مشكلة في ترموستات الكوعة للماتريكس ارجو مساعدتي في حلها...

[MHMD Alexndria]

شباب المنتدى الكرام
السلام عليكم ورحمة الله وبركاته

روحت للميكانيكي عشان كنت عايز اركب ترموستات كوعة لعربية هيونداى ماتريكس وجبتها اصلي من التوكيل محفور عليها علامة هيونداى وكيا ومحفور درجة حرارتها 82 درجة سليزيس
وبعد التركيب فوجئت بعد خمس دقائق مشى بالعربية ان السرعة التانية للمراوح شغالة باستمرار والخرطوم اللي جاى من الريداتير للموتور (اللي في سكته الترموستات راكبه) متلج والترموستات قافلة والخرطوم التاني اللي جاى من الموتور للريداتير مولع نار والمراوح شغالة على السرعة التانية مابتفصلش ...مرضتش امشي بيها ورجعت للميكانيكي خوفت تجيب جوان مع ان حرارة العداد في معدلها المعتاد تحت النص بحاجة بسيطة ومرفعتش الحمد لله
الميكانيكي حاول يمين شمال مفيش ركب ترموستات تانية بتاعت عربية لافيتا اصلي نفس القصة
وقالي كل الماتريكس اللي عدت عليه كده وفي الاخر بيلغو ترموستات الكوعة ...

بعض الملاحظات:
1- ضغط الميه داخل الخراطيم اللي داخله وخارجة للموتور ضعيف الخراطيم بتتضغط بالأيد (طرية)
2- الترموستات فتح فالأول وعدت عليه ميه سخنة وبعديها على طول ألاقي المراوح تشتغل على السرعة العالية وتبرد الميه اللي داخلة للموتور وجيه من الريداتير والترموستات قافل ويفضل كده ما يفتحش الإ لما الميكانيكي فصل مراوح التبريد ..
3- سوستة الترموستات جامدة جدا فازاى الميه بتفتحها والحوارده في كذه عينة ترموستات

فالاخر لغاها وده اللي انا مكنتش عايزه ومش عارف اعمل ايه لأنها بتزود استهلاك البنزين وتخلى الموتور يوصل لدرجة حرارة التشغيل بعد ربع ساعة واعرف ان لغيها غلط مش صح ..أعمل ايه

اتمنى اكون قدرت اوصل المشكلة واسف للأطالة

[samihanwar]

طيب ممكن ازاى لغاها عندك عشان انا عاوز الغيها فى الالنترا بتاعتى
عشان المروحه لما بتشتغل مش بتفصل وكده هتقصر العمر الافتراضى للمروحه وحمل على الفيوزات وضفيره العربيبه
وشكرا جزيلا للمشاركه

[borio1704]

شباب المنتدى الكرام
السلام عليكم ورحمة الله وبركاته

روحت للميكانيكي عشان كنت عايز اركب ترموستات كوعة لعربية هيونداى ماتريكس وجبتها اصلي من التوكيل محفور عليها علامة هيونداى وكيا ومحفور درجة حرارتها 82 درجة سليزيس
وبعد التركيب فوجئت بعد خمس دقائق مشى بالعربية ان السرعة التانية للمراوح شغالة باستمرار والخرطوم اللي جاى من الريداتير للموتور (اللي في سكته الترموستات راكبه) متلج والترموستات قافلة والخرطوم التاني اللي جاى من الموتور للريداتير مولع نار والمراوح شغالة على السرعة التانية مابتفصلش ...مرضتش امشي بيها ورجعت للميكانيكي خوفت تجيب جوان مع ان حرارة العداد في معدلها المعتاد تحت النص بحاجة بسيطة ومرفعتش الحمد لله
الميكانيكي حاول يمين شمال مفيش ركب ترموستات تانية بتاعت عربية لافيتا اصلي نفس القصة
وقالي كل الماتريكس اللي عدت عليه كده وفي الاخر بيلغو ترموستات الكوعة ...

