هيونداى ix35

[BANNAZ11]

سؤالين من فضلكم للمختصين
حساس الضوء ....ازاى اعرف انه اشتغل وازاى بيشتغل
الايمبولايزر ..دة لامان العربيه وعدم امكانيه تشغيلها .....بس ممكن اعرف الحرامى هيعرف ازاى وجود الايمبولايزر من عدمه ....

[amr_naser]

ههههههههه اكتب على العربية من برة ان فيها (الايمبولايزر ) وبكدة الحرامى حيعرف
انا بهزر معاك على فكر ه
شوف فكرة عمل (الايمبولايزر ) دا ان المفتاح فية شريحة عليها سوفت وبالتالى العربية مش حتشتغل الا بية طيب لو انت رحت عند بتاع المفاتيح وعملت مفاتح عادى اية يحصل ( حيفتح لك الباب عادى جدا فى اغلب السيارات الصغيرة ومش كدة وبس حيفتح لك الكنتاك تشغل الراديو والنور والحركات دى انما مش حيدور مرش ولا حيوصل كهرباء للبويجهات بس انما بقى دا مانع للسرقة اقولك لا بس بيعطل الحرامي شوية او يخلية يدور على حاجة عادية اسهل بس

حساس الصوء دا اللى بيكون على الطابلون ؟؟؟ لو هو دا اذا مفعلة لما تدخل فى مكان الضوء فية قليل زى نفق جراج او ما شابهة بيشغل النور الصغير فى العربية بس كدة

[BANNAZ11]

ههههههههه اكتب على العربية من برة ان فيها (الايمبولايزر ) وبكدة الحرامى حيعرف
انا بهزر معاك على فكر ه
شوف فكرة عمل (الايمبولايزر ) دا ان المفتاح فية شريحة عليها سوفت وبالتالى العربية مش حتشتغل الا بية طيب لو انت رحت عند بتاع المفاتيح وعملت مفاتح عادى اية يحصل ( حيفتح لك الباب عادى جدا فى اغلب السيارات الصغيرة ومش كدة وبس حيفتح لك الكنتاك تشغل الراديو والنور والحركات دى انما مش حيدور مرش ولا حيوصل كهرباء للبويجهات بس انما بقى دا مانع للسرقة اقولك لا بس بيعطل الحرامي شوية او يخلية يدور على حاجة عادية اسهل بس

حساس الصوء دا اللى بيكون على الطابلون ؟؟؟ لو هو دا اذا مفعلة لما تدخل فى مكان الضوء فية قليل زى نفق جراج او ما شابهة بيشغل النور الصغير فى العربية بس كدة

طب لو العربيه سمارت كي ( يعني بتدور بالبصمه ) الايمبولايزر هيتعرف ازاى على شفرة المفتاح

[amr_naser]

بيكون فى الحالة دى الريموت هو اللى فية الشفرة والمفروض اذا انت مشغل السيارة وبعدت عنها مسافة معينة والريموت فى جيبك تطفى وتديك انذار ولا انت بتفكر يعنى انك لو سايب الباب مفتوح اى حد يدخل العربية ويدوس الزرار تشتغل وتمشى

[تامر راغب]

معلومات قيمة بجد
شكرا ليكم

[MTAK]

طب و حساس الاضاءه
حد جرب بيشتغل ازاي

[amr_naser]

حساس الضور فى اغلب السيارات بكون له تكة فى دراع النور (الوضع اوتو ) تلف الدراع علية وبس وهو يشغل ويطفى اوتماتيك بس كدة

[Fouad Ezz]

فى دراع النوز .. بتلف البكرة على الوضع Auto ..
فى النهار الحساس بيخلى كل الأنوار مطفية (ماعدا الليدات الأمامية) .. لو دخلت جراج أو نفق أو الدنيا ضلمت فجأة .. أنوار السيارة تعمل أتوماتيكيا بحسب درجة الظلام .. يعنى ممكن تلاقى النور العالى والواطى والشبورة إشتغلوا مع بعض
وفى الليل الأنوار طبعا تضاء تلقائيا أول ماتفتح العربية بالريموت ... وتغلق تلقائيا مع الغلق بالريموت .. حتى نور الصالون لو كنت ناسية ...
أى إستفسار أنا فى الخدمة