هشترى فيرنا

[ahmedangel55]

السلام عليكم
ان شاء الله انا هشترى فيرنا الايام الجاية وكنت عاوز اعرف نصايحكم وانا بشترى العربية , يعنى ابص على اية واخلى بالى من اية والكلام دا .
انا هجيب مو 2007 او 2006 فكنت عايز اعرف ال 1500 لحد موديل كام ؟ عشان انا عاوز حاجة اقتصادية شوية فى البنزين .

[shiko85]

وعليكم السلام ورحمة الله وبركاته
اشترى ال 1600 بلاش 1500 لان الاختلاف فاستهلاك البنزين مش كبير و ال 1600 منتشره و مطلوبه اكتر
و اعرف ان ال 1500 sohc و 1600 dohc

[ahmedangel55]

وعليكم السلام ورحمة الله وبركاته
اشترى ال 1600 بلاش 1500 لان الاختلاف فاستهلاك البنزين مش كبير و ال 1600 منتشره و مطلوبه اكتر
و اعرف ان ال 1500 sohc و 1600 dohc

شكرا يا باشا على الرد الجميل بس برضو محتاج الناس تقولى اخد بالى من اية وانا بشترى الفيرنا ؟ كلها يومين واشتريها فعايز الناس تقولى اية النظام عشان متدبسش فى عربية حالتها تعبانة او الاقى الماتور بعد كدة فية مشاكل !

[heshamcar]

اخر موديل 1500 كان 2007 و لو ناوي عربيتي 2007 gls كامله مانوال فبريقه بالكامل داخل و خارج كحلي ماشيه 60 الف كيلو فقط اول يد لو ناوي ابعتلي علي الخاص

[abico2005]

فكك من الفيرنا وهات لوجان احسن

[ahmedangel55]

فكك من الفيرنا وهات لوجان احسن

اللوجان ناس كتير بتشتكى منها !
مش فاهم لية الناس الى معاهم فيرنا مش بيقولوا اخد بالى من اية وانا بشترى؟؟؟؟

[fedozzz]

حضرتك لو تعرف ميكانيكى و سمكرى تثق فيهم خدهم معاك و لو مفيش امكانية اكشف فى مركز خدمة او بنزينة معروف عنها انها كويسة فى الموضوع دة.. عشان مهما كان حضرتك بتفهم فى العربيات فى حاجات لازم صنايعى اللى يبص عليها

[atef_5005]

انت تبص نظره مبدائيه كده
تشوف الفروق في الابواب و الرفاف
تشوف حاله الصالون و التابلوه
تشوف ازا كان في دخنه من الشكمان
لو كله تمام اطلع علي بنزينه محترمه اكشف عليها

[shiko85]

شكرا يا باشا على الرد الجميل بس برضو محتاج الناس تقولى اخد بالى من اية وانا بشترى الفيرنا ؟ كلها يومين واشتريها فعايز الناس تقولى اية النظام عشان متدبسش فى عربية حالتها تعبانة او الاقى الماتور بعد كدة فية مشاكل !

العفو يا باشا, الشكر لله وحده
زى ما الأعضاء تكرموا و قالوا تكشف على العربيه كشف مبدئى يعنى تشوف الحاله العامه للعربيه من الخارج و الداخل تفتح الكابوت تشوف لو فيه زيت على الموتور و تشوف الصالون حالته ايه الكراسى هابطه و لا كويسه تشوف فيه اى لعب (عك) فالصالون
هتلاقى حاجات تقدر منها تحدد اذا كانت العربيه متهانه ولا صاحبها محافظ عليها و لا لأ لقيت نفسك مرتاح للعربيه كلم ميكانيكى تكون عارفه و بتثق فيه يكشف على العربيه او تطلع على بنزينه او مركز خدمه و تكشف على العربيه و تشوف التقرير هيطلع ايه (كبس ماتور - حاله الصاج و الدهان - عفشه و هكذا) و تعرف العربيه تنفع ولا لأ لو تمام او محتاجه مصاريف معقوله يبقى حاول تنزل المصاريف من السعر المطلوب
اهم حاجه بلاش استعجال و مهما يقول البائع عن العربيه لازم تكشف عليها كويس جدا و تشوف الترخيص هينتهى امتى و فيها توكيلات ولا لأ

[ahmedangel55]

العفو يا باشا, الشكر لله وحده
زى ما الأعضاء تكرموا و قالوا تكشف على العربيه كشف مبدئى يعنى تشوف الحاله العامه للعربيه من الخارج و الداخل تفتح الكابوت تشوف لو فيه زيت على الموتور و تشوف الصالون حالته ايه الكراسى هابطه و لا كويسه تشوف فيه اى لعب (عك) فالصالون
هتلاقى حاجات تقدر منها تحدد اذا كانت العربيه متهانه ولا صاحبها محافظ عليها و لا لأ لقيت نفسك مرتاح للعربيه كلم ميكانيكى تكون عارفه و بتثق فيه يكشف على العربيه او تطلع على بنزينه او مركز خدمه و تكشف على العربيه و تشوف التقرير هيطلع ايه (كبس ماتور - حاله الصاج و الدهان - عفشه و هكذا) و تعرف العربيه تنفع ولا لأ لو تمام او محتاجه مصاريف معقوله يبقى حاول تنزل المصاريف من السعر المطلوب
اهم حاجه بلاش استعجال و مهما يقول البائع عن العربيه لازم تكشف عليها كويس جدا و تشوف الترخيص هينتهى امتى و فيها توكيلات ولا لأ

مش عارف اقول اية بس شكرا على الاهتمام يا باشا
بس برضو مكنش قصدى كدة الى كان قصدى علية عرفتة النهردة من واحد معاة فيرنا وقالى اخد بالى من اية فى الفيرنا تحديدا يعنى العيوب الى بتكون موجودة فى الفيرنا تحديدا والحمد لله عرفتها وشكرا لكل الناس الى اهتمت بالموضوع وادعولى ربنا يكرمنى بعربية نضيفة

[shiko85]

مش عارف اقول اية بس شكرا على الاهتمام يا باشا
بس برضو مكنش قصدى كدة الى كان قصدى علية عرفتة النهردة من واحد معاة فيرنا وقالى اخد بالى من اية فى الفيرنا تحديدا يعنى العيوب الى بتكون موجودة فى الفيرنا تحديدا والحمد لله عرفتها وشكرا لكل الناس الى اهتمت بالموضوع وادعولى ربنا يكرمنى بعربية نضيفة

ربنا يكرمك ان شاء الله و تلاقى عربيه كويسه

[abico2005]

اللوجان ناس كتير بتشتكى منها !
مش فاهم لية الناس الى معاهم فيرنا مش بيقولوا اخد بالى من اية وانا بشترى؟؟؟؟

بيشتكوا من ايه بالظبط؟