Tweet
عملت حادثة جامدة بالعربية والفضل يرجع لله أولا ثم للألنترا - حادث بالصور
السلام عليكم يا رجالة 
عاملين أيه يارب تكونوا جميعاً بخير وبجد كنت مفتقدكم ....
الحمد لله قبل كل شيء أخوكم كان سايق عالطريق الدولي (مش دولي خالص على فكرة) وكان في مطب (هو مش مطب أصلاً على فكرة) هو عبارة عن شيء كدة معمول في نص الطريق مش عارف معمول ليه ومش مفروض أنه كوبري ولا مطلع ولا مطب ولا في قبله أي شكل من أشكال التحذير ولا يافطة ولا علامة عالأرض ولا عيون قط ولا كشاف نور ولا لمبة بوتجاز عنده هو مفروض أن الناس تطير من عليه على طول ومن سكات وفعلاً صحابي وهم جايين كان أتنين منهم هيطيروا بعربياتهم وده بالنهار كمان أنا كنت سايق بليل بس لولا ستر ربنا وصلوا بالسلامة ....
-
-
والمطب ده للي ميعرفهوش هو أسمه مطب الملح (مطب الموت سابقاً) بعد مجمع البترول لما تنزل الكوبري وقبل أليكس ويست وده بيحصل عنده كوارث كتير بعد اللي سمعته من الناس ومعندهوش أي أشارة أو علامة تدل أن في هنا عائق أو مطب كبير والطريق ممهد قبله وواسع ومغري للجري .
-
-
المهم .... العربية طلعت المطب وهو الأرض بعده منخفضه كتير عن قبله مش فاهم غلطة هندسية ولا ايه وهوب العربية ركبت أجنحة ونزلت طبعاً على سرعة وكان فيه ملح فالأرض والعربية بتتنطط مني وطالعة في المقابل خلاص لأنها كانت طالعه المطب بميل ونازلة في حتة تانية خالص .... ولو دوست فرامل حتى بال abs ولا هتعمل حاجة لأن العجل ببساطة مش عالأرض والملح بيبقى عامل زي التلج ....
-
-
العربية شمال في يمين في شمال في أقصى يمين وطاخ بوم دش أضرب في حائط خرساني مع دوران وكل لفة بخبطة أوبا الآيرباج تنفجر في وشك من أول تلامس مع الحاجز اوبا الدنيا كلها دخان ومش شايف حاجة والناس بتطلعك من العربية وبيزعقوا "حيين حيين " ومستغربيين أننا كويسين ومفيناش حاجة بعد اللي شافوه واللي يقولي لو شوفتها تحمد ربنا انك طلعت كويس واللي يقولي قدر ولطف والحمد لله بشكره مليون شكر على نعمته وفضله علينا أنا وأخويا اللي كان جنبي .....
ودة شكل الحاجز الخرساني بعد الحادثة
ودي الآيرباج اللي ضربت
ودي العربية بعد الحادثة
لو في حد عنده فكره أعمل أيه في العربية هل أبيعها هل أصلحها هل زي ما ناس قالتلي أجيب نص من بورسعيد وأخد منه ولا أيه رأيكم وحسبي الله في أهمال المسؤليين عن الطريق ده الطريق ده بقى غير الأول خالص وكل يوم من سيء لأسوء ومفيش أي وسائل أمان أو أضاءة أو تحذير عليه .... وكمان الأسعاف وصلت بعد ساعة من الأتصال والنجدة وصلت بعد ساعتين ونص يعني لا قدر الله لو حادث جامد كان الناس ماتت وبتتحاسب على ماحد يوصل ياريت كريم منير بردوا يحذر من الموضوع ده لأن المطب ده أتضح أن بتحصل عنده كوارث كتيييييير كل ما أحكي لحد يقولي يومياً حوادث وفعلاً الطريق ده من النص العواميد طايرة ومتكسرة والحواجز متدشدشة في أكتر من مكان يعني في آثار تدمير هائل
غرض الموضوع أني أحذر الناس من المطب الشنيع ده اللي راح ضحيته ناس كتير ومحدش مهتم ولا بيتحرك
* أحترس الطريق الدولي به مطب قاتل *
عاملين أيه يارب تكونوا جميعاً بخير وبجد كنت مفتقدكم .... الحمد لله قبل كل شيء أخوكم كان سايق عالطريق الدولي (مش دولي خالص على فكرة) وكان في مطب (هو مش مطب أصلاً على فكرة) هو عبارة عن شيء كدة معمول في نص الطريق مش عارف معمول ليه ومش مفروض أنه كوبري ولا مطلع ولا مطب ولا في قبله أي شكل من أشكال التحذير ولا يافطة ولا علامة عالأرض ولا عيون قط ولا كشاف نور ولا لمبة بوتجاز عنده هو مفروض أن الناس تطير من عليه على طول ومن سكات وفعلاً صحابي وهم جايين كان أتنين منهم هيطيروا بعربياتهم وده بالنهار كمان أنا كنت سايق بليل بس لولا ستر ربنا وصلوا بالسلامة ....
