في الغردقة ومش عارف ارجع ازاي

[nasroo]

السلام عليكم ورحمة الله وبركاته

اناسافرت انهاردة بالفيرنا بتاعتي الغردقة . المهم العربية سخنت جامد جدا بعد ١٢٠كم على طريق السخنة وقفت وزودت مياة . اول مرة ازودلها مية . وبعد كده كملت عادي بعد ٢٠٠كم سخنت تاني وقفت برضه شوية وبعدين كملت للغردقة
المهم عاوز حد في الغردقة يشوفلي العربية انا راجع يوم الجمعة ان شاء الله ومش عاوز اتعرض لكده تاني وانا راجع

شكرا مقدما

[mohamedshaban1]

اسال على شارع السلام هناك هتلاقى ورش كتير . وفى واحد قريب من الجامع بتاع ريداتير

[lost2008]

تحت ال120 بتسخن ولا لا ؟

[alpoka779]

اعتقد الردياتير عاوز تسليك ونظافه دوره الميه

[pepo2011]

لو مفيش مياه بتسرب يبقي مشكلتك في دورة المية يعني حاجة مسدودة او الطرمبة مش بتقلب كويس

[nasroo]

اسال على شارع السلام هناك هتلاقى ورش كتير . وفى واحد قريب من الجامع بتاع ريداتير

الف شكر ليك هسال عنه

[nasroo]

تحت ال120 بتسخن ولا لا ؟

المرتين ماسخنتش غير لما عديت ال١٦٠
تحت ال١٢٠ مابتسخنش

[nasroo]

لو مفيش مياه بتسرب يبقي مشكلتك في دورة المية يعني حاجة مسدودة او الطرمبة مش بتقلب كويس

اول مرة لقيت المية بتغلي جوة الطرمبة استنيت لما بردت وزودت مية خضرة
تاني مرة ماكنش في نقص في المية ولا كانت بتغلي وتقريب مافيش تسريب

[أبو عمار]

ده طبيعى لو بتعدى 150 كم/س حاول تريح كل ساعة كده و ماتقرصش عليها
دى كفاءة ريدياتير

[nasroo]

ده طبيعى لو بتعدى 150 كم/س حاول تريح كل ساعة كده و ماتقرصش عليها
دى كفاءة ريدياتير

معقول ! ده كده العادي !!!

[lost2008]

المرتين ماسخنتش غير لما عديت ال١٦٠
تحت ال١٢٠ مابتسخنش

نفس الى حصلى قبل كده بالزبط , بص عاوزك تجرب حاجه نفعت معايه , و العربية بارده افتح غطاء الردياتير و دور العربيه و سيبها دايره لحد ما مروحة التبريد تشتغل و تطفى 3 مرات بعد كده تربط الغطاء تانى و تسيبها حوالى 3 ساعات لحد متبرد تماما و ترجع تشوف مستوى المياه لو نقص زوده , الغرض من ده ان لو دايرة التبريد واخده هوا الطريقه ديه بطلع الهوا من الدايرة , ده الى انا عملته و الحمد لله العربيه رجعت زى الفل و جنبنى انى اغير حاجات مش محتاجه تتغير , جرب و قولى .

[nasroo]

اسال على شارع السلام هناك هتلاقى ورش كتير . وفى واحد قريب من الجامع بتاع ريداتير

روحت لبتاع ريداتير اولشارع يمين من شارع السلام اللي قولت لي عليه و قال لي الريداتيير متنضفش خالص (ودي حقيقة ) المهم فكه وسلكه وغيرت غطاء الريداتير عشان كان بيرجع مية للقربة وحطيت مية خضراء وراجع بكرة -ربنا يستر

[mohamedshaban1]

ان شاء اللة تكون وصلت بالسلامة . طمنا على اخبار العربية وانت راجع عملت اية معاك

[nasroo]

ان شاء الله تكون وصلت بالسلامة . طمنا على اخبار العربية وانت راجع عملت اية معاك

الف شكر ليك
الحمد لله وانا راجع العربية كانت زي الفل في الاول كنت مش عاوز ازود عن 130 لكن بعد كده قرصت براحتي 160-180 مع التكييف كمان والحمد لله