سؤال في الاكسيل

[hossam mahmoud]

السلام عليكم
لسه بايع عربيتي لانوس وان شاء الله عايز اجيب اكسيل كاملة ياريت اعرف الاتي
مميزات اكسيل ١٥٠٠ و ١٣٠٠ والعيوب والسعر كام مش شرط موديل معين المهم الحاله
هل هحس بفرق بين الانوس والاكسيل ١٣٠٠/١٥٠٠
شكرا ليكم

[al_manara]

ال 1500 فيها باور وتكيف وسنتر وشوية حاجات تانية مش موجودة في ال 1300

اما الفرق بين اللانوس والاكسيل ال 1500
الفرق اللانوس فيها مراية كهربا

العربيتين تقريبا زي بعض

الاحسن شوفلك اوبل 94 . احسن من الاتنين بكتير

[hossam mahmoud]

الف شكر لردك
الاوبل قطع غيارها غاليه
الاكسيل ١٥٠٠ او ١٣٠٠ نعوميه وسحب زي الانوس ولا مش هحس بفرق

[wael61]

انا فى رايي اللانوس احسن من الاكسيل
الاكسيل صاجها ضعيف وخفيفة بس هى ناعمة وتجميهعا كويس
والله يوفقك لما فيه الخير

[wael61]

طالما حضرتك فى القاهرة وبتوع قطع الغيار قريبين عليك فكر فى الفورد اسكورت عربية جميلة ووهم وسعرها حنين وقطع غيارها معمرة بس غاليه وقليلة لكنها ركوبة جميلة

[aelmohamady]

الاكسيل تكنولوجيا قديمة شغالة كاربيرتير انما اللانوس رشاشات وكمبيوتر واحدث بكتير منها

Sent from my samsung GT-I9152 using Forum Runner

[cayman69300]

السلام عليكم
كان معايا فكترا 1995 الشكل القديم - الميزة الوحيدة اللى فيها انها ثابته على الطريق لغاية 170 او 180 كمان
و لكن مشكلتها الاساسية فى الاتى ( التكييف سئ جدا جدا جدا - حساس الماف و دة مسئول عن الهوا - السخونه و حرارتها الطبيعى من 90 : 95 - غلو قطع الغيار - علشان العربية تقيلة بتاكل عفشة باستمرار ) قبل ماانسى الاوبل قعدت معايا 6 سنين

بدلتها بعربية اكسيل 97 - 1500 اوتو خليجى فول اويشن
الاكسيل بقة عربية سهله سهله سهله الى اقصى الحدود - البنزين على الطريق فى حدود 190 / 20 لتر لانها كربراتير - بنزين 80 - قطع غيارها موجودة عند كل الناس و ببلاش - اخر سبحها على الطريق 120 : 130 و لو ركبت كاوتش اعرض و جنوط نضيفة مش صينى ممكن تجيب بيها 150 او 160 كمان

وجهه نظرى و قناعتى - ان الطبيعى ان الكورى يبقاله سعر عن الالمانى القديم و انا باقول القديم لان اغلبة مشاكل

[hossam mahmoud]

الف شكر ليكم
كده المشكله الصاج ضعيف نستحمل
سمعت ان في شرخ بيبقي في الحوض تقريبا عند المساعدين او البطاحات هل لو اتعالج بييعيب العربية وياثر في تمنها
وبيقولو التكيف مشاكل كتير والافضل يتغير الكلام ده صحيح
والسؤال المهم سعر اكسيل ١٥٠٠ يبداء من كام حاله كويسة متكنش تعبانه مش شرط الموديل
وشكرا ليكم

[mado83]

الف شكر ليكم
كده المشكله الصاج ضعيف نستحمل
سمعت ان في شرخ بيبقي في الحوض تقريبا عند المساعدين او البطاحات هل لو اتعالج بييعيب العربية وياثر في تمنها
وبيقولو التكيف مشاكل كتير والافضل يتغير الكلام ده صحيح
والسؤال المهم سعر اكسيل ١٥٠٠ يبداء من كام حاله كويسة متكنش تعبانه مش شرط الموديل
وشكرا ليكم

فعلا فى شرخ عند البطاحه الشمال وانته واقف فى وش العربيه وده فى اغلب العربيات
لو هتجيب خليك فى ال1500 لانها تكييف وبارو وزجاج كهربا
التكييف زى قلته
مميزاتها لو هتحطلها 92 هتبقى عروسه ولو هتحطلها 80 هتبقى عروسه برضو بس زى المطلقه
السعر هيتراوح بين ال32 الى38 حسب الحاله
عفشتها لازم تراقبها كل فتره وده بسبب سوء قطع الغيار حتى لو جديده

[hossam mahmoud]

فعلا فى شرخ عند البطاحه الشمال وانته واقف فى وش العربيه وده فى اغلب العربيات
لو هتجيب خليك فى ال1500 لانها تكييف وبارو وزجاج كهربا
التكييف زى قلته
مميزاتها لو هتحطلها 92 هتبقى عروسه ولو هتحطلها 80 هتبقى عروسه برضو بس زى المطلقه
السعر هيتراوح بين ال32 الى38 حسب الحاله
عفشتها لازم تراقبها كل فتره وده بسبب سوء قطع الغيار حتى لو جديده

الف شكر ليك
طب الشرخ ده يعيب العربيه ياثر في اعادة البيع
ولو لقيت الشرخ في عربية اشتريها ولا لاء

[mado83]

الف شكر ليك
طب الشرخ ده يعيب العربيه ياثر في اعادة البيع
ولو لقيت الشرخ في عربية اشتريها ولا لاء

ميعيبش العربيه وفى ناس بتبقى لحماها وناس لا
وفى عربيات مافيهاش الشرخ ده اصلا