف قدام العربيه و بص على وش الموتور من فوق شوف اذا كان فى زيت على حروف غطاء التاكيهات ولا لآ

https://www.google.com.eg/search?hl=en&site=imghp&tbm=isch&source=hp&biw=1440&bih=775&q=%D8%BA%D8%B7%D8%A7%D8%A1+%D9%88%D8%B4+%D8%A7%D9%84%D8%AA%D9%83%D8%A7%D9%8A%D9%87%D8%A7%D8%AA&oq=%D8%BA%D8%B7%D8%A7%D8%A1+%D9%88%D8%B4+%D8%A7%D9%84%D8%AA%D9%83%D8%A7%D9%8A%D9%87%D8%A7%D8%AA&gs_l=img.3...49.5306.0.5609.17.9.0.6.0.0.589.1153.5-2.2.0....0...1ac.1.58.img..16.1.564.Yx-8jzSi_YA#facrc=_&imgdii=_&imgrc=k2mPVJ-wlmsU5M%253A%3B01vFM3Sq6M2LDM%3Bhttp%253A%252F%252Fwww5.0zz0.com%252F2010%252F09%252F17%252F22%252F714545705.jpg%3Bhttp%253A%252F%252Fwww.nilemotors.net%252FNile%252F240934-a.html%3B1280%3B960

[د.محمود صلاح]

ممكن يكون المحرك بدأ يخف وياكل زيت

[eslam atia]

معلش الميكانيكي دا مش بيفهم
هو شايف ان السبب الزيت ؟
هو حضرتك بتستعمل زيت ايه ؟؟ للغاز ؟؟
والعربية بتدخن معاك دخنة ؟؟ ولونها ايه ؟؟
شوف طبه الكارتيرة وشوف فلتر الزيت ، لان اوقات كتير بيكونوا مفوتين

[badraboulel]

السلام عليكم
اشكر كل الي ردوا عليا
اولا انا كنت بستخدم زيت فيسكوا للغاز١٠،٠٠٠ك وكنت بنزله علي٨،٠٠٠ وأخر فترة كنت بنزله علي٧،٥٠٠وهو تمنه١٢٥ج ودلؤتي باستخدم موبيلز٥،٠٠٠ك طبعا انا كنت مستغرب من فرق السعر ده بس الناس قالوا عادي
وانا من النوع الي بحب اسخن العربية وانا طالع في اول اليوم او لما بسبها فترة طويلة اثناء اليوم فبلاحظ مفيش اي لون للعادم من الشكمان الا ريحة قوية لما المؤشر يقرب للنص او لما تكون سخنت واحس بصوت المكنة علي ورجة بسيطة جدا تكاد لا تذكر
اما وش الماتور مفيهوش زيت ولا تعريق
والنهاردة اول مرة اشوف زيت تحت العربية مع اني ملاحظ للنقطة دي اوي وكل يومين تقريبا بتبعها بس الترشيح بسيط حوالي ٥/٦نقط يعني
وأسف علي تعبكوا معايا

[eslam atia]

شوف وتتبع نقط الزيت دي جاية منين
الفلتر ولا الطبة وخلي بالك لما العربيية بتسخن بيكون التسريب سريع ولما بتبرد بيقل وهو دا اللي بتشوفة تحت العربية 5 او 6 نقط
وللأمانة زيت فيسكو ممتاز خصوصا لمحركات االغاز ، وتوكيل هيونداي ابو راوش بيستعملوه هناك للعربيات الاجرة كلها غاز وبنزين