هل الماتركس التركى مثل الكوري

[abdofawzy]

السلام عليكم و رحمة الله
اولا الخبر صحيح 100 100
بس اعتقد دي حاجه مش مقلقه اوي
تركيا من افضل الدول في العالم في تجميع السيارات (تجميع و ليس تصنيع)
وللعلم ان اتوبيسات مرسيسدس بتتجمع في تركيا مش المانيا و كمان الميجان السيدان الي في مصر متجمعه في تركيا
و هيونداي ليها مصنع في تركيا عشان توفر في النقل لأوروبا
طبعا ده مش معناه ان العربيه هتكون زي الكوري ماحدش هيعرف دلوقتي
انا عن نفسي جالي احباط من الخبر مش عشان العربيه هتكون وحشه! عشان لسه ما اتجربتش
يا ريت لو حد جربها يدينا خبرته فيها
المشكله في هيونداي المشكله اننا مابنثقش في الوكلاء الي عندنا الي ما بيهمهمش غير مكسبهم!
هيه فيها ميزه انها نازله بالأنذار و ام بي ثري بلاير

[abdofawzy]

كوريا هى بلد المنشأ وهى اصل الهيونداى طبعا واللى بيحصل فى تركيا زى اللى بيحصل فى مصر تجميع للمكونات المستورده من كوريا مع استبدال بعض المكونات غير الرئيسية بمثيلتها مصنعة محليا وعلى سبيبل المثال برابريز السيارة وزجاج الابواب وايضا الاسلاك الكهربائية وتنجيد الصالون الداخلى للسيارة

وطبيعى انها ستكون اقل كفاءة من الكورى الاصليه المصنعة والمجمعة بالكامل فى كوريا
وهذا رأى شخصى والله اعلم

ما تحاولش تقارن بين الي بيحصل في اي بلد في العالم و بين الي بيحصل في مصر :lol:

[Ahmed Aly]

موضوع ال ام بي سي بلير دي مش اكيدة

انا شوفت العربية بكاست عادي

[احمدعبدالعزيز]

الكلام ده صحيح
الماتركس بتتجمع في تركيا و غبور بدأ فعلا باستيرادها من تركيا
و حيحصل تغير بسيط في الالوان اما الاسعار ثابته

[PAYOO]

فعلا يا جماعه الماتريكس 2008 بقى تركي التقفيل

ولسه أمس مستلم عربيه مع جاري وصديقي محمد سيف ولقيت العربيه أحسن من إللي معايا كمان أولا في رف خلفي للشنطه وكمان في نور للصالون أمامي للسائق والراكب الأمامي وكمان في جراب نظاره

هو طبعا مافيش أي أختلافات في الشكل ولا المضمون لكن في أضافات زي ما قلت لكم وجبناها بالعافيه 81500 جنيه

وفعلا الألوان فيها تغيير يعني اللون الفستقي جبناه أغمق من اللون المعروف للسياره

على العموم العربيه مازالت ممتازه والتقفيل التركي أضاف للسياره ولم ينقصها شيئا

[abdofawzy]

بايو!
السلام عليكم و رحمة الله
انا بعد طول انتظار و عذاب لكل الناس الي اعرفهم اسأله و استفسارات (منهم اخوه افاضل في المنتدى زي المهندس حسام)
و بعد استخارة ربنه حجزت ماتريكس 2008 مانوال
موضوع التركي ده كان عاملي قلق لكن لما اتأكدت ان الماتركس الي هتدخل اوربا هيه التركي اطمنت شويه

ممكن تديني خبرتك في استهلاكها للوقود؟
و ايه الكما ليات الي ممكن اكمل بيها العربيه
ياريت تركز على الكماليات الداخليه زي الفرش و الكلام ده و ايه احسن مكان اجيب منه صدامات؟ و هل العتب ليه لازمه غير الشكل؟

سامحني انا ماليش اي خبره في الحجات دي
وشكرا مقدما
عبدالله

[PAYOO]

بايو!
السلام عليكم و رحمة الله

وعليكم السلام ورحمة الله وبركاته

انا بعد طول انتظار و عذاب لكل الناس الي اعرفهم اسأله و استفسارات (منهم اخوه افاضل في المنتدى زي المهندس حسام)
و بعد استخارة ربنه حجزت ماتريكس 2008 مانوال

ونعم الأختيار بجد

موضوع التركي ده كان عاملي قلق لكن لما اتأكدت ان الماتركس الي هتدخل اوربا هيه التركي اطمنت شويه

فعلا التركي تقفيل ممتاز وعن تجربه لاني لسه مستلم عربية جاري من يومين والعربيه زي الفل

ممكن تديني خبرتك في استهلاكها للوقود؟

بالنسبة للبنزين
كان الأول في بداية شراء العربيه الصفيحه بتعمل من 240 إلى 260
دلوقتي وبعد 44ألف كم الصفيحه بقت بتعمل من 200 كيلو إلى 220 كيلو
وبصراحه مش عارف الزياده دي عشان أستخدامي للتكييف بقى شيء أساسي لا غنى عنه وللا عشان مشاويري بقت في وسط البلد كتير غير الأول ؟

و ايه الكما ليات الي ممكن اكمل بيها العربيه
ياريت تركز على الكماليات الداخليه زي الفرش و الكلام ده و ايه احسن مكان اجيب منه صدامات؟ و هل العتب ليه لازمه غير الشكل؟

أول حاجه لازم تعمل فرش للأرضيه من النوع الجيد وبيبقى جلد غير قابل لتسريب الماء إلى الأرضيه
وبالنسبة للكراسي لازم تكسوها بكسوه من النوع الجيد عشان لما يركب ماتحسش أن في فرق بينه وبين الفبريكه
وعندك شارع دمش محل أسمه أبشن دايناميك بتاع واحد أسمه أسامه (ناس زي الفل) ومحترمين جدا وأسعارهم ممتازه

العتب مهم جدا جدا وبيحمي العربيه فعلا وهابقى أقولك على كل حاجه بالتفصيل بس بعد شويه عشان جالي ضيوف

[abdofawzy]

والله يا بايو الواحد مش عارف يقولك ايه؟؟
ربنه يكرمك و يصلح حالك و يبارلك و يكتر من امثالك
لما ضيوفك يمشوا ماتنساش تكمل :)
عبدالله