ليه كل الاعطال في الالنترا المصري ومفيش في الخليجي

[Hatem Toyota]

السلام عليكم
انا دوما متابع قسم الهيونداي
ولاني لسه مشتري النترا hd 2011
بعد استخدام كرولا 2012

دلوقتي الاسئلة :: الاعطال زي الطنابير ومشاكل كتير زي علبة الدريكسيون موجوده بس في مصر

ثانيا رساوة الالنترا الخليجي اعلي من الكرولا نفسها هنا

العفشة مهما حملت عليها مش بتنزل ولا بتحط في المطبات حتي في مصر لما بنزل بيها

ليه الفروقات دي كلها ؟

[soltanfriend]

العربية هي هي يا باشا ولا يوجد اى فرق الا فى دهان السيارة علشان الحرارة فقط و حتى الكاوتش هو هو نفس الماركة ونفس النقشة
وارد حضرتك استعمال العربية بيفرق والثبات دا مسألة نسبية يعنى طول ما حضرتك ماشى بحرص مهما سرعتك كانت عالية بتحس بالثبات والرساوة ولكن اذا لاقدر الله حصل موقف مفاجئ دا بيكون بقى ستر ربنا والعربية نفسها
وربنا يستر طريقنا جميعا

[raedegypt]

العربيه هى هى هيونداى مش بينتج حاجه مخصوص لمصر .. الخليجى بس يمكن الدهان علشان الحرارة هنا عاليه جدا فقط لاغير اى حاجه تانيه يمكن وسواس الخليجى والله اعلم

[Mohamedjetta]

عندي النترا 2010خليجي عمرها ما جابت معايا علبه دريكسيون

[Hatem Toyota]

وكمان ياشباب الخليجي عندي فيها esp ( الثبات الالكتروني وعمرها ما لعبت معايا

[ِAhmedLaziz]

انا معايا النترا 2010 رياضية
جابت لعبة دريسكون ،، طقة في الدريكسون نفسة عملتها عند كهربائي باور ،، بس محتاج الفلانشة علشان متاكد انها هترجع تانى

[Hatem Toyota]

علي فكره اللي بيقول المواصفات بيتنزل واحده
احب اقولك ياغالي ان في نفس البلد ( السعودية ) كل وكيل بينزل مواصفات شكل
يعني مثلا تلاقي عن المجدوعي في abs
عند الناغي مفيش
تلاقي عند الوعلان فتجة السقف نازله مع النص فل وهكذا

للاسف مختلفين مطلقا وافضل سوق هو سوق امريكا

[john55]

هات طرق نظيفه زي دول الخليج ومش هتسمع اي شكوي من العربيات في مصر دي خلاصه الكلام دا الواحد وهوماشي ورجليه اتكعبله في حفره بيحصله ايه تخيل بقي العربيه بتاخد في المتوسط يوميا مش اقل من 20 حفره من بلاعات الي نقر في الاسفلت الي طرق مكسره عايز العفشه والمساعدين يحصل ليهم في الاخر ايه وشكرا

[soltanfriend]

الاوبشنز بيختلف من وكيل لوكيل ولكن العربية ميكانيكيا هى هى لا يوجد اى فرق يذكر وان كان فى الولايات المتحده اسمع انها بتكون مصفحه من الاسفل والله اعلم

[mario_9111]

يا استاذ حاتم لو سمحتم جميعا زانا كان معايا كورولا 2010 ولسه بايعها واسعار التويوتا مرتفعه جدا وكنت عايز اشتري النترا 2012او 2013 فرايكم ايه نفس الركوبه واخبار العربيه ايه اخليبني في التويوتا ولا النترا ووفر علي نفسي واركب موديل عالي
ارجو النصيحه