تعليق فى الفتيس الاوتوماتيك

[matrix012]

السلام عليكم ورحمة الله وبركاته
اخوكم من قسم سيات وكنت عاوز استشاره سريعه
اخويا معاه نيو اكسنت 2010 اتوماتيك وكل يوم تقريبا بتحصل معاه مشكله
هوا ماشى فى امان الله الفتيس بيعلق مش بيغير للغيار الاعلى وصوت الموتور بيعلى والار بى ام بيعلى طبعا والحل الى بيقدر يعمله انه يحول الفتيس على ال d ويفصل الكونتكت ويشغل العربيه تانى وهوا ماشى الموضوع ده اتكرر اكتر من مرتين انهاردا
هل المشكله فى الجير ولا فى حاجه تانيه
اولو فى ميكانيكى محترم الناس فى المنتدى مجرباه ممكن تدولونى عليه
فيدونى افادكم الله

[ahmed.zahra]

طب جرب يغير زيت الفتيس و لو في عنده فلتر للفتيس أو مصفاه لازم يتغيروا او على الأقل يتنضفوا و ان شاء الله المشكلة تتحل

[Thebutcherr]

خليه يكشف علي حساس ال tps

[aymanshebl]

طبعا عليك و على المهندس هانى ميخائيل و موضوعه اهوه

http://www.nilemotors.net/Nile/287642-speed-service-center-enghany.html

[M.Radwan]

أول حاجة تغير زيت الفتيس وتشوف هيحصل إيه
غالبا هيبقى الزيت أو حساس النقلات أو السولينويد فالف
الـ RPM بيعلى هو وصوت الموتور طبيعي عشان الفتيس منقلش للسرعة الأعلى.
حساس ال tps ملوش دعوة..ده لو بايظ هتلاقي عداد الـ rpm بيلعب على السلانسيه شوية ينزل تحت الـ 1000 وبعدين يطلع تاني وهكذا.

[za man]

السلام عليكم ورحمة الله وبركاته
بص يا باشا انا عندى نفس مشكلتك فى نفس العربية بس موديل 2011 وعملت الاتى:
رحت التوكيل بعد الكشف قال حساس a & b بتوع داخل السرعة وخارج السرعة للفتيس قلت له ماشي اقعدونى اسبوع على ما جابوه من فرع شرم الشيخ ولم جه رحت ركبته ووانا مروح نفس المشكلة حصلت تانى رحت رايح لهم تانى يوم الصبح وصلها على جهاز G scan العربية مطلعه error فى الغيار التانى والرابع قالى يا باشا يبقى كده فتيس لازم نفتح ونشوف هيتعملوا عمره ولا هيتغير بالكامل طبعا بعد الزعيق والخناق سالت عن التكلفة وانا عارف ان التوكيل هيدبحنى قالى العمره من 10 لـ 12 الف والفتيس الكامل من 17 لـ 22 الف عملتلهم مجنون علشان الحساس اللى غيرته بـ 500 جنية اونطه راحوا مرجعنلى مصنعية التغير اما الحساس فكان مستحيل يرجع طبعا واخدت بعضى ومشيت لان بصراحة اتغميت ومستنى اشوفلها حل ان شاء الله بره التوكيل ... لو انت عايز تجرب حساس a & b اللى عندى عينى ليك انا ممكن اديهولك تجرب بيه عادى يا باشا وان شاء الله تطلع حساس بس ومتبقاش ذى.
كنت عايز اعرف بقى تمن الفتيس الاوتو نيو اكسنت 2011 استيراد كام ومن عند مين لو فى حد ثقة؟

[Thebutcherr]

حساس الايدل هو اللي بيعلي و يوطي السلانسية

[haysam2000]

هو اخر تغيير للزيت كان من كام الف كيلو و نوعه ايه ؟