استلام ix35

[ahmadmabigko]

السلام عليكم و رحمة الله و بركاته


دي اول مشاركة لي في المنتدى الرائع من فترة كبيرة جدا و حبيت استفسر من الاعضاء الافاضل

انا رايح استلم بكرة هيونداي ix35 ان شاء الله الفئة الاولى و كنت عايز اعرف اشيك على ايه و انا بستلم و اراجع ايه بالظبط ؟

بردو عايز اسأل على حاجة بصراحة كده انا اعرف العربية دي من زمان بس معرفش اي تفاصيل عنها و العربية جت في ظروف طريفة جدا هبقى احكي لحضراتكو عليها ان شاء الله بعد الاستلام لو فيه فرصة فا حابب اعرف بس هي العربية فيه منها خليجي او وكيل ولا كل اللي في مصر وكيل ؟

و يا ريت تقولولي على اول حاجة اعملها بعد الاستلام ان شاء الله و شكرا ليكم جميعا اتشرفت اني ابقى عضو جديد في منتدى الهيونداي

[semsem7222]

متابع وياريت اللى بيجى مع العربية من ورق وخلافة ومعلش انا ان شاء الله هستلم من ابو رواش اليومين دول همشى بيها ازاى من غير نمر ولو لجنة موجودة اية التصرف ىفى الحالة دى

[soltanfriend]

علي البركه ان شاء الله واختيار موفق
اهم حاجه شوف الفروق بتاعه العربيه علشان ماتكونش مخبوطه منهم ولا حاجه
وراجع علي كل الزراير
وشوفها ماشيه كام كيلو بالظبط ومايزيدش عن 20 كيلو بالكتير
ويارب يديك خيرها ويكفيك شرها

[said.d.y]

الف مبروك وربنا يديلك خيرها ويكفيك شرها
راجع على البودى بتاع العربية ، وشيل اللصق الأبيض علشان تشوف الصاج تحتة.
راجع على الزجاج وكماليات العربية(الزجاج/السنتر،،،،،الخ)
راجع على طقم العدة والكوريك والاستبن.
العربية بيجى معاها (طفاية متحركة/اريال/ولاعة) انا موديل 2013 وكنت مستلم وصلة اى فون فور علشان يقرا الusb aux. لاكن اعتقد الموضوع اختلف مع التعديلات البعد2014.
في الغالب موش هتستلم ورق العربية بتاع الترخيص(الافراج والمبايعة وشهادة البيانات،،،الخ) الا بعد يوم او اثنين. والمعرض بيسلمك جواب بسمحلك تمشى بالعربية يوم او اثنين على ما اعتقد لحين الترخيص.
ان شاء الله هتعجبك والف مبروك مقدماً واى استفسار عن العربية ان تحت امرك.

[ahmadmabigko]

متشكر جدا يا جماعه انا خلاص استلمت العربية و مشيت بيها حوالي 290 كيلو و ما شاء الله جميلة جدا تستاهل بصراحة

بس عايز اعرف هو فيه جروب لملاك العربية على الفيس بوك ؟

[BANNAZ11]

انا معايا العربيه وهى الحمد لله جميله ...واهم حاجه فيها انها عاليه عن الارض ومفيش قلق من المطبات نهائييييييييييييييييييييييي.....درجه ثبات العربيه حلوة ..بس نصيحه لحضرتك اي عربيه عاليه عن الارض بتبقي مش عربيه مناورات على سرعات عاليه ..مهما كان الثبات بتاعها ..واخيراااا الف مبروك

[semsem7222]

الحمد لله استلمت العربية ورخصت بس ليا سؤال هو مكان الرخصة فين لانى مش لاقية فى فولى لود العربية