بعض الملاحظات:
1- ضغط الميه داخل الخراطيم اللي داخله وخارجة للموتور ضعيف الخراطيم بتتضغط بالأيد (طرية)
2- الترموستات فتح فالأول وعدت عليه ميه سخنة وبعديها على طول ألاقي المراوح تشتغل على السرعة العالية وتبرد الميه اللي داخلة للموتور وجيه من الريداتير والترموستات قافل ويفضل كده ما يفتحش الإ لما الميكانيكي فصل مراوح التبريد ..
3- سوستة الترموستات جامدة جدا فازاى الميه بتفتحها والحوارده في كذه عينة ترموستات

فالاخر لغاها وده اللي انا مكنتش عايزه ومش عارف اعمل ايه لأنها بتزود استهلاك البنزين وتخلى الموتور يوصل لدرجة حرارة التشغيل بعد ربع ساعة واعرف ان لغيها غلط مش صح ..أعمل ايه

اتمنى اكون قدرت اوصل المشكلة واسف للأطالة

مفيش مشكلة عند حضرتك أصلا.. مادام الحرارة ثابتة تحت النص.. حضرتك قلقان من إيه؟؟؟

حضرتك لازم تعرف الأول إن طريقة التشغيل الطبيعية للعربية وهي مركبة ثرموستات الكوعة إن الثرموستات هيفضل يفتح ويقفل من غير ما حضرتك تحس...

لإن حركته تدريجية.. علشان الثرموستات بيفتح نتيجة تمدد مادة شمعية جواه لما الحرارة ترتفع.. ولما الحرارة تنخفض الشمع ده بينكمش ويرجع الثرموستات يقفل تدريجي مرة تانية.

وبالتالي حضرتك لا يمكن تقدر تفتحه بالإيد كده لوحدها... لازم تسخنه

لو الثرموستات عندك في البيت... جرب حطه في مية سخنة لدرجة الغليان... واتفرج عليه وهو بيفتح.


تاني حاجة...

أي رادياتير في الدنيا الخرطوم العلوي بتاعه هو الخارج من الموتور ... والخرطوم السفلي هو الداخل إلى الموتور



فليا طلبين حارين من حضرتك...

1- ركب ثرموستات الكوعة بأسرع ما يمكن

2- غير الميكانيكي الـ...... ده



...

[MHMD Alexndria]

طيب ممكن ازاى لغاها عندك عشان انا عاوز الغيها فى الالنترا بتاعتى
عشان المروحه لما بتشتغل مش بتفصل وكده هتقصر العمر الافتراضى للمروحه وحمل على الفيوزات وضفيره العربيبه
وشكرا جزيلا للمشاركه

برضو عايز تلغيها مع اني ما أنصحكش بكده
بس عموما هو شايلها من مكانها وده مخلي سكة الميه مفتوحة على طول

[borio1704]

طيب ممكن ازاى لغاها عندك عشان انا عاوز الغيها فى الالنترا بتاعتى
عشان المروحه لما بتشتغل مش بتفصل وكده هتقصر العمر الافتراضى للمروحه وحمل على الفيوزات وضفيره العربيبه
وشكرا جزيلا للمشاركه

حضرتك خايف على العمر الافتراضي للمراوح ومش خايف على العمر الافتراضي للموتور ؟؟!!!!

يا فندم.. إزالة ثرموستات الكوعة هي أول مسمار بيتدق في نعش الموتور


أمال المواتير في مصر بتتعمر على 100 و200 ألف ليه؟؟؟


ياريت تتعرف على فوايد ثرموستات الكوعة لما تقرا الموضوع ده:
http://www.nilemotors.net/Nile/328708-a.html


...

