فيرنا 2010 مخنوقه

[basha 7070]

السلام عليكم

عندى عربيه فيرنا اتوماتيك شاريها قريب لاحظت ان والتنك مفهوش ئلا ربعه بس واجى اعمل كيك دون العربيه بتتخنق جامد جدااااااااااااااااااااا فأطر انا اريح رجليه من على الدواسه ,,, روحت نظفت البوابه واتاكدت ان الحساسات سليمه من الجهاز الاعطال والعربيه مش بتعتل معايه فى الدواره والسرفيس جديد كل حاجه عشان محدش يقول ان لازم اغير فلتر ولا بوجيهات والكلام ده مع الربع الاخير بس و لو نص التنك مليان مفيش اى مشكله والكيك دون تمام جدااا وفيه برده استلاك ماحوظ فى البنزين

المهم واحد شار عليه انا اتاكد ان خرطوم الفايظ ممكن يكون مسدود او فيه مشكله بتخلى العربيه تتخنق والاستهلاك بيزيد

دلونى جزاكم الله خيرااا لاحسن خلاص تعبت جداااااا

[mshmshm3]

طيب و فلتر البنزين ايه اخباره
و طلمبة البنزين بردو بص عليها

[hi_nmr]

الاول شوف فلتر البنزين يا باشا
لو متعدلتش شوف طرمه البنزين ممكن تكون ضعيفه

[basha 7070]

حصل معايه موقف سخيف جداا امبارح مؤشر البنزين كان قبل حرف ال e ب 2 ميلى وراحطت قطعه بنزين تماما فكده تقريبا ان العوامه بيظه ومش قاريه صح وان لما كنت بدوس كيك دون كنت بعمل كده والتنك مشطب بنزين ولما مونت ب 50 جنيه يعنى تقريبا 20 لتر المؤشر وصل فى النص بالظبط

فهل كده لازم اغير طرمبه بنزين كامله بالعوامه ولا اه ؟ وشكراا لكل الناس ئلى افدونى

[basha 7070]

مصر كلها شافت الموضوع ومحدش رد

[BLACKVERNA]

معايا فيرنا 2009 اتو

و عندى نفس المشكله و مش عارفلها حل

يا ريت نوصل لحل المشكلة

متابع

[hi_nmr]

مون العربيه كويس واتاكد ان فيها بنزين وامشي بيها كام يوم لو الحال اتصلح يبقي مشكلتك الاولي كانت قله بنزين ولو متصلحش يبقي زي ما قولت في تعليقي الاول الفلتر اولا ثم الطرمبه
موضوع العوامه ده لوحده ملوش علاقه بخنقه الماتور

[Hacker5]

ساعات بتحس انك العربية مخنوقة و فى لحظة تلاقيها جريت ؟

[BLACKVERNA]

ساعات بتحس انك العربية مخنوقة و فى لحظة تلاقيها جريت ؟

تمام كدا

[Hacker5]

دى اعراض موتور طرمبة بنزين

[basha 7070]

نفس الاحساس بردوهجرب اغير الطرمبه واشوف بس هل فيه نصيحه وانا بشترى طرمبه البنزين ماركه معينه ولا اشتريها من حد معين

[Hacker5]

نفس الاحساس بردوهجرب اغير الطرمبه واشوف بس هل فيه نصيحه وانا بشترى طرمبه البنزين ماركه معينه ولا اشتريها من حد معين

اشتريه Genuine او Mobis وبلاش البوش عشان مضروب

[basha 7070]

انا غيرت الطرمبه كلها عشان اخلص بالعوامه والمتور ب 320 من الخواجه في البحر الاعظم بس كانت العوامه بيظه مش شغاله فركبت العوامه القديمه والموضوع اتظبت
ممكن انت يا black verna تعمل اه تغير متور الطرمبه وتنظف الفلتر ئلى جوه الطرمبه نفسها عشان تقلل التكاليف لاني سراحه دفعت فلوس كتير على الفاضي وانضف طرمبه ممكن تشتريها ب 120 كوري وهيه ممكن تكون صيني بس هنعمل اه مع التجار المعفنين الحراميه وممكن تشتري طرميه لانسر بومه موترها قوي وبيستحمل

[BLACKVERNA]

الحمدلله
روحت عند مركز سبيد - م/ هانى ميخائيل
و قالى ان المشكله من حساس الكانستر
و فعلا فكيته و نزلت الحرفين جبت واحد استيراد
و ركبته و نضفلى البوابه و غيرت زيت فتيس
و الحمد لله فولت و لغاية دلوقتى العربية كويسة

هجرب كام يوم و اشوف