كيف اختبر قواعد فتيس وموتور الفيرنا ؟

[wael6]

السلام عليكم
فيه عندى هزه بسيطه ع السلانسيه بحسها فقط على كرسي القياده والدركسيون
ممكن اعرف اماكن قواعد الفتيس والموتور للفيرنا ؟
وكيف اختبرهم ؟
واسعارهم للجديد الاصلي من فضلكم؟
وشكرا جزيلا

[medo_sirion]

حضرتك افتح الكبوت لو لقيت في رجه واضحه في الماتور وهو داير هيبقي اكيد في حاجه لاما في المباين او سلك البيجوهات
لو في حاجه في القواعد هتسمع صوت تقه وانت طالع او في الوقوف

[wael6]

حضرتك افتح الكبوت لو لقيت في رجه واضحه في الماتور وهو داير هيبقي اكيد في حاجه لاما في المباين او سلك البيجوهات
لو في حاجه في القواعد هتسمع صوت تقه وانت طالع او في الوقوف

فى رجه بسيطه جدا
والميكانيكي خلانى اعشق الاول وانزل فرامل اليد والعربيه مبطله وقعد يهز فى العربيه للامام والخلف
وقالى خلى العفشجي يبصلك على قاعدة الفتيس الخلفيه وعندك القاعدة الامامية اللى فى الاكصدام ضعيفه

لكن انا معنديش طقه لا فى الوقوف ولا الطلوع


متابع
وشكرا جزيلا

[hesham fawzy h]

حضرتك افتح الكبوت لو لقيت في رجه واضحه في الماتور وهو داير هيبقي اكيد في حاجه لاما في المباين او سلك البيجوهات
لو في حاجه في القواعد هتسمع صوت تقه وانت طالع او في الوقوف

هى ايية المباين دى؟

[wael6]

هى ايية المباين دى؟

اكيد يقصد الموبينه

[medo_sirion]

اولا قواعد الفتيس او الماتور ده تخصص الميكانيكى وليس العفشجى

المباين هي فعلا الموبينه
لان في عرييات هيونداي زي الاكسن كل بوجيه علي موبينه فبنقول مباين
اما الفيرنا متجمعه علي موبينه واحده

[hesham fawzy h]

[wael6]

اولا قواعد الفتيس او الماتور ده تخصص الميكانيكى وليس العفشجى

للاسف كل صنايعي بيرمى على التانى

المباين هي فعلا الموبينه
لان في عرييات هيونداي زي الاكسن كل بوجيه علي موبينه فبنقول مباين
اما الفيرنا متجمعه علي موبينه واحده

شكرا للتوضيح
وجزاكم الله خيرا

[medo_sirion]

تحت امرك يافندم

[verna2008auto]

اللي اعرفه ان الميكانيكي بيحط ( هايدروليك رفع ) تحت الموتور بعد ما يهوي صواميل قواعد الموتور سنه بسيطه .. ويرفع الهيدروليك بالموتور بتاع العربيه لغايت مستواه الطبيعي .. ويرجع يربط الصواميل اللي فكها تاني علي الوضع التمام بتاعه ,, وبكده بيكون رجع الموتور لوضعه الطبيعي بعد التريحه بتاعته .. ولو ريح تاني يبقي كده فيه مشكله فعلا ف كاوتش قواعد الموتور ...بس

[wael6]

اللي اعرفه ان الميكانيكي بيحط ( هايدروليك رفع ) تحت الموتور بعد ما يهوي صواميل قواعد الموتور سنه بسيطه .. ويرفع الهيدروليك بالموتور بتاع العربيه لغايت مستواه الطبيعي .. ويرجع يربط الصواميل اللي فكها تاني علي الوضع التمام بتاعه ,, وبكده بيكون رجع الموتور لوضعه الطبيعي بعد التريحه بتاعته .. ولو ريح تاني يبقي كده فيه مشكله فعلا ف كاوتش قواعد الموتور ...بس

نورتنى يا عاصم بك

[samihanwar]

ريح نفسك:
لو فيها قواعد ماتور هتلاقى فى رجه فى الماتور وانت طالع يعنى تلاقى فى رجه فى العربيه فى اول الطلعه.
اما قواعد فتيس هتلاقى فى نطه او برجله اونتشه شويه وانت بتغير .
وفى الاول والاخر روح لميكانيكى كويس وثقه وهو هيقولك