[samihanwar]

ألف شكر للرد االفعال

[MHMD Alexndria]

مفيش مشكلة عند حضرتك أصلا.. مادام الحرارة ثابتة تحت النص.. حضرتك قلقان من إيه؟؟؟
بجد شاكر جدا لحضرتك ولذوقك وتفاهمك فالكلام
هو اللي خلاني قلقت ان بعد ما العربية توصل لدرجة التشغيل الطبيعية تحت النص ألاقي المراوح بتشتغل بالسرعة العالية وتفضل كده (كأن العربية سخنت جامد وبتستغيث مش السرعة التانية للمراوح ديه في حالة الأحمال الزائدة مش من اول خمس دقايق فالدوارة والمؤشر فالنص مش عارف ده طبيعي ولا لأ لأني كان معايا لانوس مكتش كده )

حضرتك لازم تعرف الأول إن طريقة التشغيل الطبيعية للعربية وهي مركبة ثرموستات الكوعة إن الثرموستات هيفضل يفتح ويقفل من غير ما حضرتك تحس...

لإن حركته تدريجية.. علشان الثرموستات بيفتح نتيجة تمدد مادة شمعية جواه لما الحرارة ترتفع.. ولما الحرارة تنخفض الشمع ده بينكمش ويرجع الثرموستات يقفل تدريجي مرة تانية.

تماااام

وبالتالي حضرتك لا يمكن تقدر تفتحه بالإيد كده لوحدها... لازم تسخنه

لو الثرموستات عندك في البيت... جرب حطه في مية سخنة لدرجة الغليان... واتفرج عليه وهو بيفتح.

جربت زى ما حضرتك بتقول صح

تاني حاجة...

أي رادياتير في الدنيا الخرطوم العلوي بتاعه هو الخارج من الموتور ... والخرطوم السفلي هو الداخل إلى الموتور

طيب وسع صدرك معايا شويه بعد أذنك..
الخرطوم العلوي(خرج الموتور) ده اللي في سكته راكبه الترموستات أزاى بيبقى متلج والمراوح شغالة تبريد على السرعة التانية وحساس الحرارة اللي جوه الموتور مدي اشارة للمراوح تشتغل على السرعة التانية وترموستات باشا قافل السكة كأن الدنيا جوه الموتور مش محتاجه تبريد
ولا ده الطبيعي بتاع الهيونداى وانا اللي مقلق نفسي طالما مؤشر الحرارة طبيعي تحت النص مليش دعوة بالمراوح تشتغل عالسرعة التانية الترموستات يقفل ويفتح براحته


فليا طلبين حارين من حضرتك...

1- ركب ثرموستات الكوعة بأسرع ما يمكن

2- غير الميكانيكي الـ...... ده

ان شاء الله

...

[borio1704]

بجد شاكر جدا لحضرتك ولذوقك وتفاهمك فالكلام
هو اللي خلاني قلقت ان بعد ما العربية توصل لدرجة التشغيل الطبيعية تحت النص ألاقي المراوح بتشتغل بالسرعة العالية وتفضل كده (كأن العربية سخنت جامد وبتستغيث مش السرعة التانية للمراوح ديه في حالة الأحمال الزائدة مش من اول خمس دقايق فالدوارة والمؤشر فالنص مش عارف ده طبيعي ولا لأ لأني كان معايا لانوس مكتش كده )

لا والله.. ده الطبيعي صدقني..

عربيتي سيراتو 2014... بعد مشوار متوسط (حوالي 10 كيلو) بافتح الكبوت ألاقي صهد وحرارة عالية جدا طالعة عليا.. حتى في الجو الحالي اللي يعتبر معتدل وقريب من جو مايو في القاهرة.

ده طبيعي.. ودرجة الحرارة في المؤشر مظبوطة وعمري ما عانيت من ارتفاع الحرارة... مع العلم بإني عايش في جدة في السعودية.. ودرجة الحرارة قريبة قوي من الحرارة في الأقصر وأسوان.

