أرجو الافادة عمرة ولحام بلوك ولا موتور استيراد

[walidw2007]

السلام عليكم
البلوك بتاع الموتور اتكسرت منه حوالى 5 سم * 5 سم
والميكانيكي بينصحني أعمر وألحم البلوك الزهر
وناس كتير قالتلي بلاش وهات موتور استيراد أحسن
لأن اللحام مش هايرجع الموتور زي الأول بالاضافة الى إنه هايفك بعد فترة
أيه رأي حضراتكم ؟؟؟
علما بأن العربية هيونداي اكسيل موديل 96 1300 والفتيس 4 غيار

[mhmd_farouq]

موتور استيراد اللحام هيفك منك فعلا وفي الاخر هتجيب موتور .. بالتوفيق انشاء الله

[م/أحمد عبد الفتاح]

لحام الزهر بيبقى على السخن مش اى لحام كهربا والسلام ، وبعد تسخين الزهر ولحامه لازم يتبرد بطريقة صحيحة وإلا حايشرخ لأن تسخين الزهر وتبريده بطريقه غلط بيعمل إجهادات وممكن يشرخ بعد التبريد أو بعدها بفترة ( يعنى ممكن يشرخ بعد ماتقفل الموتور وتركبه) فيستحسن تغير البلوك أو الموتور

[amr elsisi]

طريقة التبريد عن طريق الدفن في الرمال
الشرخ فين دة المهم

[al_manara]

موتور استيراد .

[moshakes]

غير وريح دماغك.....مش لازم تجيب موتور استيراد كامل .... هات شورت بلوك.... يعني موتور بدون ادوات التغذية .... ببساطة هو عبارة عن البلوك والبساتم والكرنك ووش السلندر فقط ... وريح دماغك

[Mido Casper]

هتقعد تصلح فيه علي ايه .. طالما عمره .. يبقي غيروا وماتور استيراد برقبته عالج المشكله من الجذور مش ب مسكن

[Abo_Mazen]

هو الكسر فين وكان بسبب إيه