هركن العربية فترة اعمل ايه؟

[Medo4Vod]

السلام عليكم يا شباب


انا كسافر لمدة شهر و هركن العربيه النترا اتوماتيك 2010 المده ده و مفيش حد يقدر يسخنها

المفروض اعمل ايه ؟؟

اشيل البطاريه بس ؟ و لا البطاريه و الكاوتش ؟ و افول البنزين و لا افضي التانك ؟؟


شكرا مقدما

[Medo4Vod]

نسيت اقول البطاريه بعافيه شويه لو سبت العربيه يومين بتتاخر في الدواره

[amr khater]

١-فول العربيه عشان التنكك ميصديش

٢-شيل البطاريه وقبل ماتشلها دور العربيه نص ساعه من غير متشغل كاسيت علي الواقف

٣-غطي قواطيش البطاريه بكيس بلاستك السالب لوحده والموجب لوحده

٤-اضبط ضغط الكوتش قبل ما تركن العربيه

[amr khater]

++++لازم تغطيها طبعا

[amr khater]

اقفل هوايات التكيف من البكره التكييف عشان التراب

[shiko85]

وعليكم السلام ورحمة الله وبركاته
لو فتحت علبه الفيوزات الداخليه هتلاقى حاجه بلاستيك لونها اصفر او رمادى ماسكه 2 فيوز مع بعض اخلعها

[J A G U A R]

واركنها ف جراج او مكان امان وحاول تخلى حد يدورها كل فتره

[Medo4Vod]

وعليكم السلام ورحمة الله وبركاته
لو فتحت علبه الفيوزات الداخليه هتلاقى حاجه بلاستيك لونها اصفر او رمادى ماسكه 2 فيوز مع بعض اخلعها

ده بدل ماشيل البطاريه ؟

[shiko85]

ده بدل ماشيل البطاريه ؟

بالظبط

[alpoka779]

انا اعرف ان العربيه بتترفع عشان الكاوتش ميبوظش

[Mido Casper]

يفضل بنسبه ٩٩,٩ انك تركنها الشهر دا في الجراج وف مكان كمان بعيد عن الداخل والخارج من الجراج لو امكن .
ولو تسيب المفتاح لحد من قرايبك الثقه وتدي رقمه لبتاع الجراج لو في اي حاجه او شي .
و الرفع مش مستاهل طالما شهر واحد بس المهم ف حوار البطاريه ..
انا ركنت عربيتي شهرين وسافرت ف الجراج وسبت المفتاح لقريبي وكان بيبص عليها كل فتره ..
الخساير كانت ف البطاريه عشان مكنتش بتدور وغيرتها
والكاوتش كان ريح وزودته

[Mido Casper]

يفضل بنسبه ٩٩,٩ انك تركنها الشهر دا في الجراج وف مكان كمان بعيد عن الداخل والخارج من الجراج لو امكن . عشان بره الجراج هتتبهدل اي حد يركن غلط او حد يخدشها او ياخد منها حاجه لاقدر الله
او اي حاجه اامن حاجه تركنها ف جراج ع الاقل الشهر دا لو ب ٢٥٠ جنيه بس هترجع تلاقيها زي ما سبتها .
ولو تسيب المفتاح لحد من قرايبك الثقه وتدي رقمه لبتاع الجراج لو في اي حاجه او شي .
و الرفع مش مستاهل طالما شهر واحد بس المهم ف حوار البطاريه ..
انا ركنت عربيتي شهرين وسافرت ف الجراج وسبت المفتاح لقريبي وكان بيبص عليها كل فتره ..
الخساير كانت ف البطاريه عشان مكنتش بتدور وغيرتها
والكاوتش كان ريح وزودته