ولما التكييف بيشتغل... بيبقى فيه صهد جامد جاي من تحت العربية ..وبيبان حتى وانت واقف جنب العربية على بعد حوالي متر.

بالنسبة للمراوح... معرفش إذا كانت العربية مع حضرتك من الزيرو ولا لأ.. وكمان إيه نوع الإصلاحات اللي حصلت على نظام المراوح...

بس لو كل الماتريكس كده... يبقى ده طبيعي.

طيب وسع صدرك معايا شويه بعد أذنك..
الخرطوم العلوي(خرج الموتور) ده اللي في سكته راكبه الترموستات أزاى بيبقى متلج والمراوح شغالة تبريد على السرعة التانية وحساس الحرارة اللي جوه الموتور مدي اشارة للمراوح تشتغل على السرعة التانية وترموستات باشا قافل السكة كأن الدنيا جوه الموتور مش محتاجه تبريد
ولا ده الطبيعي بتاع الهيونداى وانا اللي مقلق نفسي طالما مؤشر الحرارة طبيعي تحت النص مليش دعوة بالمراوح تشتغل عالسرعة التانية الترموستات يقفل ويفتح براحته

شكلي كنت حاد شوية في الكلام

بس بصراحة أنا اضايقت جدا من الميكانيكي ده

أنا بعتذر إذا كنت اتكلمت بشكل ضايقك ولا حاجة


طيب.. يمكن أكون فهمت غلط..

عموما... اللي أنا فاهمه إن الخراطيم اللي حضرتك بتتكلم عليه كلها موجودة في الموتور من على الجنب... واحد منهم رايح للرادياتير.. والتاني مش باين هو رايح فين بالضبط.

خلينا نتكلم عملي:

الخرطوم الخارج من الموتور هو الخرطوم الكبير اللي على شمال إيد الراجل في الصورة دي..



ما أعتقدش إن الخرطوم ده يكون بارد

والخرطوم البارد احتمال كبير يكون خرطوم الدفاية (لو هو خرطوم أرفع).. ولو عايز تتأكد.. حول مؤشر حرارة التكييف على السخن... وشوف الخرطوم ده هيسخن ولا لأ.

ولو قصدك على الخرطوم الكبير اللي جاي من الرادياتير من تحت... يبقى دي المية الباردة اللي راجعة من الرادياتير للموتور.


...

[MHMD Alexndria]

لا والله.. ده الطبيعي صدقني..

عربيتي سيراتو 2014... بعد مشوار متوسط (حوالي 10 كيلو) بافتح الكبوت ألاقي صهد وحرارة عالية جدا طالعة عليا.. حتى في الجو الحالي اللي يعتبر معتدل وقريب من جو مايو في القاهرة.

ده طبيعي.. ودرجة الحرارة في المؤشر مظبوطة وعمري ما عانيت من ارتفاع الحرارة... مع العلم بإني عايش في جدة في السعودية.. ودرجة الحرارة قريبة قوي من الحرارة في الأقصر وأسوان.

ولما التكييف بيشتغل... بيبقى فيه صهد جامد جاي من تحت العربية ..وبيبان حتى وانت واقف جنب العربية على بعد حوالي متر.

بالنسبة للمراوح... معرفش إذا كانت العربية مع حضرتك من الزيرو ولا لأ.. وكمان إيه نوع الإصلاحات اللي حصلت على نظام المراوح...

بس لو كل الماتريكس كده... يبقى ده طبيعي.

شكرا تاني لذوقك واسلوبك المحترم
قلقي كله ينصب في نقطة واحدة وهى ان المراوح بعد 10 دقايق بس مشى بالعربيةوبدون تكييف بتشتغل على السرعة التانية العالية وبتفضل كده و الموتور يبرجل بيبقى فيه رعشه كده مش معتاده ومؤشر الحرارة فالعداد تمام تحت النص بسنه بس صوت المراوح لو فشارع هادي كأنك ماشي بهيلوكبتر وعلى طول مش شويه مثلا وتشتغل على السرعة العادية الأولى لأ


شكلي كنت حاد شوية في الكلام

بس بصراحة أنا اضايقت جدا من الميكانيكي ده

أنا بعتذر إذا كنت اتكلمت بشكل ضايقك ولا حاجة

لأ خالص قصدي حاول تفهم قصدي لأني مبتدئ

طيب.. يمكن أكون فهمت غلط..

