مقارنه كورولا مع النترا

[Hatem Toyota]

انا صراحة بسمع كلام غريب عن الالنترا في مصر .. يمكن تختلف في مصر لان هنا في السعودية مثلا بتختلف من وكيل لوكيل

[adel1212]

انا صراحة بسمع كلام غريب عن الالنترا في مصر .. يمكن تختلف في مصر لان هنا في السعودية مثلا بتختلف من وكيل لوكيل

لا مفيش اختلاف
الاختلاف ان في بعض الناس عندها عقدة الكوري (يع - كخه )
تحياتي

[Tarek_h]

الالنترا واخدة سيارة العام في أمريكا ٢٠١٣

[eltanamly]

fe fe2a btenzl bel ABS btw

[ARKOON]

باشا من كام يوم واحد معرفة جاب النترا خليجي عربية كاملة مش ناقصها حاجة والسعر 192

[Ultramisho]

بص ياباشا
الالنترا ركوبها اريح كتير وصالونها اوسع والتابلو مودرن اكتر
الكورولا بقت تركي
الثبات في الالنترا اقل بقليل

على فكرة كل الي اشترى كورولا تركي 2013 ودها التوكيل اجروا لها تعديل علشان يرفعوها لانها كانت واطيييية اما اخر موديل فعلوها هنا في التوكيل باجراءات مش هندسية بالمرة
لا تنخدع بكلمة ياباني لان الياباني بقى ياباني تركي ولو عاوز ياباني هات لانسر ولو اني مش مقتنع بها نهائي

تحياتي

[kaza]

يا باشا نصيحتي ليك ما تجيبش النترا وهات كورولا
واللي بيقلك الاتنين زي بعض في الجري والثبات بيكدب عليك
والله الالنترا بتعوم على 120 دا غير فوانيسها اللي مصنوعه من اردا انواع البلاستيك لو حد سند عليها هتلاقي الفانوس شرخ
الالنترا فراملها زينه ولو خدت مطب هوا على 140 ممكن تتقلب
جرب الاتنين قبل ما تشتري واحكم

حضرتك بتقول الالنترا بتعوم علي 120 وبتحلف كمان بناء علي اية يامحترم الالنترا اول ما جبتها حسيت انها مش ثابتة لان ردة فعل العربية بتختلف تماما عن اغلب العربيات لقصر مسافة التعليق وبمجرد ما اخدت عليها لقيتها بتلزق في الاسفلت والمنحنيات ومش سهل تفقد ثباتها وبقيت معجب جدا بدة ومش هابالغ لما اقولك اني بامشي بيها لسرعات تتجاوز 170ولمسافات دون خوف او شعور فعلي بالسرعة واسف لقولي كلامك خاطئ تماما
وبعدين مانفس الاكريلك بتاع الفوانيس هو هو في التويوتا والمتسوبيشي والمرسيدس والاوديوكل صانعي السيارات بيستخدموة في الفوانيس لان شركات الاكسسوار بتعمل معظم الاشكال لمصانع السيارات الكبيرة لضغط التكاليف وشركة ديبو التايواني مش بعيد وماينفعش تقارن عربيتين بالفوانيس
و140 ومطب هواء ..سيدي حرام عليك كما قلتلك العربية ممتازة وتختلف عن عربيات كتير لقصر نبض التعليق وتوازن ردة فعلة لكن المشكلة مع السائق لعدم تعودة علي ردة الفعل وبالتالي بيبالغ في معتلجة الموقف يسبب حادث

[s7oda]

ربنا يوفقك الاثنين كويسين

عن تجربة انا معايا النترا 2012 كويسة وممتازة والحمد لله ماشية معايا 51 الف
بس بصراحة تعبت من الحكحكة من تحت ومطبات مصر الجميلة لو في مقدرتك تجيب حاجة اعلى يكون افضل وخصوصا لو ساكن في منطقة كلها مطبات وكدة

[S O P H O S]

فرأي زود واركب شارك زيرو
حل وسط وعربية عالية
لو في امكانية لزيادة المبلغ

[msobhy]

