كبالن فيرنا ب ٤٥٠٠ جنية بعد التخفيض

[hzmmmk]

اخويا كان فى غبور راح يعمل تشيك على عربيته فيرنا ٢٠٠٤ ١٦٠٠ سي سي لانهم عملين عرض صيانة مع تخفيض ٢٥. ٪ على قطع الغيار بعد الفحص قالوا الكبالن لازم تتغير (بيطلع صوت طأطأه منها ) طب التكلفة كام ٤٥٠٠ جنية بعد التخفيض داخل عرض الصيانة
و ٦٠٠٠ جنية لو عايز تشتريهم خارج عرض الصيانة
الكلام دا يا جماعة منطقى و لو الواحد عايز يشترى خارج التوكيل اضمن حد مين

[medo_sirion]

يافندم خارج التوكيل في انظف من النوع الي يستخدمه التوكيل وارخص منه بفارق رهيب

[eng.m7md.ali]

مش دي اللي حاجتها عند البقال؟ 6000 جنيه في كبالن فيرنا؟

[monamize4]

6 الاف جنية ؟!!!!! ليه ان شاء الله ؟

[J A G U A R]

والأصلى بره التوكيل عامل كام ..

[M.Elwan]

الكبالن غالية في التوكيلات في الهيونداي وأي ماركة تانية
الأصلي عندي كما لحد ال٧٠ الف كيلو لما جيت أغير جبت نوع كوري بره التوكيل بالتركيب عمل ٦٠٠ جنية واشتغلو معايا لحد ٩٠ الف وبعدين عملو صوت تاني

[hzmmmk]

طب نجيب ماركة كبالين ايه و من عند مين؟
انا قولت لاخويا دى فيرنا ٢٠٠٤ مش النترا ٢٠١٤ اكيد حاجتها فى كل مكان
الكبلن الاصل عمل فوق ٦٠٠٠٠ كيلو هو غالى كدا ليه مصنوع من التيتانيوم مثلا!!!

[Eng.Mina]

انا عايز اوضح حاجة بعد اذن حضراتكم انا من فترة كنت محتاج اغير الكبالن الداخلية ( الكبالن الثابتة اللي بتاخد الحركة من الفتيس مش المتحركة اللي بتتحرك مع الكاوتش الامامي ) فسألت في التوكيل قاللي برده السعر الخزعبلي ده بس ده سعر العمود كامل بكابالنه الداخلية والمتحركة فطبعا انا اشتريت من بره التوكيل الكبالن الداخلية بس لوحدها بحوالي 650 جنيه علي ما افتكر يعني بره التوكيل ممكن تشتري الداخلي لوحده والمتحرك لوحده اما جوه التوكيل بيغير كله علي بعضه فطبعا مفيش داعي للتغيير داخل التوكيل اشتري اللي انت محتاجه من اي محل قطع غيار كبير وغير بره بربع تكلفة التوكيل

[Eng.Mina]

ودي صورة العمود اللي اقصده للتوضيح

[medo_sirion]

وايه سبب تغير العمود الداخلي

[Eng.Mina]

وايه سبب تغير العمود الداخلي

لو قصد حضرتك علي الكوبلن الداخلي فكان اعراضه طقطقه في العدل والعربية في بداية حركتها او لما بتقرص عليها شوية علشان تطلع رصيف واطي او مطلع جامد شوية وكمان كان في رعشة علي السرعات العالية بتختفي لما امور العربية

[lad]

غير الخارجى بس

[hzmmmk]

اخويا كان غير الخارجى من ٤ شهور خارج التوكيل و رجع طلع صوت طأطأه راح قال اروح التوكيل راح اتصدم من سعر ٤٥٠٠ جنية

[alpoka779]

يا با شا انا غيرت فرده كوبلن عشان طقطقت بعد تغير بليه ب 130 جنيه تايواني وزي الفل -- وفعلا الاسعار بره ببلاش 6000 ايه و4500 ايه ده جنان ولو كل الاسعار كده مكنتش انا جبت عربيه انا راجل بسيط جدا وبتقضيلي مشاواري وصيانتها علي اد الايد وفعلا حاجتها عند البقال

[samihanwar]

ده اسمو هبور
مالوش لزمه
بصراحه احنا اللى عملنا فيه كده