بعض الاسئلة فى الجيتز

[aboomar22]

اختى اشترت جيتز ٢٠١٠ طلعت اجرب العربيه كان ليا ملاحظات ياريت تساعدونى اولا فين عداد الحرارة اللى بيبين حرارة الموتور - وفين عداد الكيلو متر انا مش شايف غير عداد الرحلات - الدبرياج تقيل وبزر الدركسيون تقيل عن عربيتى سواء النوبيرا او الاوبل مش عارف ده طبيعى فى الجيز ولا محتاج تظبيط او صيانه

[bebo_mody_244]

مفيش عداد حرارة لكن في لمبتين واحدة زرقا و واحدة حمرا
الزرقا بتكون منورة لما تكون العربية باردة جدا و تطفي لما العربية تسخن السخونية العادية يعني
اما الحمرا تنور لما العربية تكون سخنت عن معدلها الطبيعي يعني بيكون في مشكلة في العربية وبالتالي لازم تبطل العربية
عداد الكيلومتر عندك في الشاشة الصغيرة اللي في النص

[aboomar22]

شكرا جزيلا بس حضرتك العداد الموجود فى الشاشه عداد الرحلات وكمان القراءه فيه ٨٥٠ كيلو هل فيه زرار مثلا بيحول العداد من كيلو متر كلى الى عداد رحلات والعكس وهل ثقل الدركسيون والدبرياج نوعا ما ده طبيعى

[bebo_mody_244]

عندك زرار في العدادات على اليمين بتغير منه عادي
الدركسيون تقيل شويه ده العادي
والله معرفش المانيوال نظامها لأن اللي عندي اوتوماتيك

[aboomar22]

شكرا جزيلا

[Martin5555]

ممكن اعرف حضرتك جبتها بكام - لاني بفكر اشتري جيتز 2010 برده مانيوال وبدور على النت كتير وبروح اتفرج بس انا قلقان يكون السعر اللي على النت اعلى من سعر السوق
فممكن اعرف سعرها كام ومواصفتها

[aboomar22]

اسف على التاخير العربية مانوال فابريكة بالكامل لونها احمر جميع الصيانات بالتوكيل عامله ٦٥ الف كيلو سعرها ٧٥ الف

[S O P H O S]

السعر عالي شوية
لكن لو حالة ناردة مش مشكلة