اولا انا مش من ملاك النترا md ولا ألنترا
لكن هقول مجرد رأى
انا عربيتى النترا 2010 - ومعايا عربية الشغل النترا 2012 باسوقها احيانا - وعمرى ما ركبت حتى الكرولا الجديده لكن فعلا انا معجب بشكلها جدا(ويا ريت لو حد من الرجاله ساكن قريب من الهرم يعزمنى على فنجان قهوه ويدينى لفه - او حتى يخلينى ادوس على الكلاكس)
السؤال هل الالنتر md مش ثابته ؟؟؟؟؟؟ أيوه مش ثابته
طيب هل فعلا ثباتها ده ممكن يعمل كارثه لا قدر الله ؟؟؟؟؟؟ بنسبة 100% والله أعلم لأ
طيب يعنى العربيه بتتطوح وبتتأثر بالعربيات النقل ومطبات الهواء؟؟؟ نسبيا أه
يعنى العربيه زباله ؟؟؟؟!!!!!!! لأ خالص العربيه ممتازه وعيبها اللى فعلا ملوش حل واتحل فى الموديلات اللى بعد كده هو مكان فتحات التكييف اللى فى النص

شوية دردشة
أنا راكب النترا 2010 مانيوال - وأحنا اللى شارينها من الزيرو - وأول لما أخدت العربيه فى 2012 كنت فرحان جدا من نعومتها لكن اكتشفت مشكلة الفرامل بدرى ..... بدرى وبرضو مشكلة الثبات
بعد فحص العربيه مليون مره والتأكد ان العربيه سليمه لأن أول سنتين العربيه مكنتش معايا بدأت أدور على حلول للمشكله الزباله ديه
كان فيه حلول كتيييييييييييييره لكن الحل الامثل اللى وصلت له انى عربيتى وكيل - شاريها من غبور الامور - اللى بيحاول على قد ما يقدر انه يقلل من مميزات العربيه وعلى رأسها الكاوتش
العربيه كانت نازله بكاوتش زباااااااااااله مقاسه 185 وطبعا جنط 15 -- والمفروض انها تبقى 15 - 195 أو جنط 16 وده الاستاندرد
فكرت أغير الجنوط بجنوط أصليه 16 لكن لاقيت التكلفه ممكن توصل ل 8000 جنيه - فاخترت الحل التانى
نزلت اشتريت 4 فرد كاوتش بريدجيستون مع العلم ان كنا لسه مغيرين الاربع فرد
الكاوتش التراكشن بتاعه a والتيمبرتشر a وطبعا يابانى - وركبت العرض الاصلى اللى هو 195
جرب العربيه - الاقيها شوربه يا معلم وكانت الصاعقه
المهم روحت ظبطت زوايا - الدنيا طين زى ما هيه - كلمت بتوع بريدجيستون ان العربيه انهارت بعد تركيب الكاوتش وتظبيط الزوايا عندهم - بعتونى لفرع الجيزه والحمد لله العربيه تحولت تماما

طيب احساسى لما بركب ال 2010 و ال 2012 انهى الاثبت
2010 أثبت بفارق ملحوظ - الفرامل أحسن بفارق بسيط

لغاية لما اخدت بالى من حاجه وعارف ان فيه ناس هاتهاجمنى فى النقطه ديه
النترا md موديل 2012 بالذات العربيه لما بتاخد مطب هواء أو عيون القطه (العواكس) العربيه بتلعب شويه خصوصا من ورا لكن العربيه بتظبط نفسها بدون اى تدخل منك
جرب وانت فوق ال120 تاخد اى مطب صغير وانت مأمن الدريكسيون هاتلاقى العربيه جت شمال ويمين للحظه لكنها بتظبط نفسها تانى بدون تدخل منك
طبعا احنا رقصنا فى التوكيل على العيب ده وأكدوا ان النترا md كده

بدون مبالغه - ده مش عيب قاتل - اينعم هو عيب - لكن فعلا لا يعب العربيه نهائيا

اقتراح بسيط
لو عايز تركب النترا وخايف من الثبات - اشترى سيراتو 2015 - ثباتها راااااااااااااااائع لكن استحمل العافشه الواطيه الناشفه يا حلو

ان شاء الله العربيه اللى جايه هاتبقى النترا 2015 أو سيراتو 2015
ربنا يرزق