عموما... اللي أنا فاهمه إن الخراطيم اللي حضرتك بتتكلم عليه كلها موجودة في الموتور من على الجنب... واحد منهم رايح للرادياتير.. والتاني مش باين هو رايح فين بالضبط.

مظبوط واحد منهم رايح للرادياتير(وده اللي راكب في اوله جوه الكوعة الترموستات).. والتاني جى من الريداتير من تحت رايح للمخرج التاني لكوعة المية (كوعة الماتريكس بروحين العلوية منهم بيركب فيها الترموستات بمبيت معين وعلى قدها ومينفعش يركب في التانية السفلية اللي راكب فيها الخرطوم اللي مش باين اللي جى من الريداتير)

خلينا نتكلم عملي:

الخرطوم الخارج من الموتور هو الخرطوم الكبير اللي على شمال إيد الراجل في الصورة دي..



ما أعتقدش إن الخرطوم ده يكون بارد
هو ده لب الموضوع هو ده اللي بيسخن للحظات وبعد كده الاقيه بعد تشغيل المراوح على السرعة التانية العالية يتلج واستنتاجي ان الترموستات بيكون ساعتها قفل تاني
والخرطوم البارد احتمال كبير يكون خرطوم الدفاية (لو هو خرطوم أرفع).. ولو عايز تتأكد.. حول مؤشر حرارة التكييف على السخن... وشوف الخرطوم ده هيسخن ولا لأ.

ولو قصدك على الخرطوم الكبير اللي جاي من الرادياتير من تحت... يبقى دي المية الباردة اللي راجعة من الرادياتير للموتور.
ده الي بيبقى مولع من السخونية

وشكلي كده هتلغبط ولغبطك معايا الصورة اللي حضرتك ارفقتها نفس موتور الماتريكس بالظبط
هشيك تاني وارد على حضرتك بس برضه ليه المراوح بتشتغل على السرعة العالية على طول ليه مش السرعة العادية
اتمنى حد من رجالة الماتريكس يرد عليا هل من الطبيعي ان المراوح تشتغل على السرعة العالية اثناء التبريد من غير حمل على العربية ولا تكييف
...

[borio1704]

شكرا تاني لذوقك واسلوبك المحترم
قلقي كله ينصب في نقطة واحدة وهى ان المراوح بعد 10 دقايق بس مشى بالعربيةوبدون تكييف بتشتغل على السرعة التانية العالية وبتفضل كده و الموتور يبرجل بيبقى فيه رعشه كده مش معتاده ومؤشر الحرارة فالعداد تمام تحت النص بسنه بس صوت المراوح لو فشارع هادي كأنك ماشي بهيلوكبتر وعلى طول مش شويه مثلا وتشتغل على السرعة العادية الأولى لأ

اللي فهمته كده إن حضرتك اشتريت العربية مستعملة..
طيب... واضح كده إن كهربة العربية ملعوب فيها ..

لأ خالص قصدي حاول تفهم قصدي لأني مبتدئ

مفيش مشاكل.. أنا معاك لحد الآخر.

