مشكلة ترشيح زيت من تحت المحرك بعد مشكلة رائحة الشياط

[تامر راغب]

الأخوة الأعزاء
تحية طيبة أولا

إتكلمت معاكم وشكيت لكم وحكيت لكم عن حكاية ريحة الشياط اللى بشمها وأنا ماشى من عربيى الماتريكس الأوتوماتيك اللى كانت كويسة جدا والله لكن مش عارف ايه اللى حصل وكان الكلام على اللينك ده ..

http://www.nilemotors.net/Nile/450462-a.html

وجتلى ردود كلها محترمة ونفذتها

لكن برضه إستمرت الريحة موجودة ومبارح رحت للميكانيكى بصيت أنا وهو لقينا ترشيح زيت من تحت المحرك شكله كدة ...








المهم قاللى ده جوان وش التاكيهات

فك الوش ونظفة وغسله ولقى الجوان زى الفل وطرى ومفيهوش مشكلة
قام حط سيليكون رصاصى لأنه مالقاش الأسود وقفل من تانى بعد ماغسل ونظف وكدة

وأدى الصورة




المهم قفل وركب وزى الفل وغسل تحت المحرك بالبنزين

والزيت كله راح ومشيت روحت بيها والصبح بعد صلاة الجمعة النهاردة بصيت على الترشيح مالقيتش ولا نقطة زيت موجوده يعنى مفيش تسريب قلت ماشاء الله زى الفل

المهم طلعت مشوار بالليل كدة طويل شوية ورجعت أتطمن شميت ريحة بسيطة الحقيقة عن قبل كدة

لكن لقيت فيه ترشيح تانى يمكن أخف شوية لكنه موجود وإتجننت الصراحة

وقلت لازم أخد رأيكم ... أعمل إيييييييييييييييييييييييييييييييييييييييييييييه ؟؟؟؟؟؟؟؟


والله فكرت أبيعها وأخلص من قرف العربيات كلها بس مستخسرها - كل ماأوديها لحد يقولللى العربية بسم الله ماشاء الله عليها عروسة وزى الفل وأى حاجة كلام فارغ - بس أنا زهقت

حد يقوللى بالله عليكم رأيه

[تامر راغب]

معلش - آسف على الشرح المطول

بس بجد مخنوق جدا

[micromoud]

ممكن يبقى زيت فتيس او كاوتشى الكوبلن مقطوعه

[تامر راغب]

هو الأكيد إنه زيت محرك لأنى بصيت على الزيت لقيته قالل حبة وزودته

لكن إزاى هتبقى كاوتشة الكوبلن طيب ؟؟؟؟

وشكلها ايه معلش

طبعا أنا متشكر لرد حضرتك بس حابب أفهم الله يكرمك

[micromoud]

الكوبلن الداخلى اللى بيبقى متوصل بالفتيس بيكون متركب عليه كاوتشه عشان تحافظ على الشحم والزيت لو الكاوتشة اتقطعت ممن تلاقى تسريب زيت تحت العربيه وعموما لو انت متأكد انه مش زيت الفتيس والميكانيكى بص كويس على العربيه يبقى فى احتمال تانى انها تكون كارتيرة الزيت

[تامر راغب]

هو ممكن تكون كرتيرة الزيت

بس للأمانة كان فيه ترشيح من المسمار الجانبى لوش التاكيهات شفته بعينى ومسحته حتى بمنديل كدة
علشان أتأكد - بس هو مش الترشيح اللى فى الصورة ده فوق كرتيرة الزيت ؟؟؟؟؟

[محاسب صعيدى]

متابع لان المشكلة مهمة جدا
والميكانيكية معظمهم شوية جهلة وبيجتهدوا بس على حساب اصحاب العربيات

[تامر راغب]

الميكانيكية معظمهم شوية جهلة وبيجتهدوا بس على حساب اصحاب العربيات

دى حقيقة للأسف - كلهم بيعملوا فيها دكاترة وياسلام لو العطل إتصلح معاهم حتى لو بالصدفة بيبقى عايزك

تبيع اللى وراك واللى قدامك علشان صلحه

[دكتور خالد]

مشكلة ترشيح الزيت من جوان غطاء التاكيهات مشكلة شائعة جدا وللاسف مفيش قدامك غير انك تجرب تغير الجوان و تحط سيليكون كويس واتاكد ان المسامير مفيهاش واحد مفوت و بيربط على الفاضى

[تامر راغب]

مشكلة ترشيح الزيت من جوان غطاء التاكيهات مشكلة شائعة جدا وللاسف مفيش قدامك غير انك تجرب تغير الجوان و تحط سيليكون كويس واتاكد ان المسامير مفيهاش واحد مفوت و بيربط على الفاضى

الجوان للحقيقة طالع كويس جدا وطرى وكأنه جديد وماكانش فيه مشكلة - يمكن يكون الحل فى تغييره

لكن الميكانيكى حطه كويس وربط المسامير كويس بصراحة

حتى سألت الميكانيكى لو الوش مفقع مثلا أو حاجة قاللى ده فيبر لو ميتال أو ألومونيوم يفقع

بجد مش عارف

وخايف أمشى بيها كدة تحصل مشكلة أكبر

[تامر راغب]

هو راح اشترى أنبوبة سيليكون رصاصى كدة علشان مالقاش الأسود


ده كويس وألا أى كلام؟؟؟؟

[تامر راغب]

ايه يا جماعة ؟

حد يطمنى أرجوكم علشان بجد قلقان والله

[Mecha]

غير جوان تكيهات وانتهي ,مبينفعش السليكون

[تامر راغب]

ما انا خايف أغير الجوان تطلع المشكلة من مكان تانى
علشان كدة صورت المشكلة
طيب ولو غيرت أجيبه من التوكيل والا عادى من بره ؟؟؟؟؟

[Mecha]

ياريس هو مش اشتغل يومين حلو يبا المشكلة منو,جوان التكيهات بيقل انضغاطه مع الوقت وعليه رج كتير ,معاك فلوس هات بتاع الوكيل اللاصلي
وغيره بنفسك شغلانه بسيطه ومتجطش سليكون