واحد مؤذي بوظلى المراية

[bassem90]

صباح الفل عليكم
انا انهرده كنت راكن ناحية سيتى ستارز
وبعد ما خلصت مشوارى وجاى اركب العربية
لقيت واحد مؤذي شايل الازاز بتاع المراية الشمال
يعنى لقيت المرايه الشمال مفهاش ازاز بس هى كوحدة سليمة
الحمدلله على كل شىء
عايز استفسر بس هو انا كده لازم اشترى مرايه جديدة
ولا اروح لبتاع زجاج سيارات يركبلى زجاج على مقاس الوحدة
ياريت لو حد عنده خبره يفيدينا ويقلنا ممكن تكلف كام


انا عربيتى فيرنا 2006

[jos116eph]

بيتهيالى المراية بتتباع لوحدها عند بتوع الاكسسوار

[heldin_67]

تشتري كف مرايه فقط من عند محلات قطع الغيار و ممكن انت تركبها عادي جدا"

[khaled_yassin]

حصلى نفس موقفك دة مره ,ومره تانيه لقيتها مكسوره
قدامك اختيارين
انك تشترى كف مرايا من بتوع قطع الغيار انا كنت مشتريها ب40 جنيه دلوقتى سمعت انها وصلت ل75 جنيه
انك تروح لبتاع مرايات يعمك واحدة
راى الشخصى اشترى احسن لان بتاعه المرايات مش حوة ولا زى الاصلى

[mrghost]

كنت سألت عليها من فترة كبيرة كانت ب25 جنيه مش عارف دلوقتى بكام

[تامر راغب]

بتتباع لوحدها - ماتقلقش وسهل تلاقيها عند بتوع الأكسسوارات
وسعرها مش هتلاقيه غالى لأن واحد صاحبى معاه سيراتو 2012 حصلت فيه نفس الحركة وجابها ب 80 جنيه
فإن شاء الله مش هتزيد عن 40 جنيه أبدا

[samihanwar]

د ه اللى عمل الحكايه دى حرامى ابن حرام
حسبى الله ونعم الوكيل فى الاشكال دى
اشترى كف مرايه وأمرك الى الله ب 65 من التوفيقيه
والله المستعان

[egyptiandiver]

كف مرايه فقط 50 pounds...