-
-
والمطب ده للي ميعرفهوش هو أسمه مطب الملح (مطب الموت سابقاً) بعد مجمع البترول لما تنزل الكوبري وقبل أليكس ويست وده بيحصل عنده كوارث كتير بعد اللي سمعته من الناس ومعندهوش أي أشارة أو علامة تدل أن في هنا عائق أو مطب كبير والطريق ممهد قبله وواسع ومغري للجري .
-
-
المهم .... العربية طلعت المطب وهو الأرض بعده منخفضه كتير عن قبله مش فاهم غلطة هندسية ولا ايه وهوب العربية ركبت أجنحة ونزلت طبعاً على سرعة وكان فيه ملح فالأرض والعربية بتتنطط مني وطالعة في المقابل خلاص لأنها كانت طالعه المطب بميل ونازلة في حتة تانية خالص .... ولو دوست فرامل حتى بال abs ولا هتعمل حاجة لأن العجل ببساطة مش عالأرض والملح بيبقى عامل زي التلج ....
-
-
العربية شمال في يمين في شمال في أقصى يمين وطاخ بوم دش أضرب في حائط خرساني مع دوران وكل لفة بخبطة أوبا الآيرباج تنفجر في وشك من أول تلامس مع الحاجز اوبا الدنيا كلها دخان ومش شايف حاجة والناس بتطلعك من العربية وبيزعقوا "حيين حيين " ومستغربيين أننا كويسين ومفيناش حاجة بعد اللي شافوه واللي يقولي لو شوفتها تحمد ربنا انك طلعت كويس واللي يقولي قدر ولطف والحمد لله بشكره مليون شكر على نعمته وفضله علينا أنا وأخويا اللي كان جنبي .....
ودة شكل الحاجز الخرساني بعد الحادثة
ودي الآيرباج اللي ضربت
ودي العربية بعد الحادثة
لو في حد عنده فكره أعمل أيه في العربية هل أبيعها هل أصلحها هل زي ما ناس قالتلي أجيب نص من بورسعيد وأخد منه ولا أيه رأيكم وحسبي الله في أهمال المسؤليين عن الطريق ده الطريق ده بقى غير الأول خالص وكل يوم من سيء لأسوء ومفيش أي وسائل أمان أو أضاءة أو تحذير عليه .... وكمان الأسعاف وصلت بعد ساعة من الأتصال والنجدة وصلت بعد ساعتين ونص يعني لا قدر الله لو حادث جامد كان الناس ماتت وبتتحاسب على ماحد يوصل ياريت كريم منير بردوا يحذر من الموضوع ده لأن المطب ده أتضح أن بتحصل عنده كوارث كتيييييير كل ما أحكي لحد يقولي يومياً حوادث وفعلاً الطريق ده من النص العواميد طايرة ومتكسرة والحواجز متدشدشة في أكتر من مكان يعني في آثار تدمير هائل
غرض الموضوع أني أحذر الناس من المطب الشنيع ده اللي راح ضحيته ناس كتير ومحدش مهتم ولا بيتحرك
* أحترس الطريق الدولي به مطب قاتل *
Comment