تكييف الفيرنا الاتوماتيك

[dr ahmed saleh]

ناوى ان شاء الله أشترى فيرنا أتوماتيك بس فى ناس كتير وعن تجربه مع 2 من زمايلى قالولى ان تكييف الفيرنا الأتوماتيك تبريده أقل كتيير من تكييف الفيرنا المانوال وانا صراحه شريها فقط عشان عارف ان تكييفها تلاجه ...أرجو النصيحه وياريت تكون عن تجربه

[atef_5005]

ناوى ان شاء الله أشترى فيرنا أتوماتيك بس فى ناس كتير وعن تجربه مع 2 من زمايلى قالولى ان تكييف الفيرنا الأتوماتيك تبريده أقل كتيير من تكييف الفيرنا المانوال وانا صراحه شريها فقط عشان عارف ان تكييفها تلاجه ...أرجو النصيحه وياريت تكون عن تجربه

الاوتماتيك معايا و التكييف تلاجه ما يختلفش عن المانوال

احسن حاجه فيها التكييف و الماتور
و اسواء حاجه فيها العزل

[dr ahmed saleh]

شكرا أستاذ عاطف....طيب أنا معايا 95000 حضرتك تنصحنى بيها ولا لأ؟

[atef_5005]

شكرا أستاذ عاطف....طيب أنا معايا 95000 حضرتك تنصحنى بيها ولا لأ؟

هي عربيه في المجمل جميله بس لازم تعرف العيوب الاول و تشوف مناسبه ليكي ولا لا

العيوب من وجه نظري

الثبات بعد 120 وحش يعنس لو بتحب السرعه مش هتكون مناسبه
العزل سيئ يعني بتسمع الاصوات الخارجية
ضيق الكنبه الخلفيه لو دايما في ناس طويله ورا

المميزات كتير

ناعمه جدا
موتور قوي يسعفك في اي ظرف لو حبيت تطلع من نقل بسرعه مثلا
تكييف تلاجه
العفشه ناعمه بتاخد المطبات من غير ما تسمع اصوات
استهلاك بتزين ممتاز
قطع غير ببلاش
اعاده بيع ممتازه
اي حد ممكن يشتغل فيها

يعني لو اغلب مشاوريك جوه البلد هتكون مناسبه جدا

[dr ahmed saleh]

شاكر لأمانه وحياد حضرتك وصراحه الفيرنا الأتوماتيك داخله دماغى بنسبه تتخطى ال 90%

[haysam2000]

لو لم اكن فيرناويا لوددت ان اكون فيرناويا
مريحه جيبى و دماغى و بموتها مشاوير و معندهاش خبر

[roland_yamaha]

طب ما تشوف اكسنت أر بي كسر زيرو أحدث شوية من الفيرنا

[د.محمود صلاح]

معايا الفيرنا اوتوماتيك موديل 2008 بالغاز ..

تكيف ممتاز ، فرامل ضايعة ، غيرت فيها النظام الصوتي بالكامل وركبت مانع ادارة وشاشة وكاميرا رجوع خلفي