الهيونداى اكسنت rb ثابته ؟

[memo_p910]

جربت سواقتها مره زمان هيا خفيفه اوي معجبتنيش مش حاسس بالكنترول العالي والثقه زي البروتون مثلا
لكن فيه ناس بتحب العربيات الخفيفه خصوصا في الزحمه
يعني هيا مسألة راحه نفسيه على حسب احساسك في القياده

[A7medelfe2y]

كويسه وناعمه جدا وموتور جبار بس خفيفه وشنطتها تحس انها مش ثابته عشان كدا الهاتش بتاعتها اثبت ودا كلام واحد من ملاكها

[serajeg]

السلام عليكم ورحمة الله،،
بلاش ال rb معايا موديل 2012 ماشية 75000 كم وغيرت المساعدين الخلفي بعد 1000 كم وغيرت علبة دريكسيون مرتين وكاسيت وقربة سنتر و قطمة كل ده في الضمان وحاليا محتاجة علبة دركسيون للمرة التالتة وطبعا دي بره الضمان لأن ضمانها 60000 كم بس وفيه نتشة في الفتيس مش عارف أوصل لسببها مع العلم انها ظهرت عند 20000 كم.
التوكيل مش بيعارضوا في التغيير داخل الضمات بس المشكلة ان الحاجة اللي بتتغير بترجع تبوظ بسرعة شديدة.
كان معايا الانترا 2009 قبلها وكانت برقبتها بعتها ماشية 100000 كم ومشتكيتش منها ولا مرة وكل اللي كنت بعملة صيانتها المنتظمة وبنزين وزيت.
دي تجربة واحد راكب العربية 3 سنين وبراحتك ياباشا في ناس هتهتجم وتقول خليت ايه في العربية وكلام من ده بس أنا بقوللك اللي حصل معايا

[eltanamly]

العربية دى بلاش منها
مع احترامى لاصحاب العربية ... انا راكب هيونداى النترا 2010 مش ماركة تانية
بس بلاش ار بى
موتورها قوى جدا ما شاء الله بس مافيهاش فرامل ... خااااااااالص ... فراملها ضعيفة جدا جدا جدا على الموتور
تانى مشكلة هتقابلها لو بتسافر كتير التنطيط فى العفشة ... اقسم بالله سافرت بيها مرتين كنت راكب ورا رجعت من كتر الترزيع فى العفشة ... طبعا قدام مش بتبقى جامدة قوى زى ورا
ده غير ان خامات الصالون فقيرة جدا جدا ... بلاستيك سىء و لو العربية مش مظبطة زوايا او ترصيص الباب بيترج مع العربية ... حتى و هو مقفول خصوصا الابواب الخلفية و دى حاجة ماشفتهاش قبل كده غير فى ار بى و فى كذا عربية مش واحدة بس

لو بتفكر فيها مستعمل خليك فى النترا احسن كتير ... هى اه شكل اقدم بس احسن فى كل حاجة
و لو بتفكر فيها زيرو فيه حاجات كتير فى نفس الرينج افضل بمراحل

+11111111111

[sherif4004]

ياجماعه العربيه الاكسنت هيا الكيا ريو . العربيات الألماني ثباتها محترم . بس كده كده الكورى والصيني شغال . كمان موضوع الثبات دا نسبي يعني ممكن اتنين يركبو عربيه واحده ويقول كلام مختلف .. افضل حل جرب العربيه علي الطبيعه وانت تحكم بنفسك

[generoushany]

انا معايا العربية دى من 2011 و سافرت بيها مسافات طويله بنتكلم عن 1200 كيلو فى السفرية الواحده فى السعودية و كنت بمشى بيها 180 عادى جدا
الثبات ممتاز لكن المناورة سيئه
السحب على المانيوال سئ ..... معرفش الاوتوماتيك نظامه ايه
الهيكل الخارجى ضعيف
بلاستيك كتير فى كل حاجه
بلاستيك ضعيف من لمسه بيتكسر
العفشه مش حلوه العربيه بيتلعب بيها الكورة مع شويه طوب فى الارض ولا عين قطه
الفرامل ضعيفه جدا
لا انصح بها نظرا لارتفاع السعر بالنسبه للامكانيات و عوامل الامان