مظبوط واحد منهم رايح للرادياتير(وده اللي راكب في اوله جوه الكوعة الترموستات).. والتاني جى من الريداتير من تحت رايح للمخرج التاني لكوعة المية (كوعة الماتريكس بروحين العلوية منهم بيركب فيها الترموستات بمبيت معين وعلى قدها ومينفعش يركب في التانية السفلية اللي راكب فيها الخرطوم اللي مش باين اللي جى من الريداتير)

تمام كده مفيش مشاكل

هو ده لب الموضوع هو ده اللي بيسخن للحظات وبعد كده الاقيه بعد تشغيل المراوح على السرعة التانية العالية يتلج واستنتاجي ان الترموستات بيكون ساعتها قفل تاني

تمام... مادام بيسخن شوية ويرجع يقفل تاني .. يبقى تبريد الرادياتير قوي ويمكن أكتر من اللازم كمان.. ودي حاجة ما تزعلش

وأنا شايف المشكلة هنا في كهربة المراوح.. مش ثرموستات الكوعة نهائي.

ده الي بيبقى مولع من السخونية

خلي بالك إن الخرطوم اللي راجع من الرادياتير بيبقى - غالبا - داخل عليه كمان خرطوم الراجع من الدفاية.. وده ممكن يكون سبب السخونية.

وشكلي كده هتلغبط ولغبطك معايا الصورة اللي حضرتك ارفقتها نفس موتور الماتريكس بالظبط
هشيك تاني وارد على حضرتك بس برضه ليه المراوح بتشتغل على السرعة العالية على طول ليه مش السرعة العادية
اتمنى حد من رجالة الماتريكس يرد عليا هل من الطبيعي ان المراوح تشتغل على السرعة العالية اثناء التبريد من غير حمل على العربية ولا تكييف

هي فعلا صورة الماتريكس... وما تقلقش مفيش لخبطة ولا حاجة.

عموما أنا شايف المشكلة في كهربة المراوح.. بمعنى إن ممكن قوي تلاقي فيشة المراوح معكوسة أو ثرموستات المراوح فيه مشكلة أو أي حاجة في السكة دي.


على فكرة أنا متابعك بردو على الموضوع التاني وشايف الإخوة الزملاء رايحين لنفس التشخيص.

الموضوع كله عايز كهربائي دماغه نضيفة تتعامل معاه.




فيه كهربائي كويس قوي كنت بتعامل معاه لما كنت في اسكندرية..

اسمه ياسر .. ونمرة تليفونه 01001959217 أو 01220395224

حتلاقيه في عزبة سكينة جنب نزلة كوبري أبيس علطول.

ورشته على قده.. بس دماغه نضيفة قوي وله في الميكانيكا شوية وكمان له في التكييف... ولو عايز كمان يصلحلك العربية ويوصلهالك دلفري لحد البيت.

قول له إنك جاي من طرف م. أحمد (أخو أسامة) بتاع الكريسيدا الفضي.


...

[MHMD Alexndria]

اللي فهمته كده إن حضرتك اشتريت العربية مستعملة..
طيب... واضح كده إن كهربة العربية ملعوب فيها ..




مفيش مشاكل.. أنا معاك لحد الآخر.




تمام كده مفيش مشاكل




تمام... مادام بيسخن شوية ويرجع يقفل تاني .. يبقى تبريد الرادياتير قوي ويمكن أكتر من اللازم كمان.. ودي حاجة ما تزعلش

وأنا شايف المشكلة هنا في كهربة المراوح.. مش ثرموستات الكوعة نهائي.




خلي بالك إن الخرطوم اللي راجع من الرادياتير بيبقى - غالبا - داخل عليه كمان خرطوم الراجع من الدفاية.. وده ممكن يكون سبب السخونية.





هي فعلا صورة الماتريكس... وما تقلقش مفيش لخبطة ولا حاجة.

عموما أنا شايف المشكلة في كهربة المراوح.. بمعنى إن ممكن قوي تلاقي فيشة المراوح معكوسة أو ثرموستات المراوح فيه مشكلة أو أي حاجة في السكة دي.


على فكرة أنا متابعك بردو على الموضوع التاني وشايف الإخوة الزملاء رايحين لنفس التشخيص.

الموضوع كله عايز كهربائي دماغه نضيفة تتعامل معاه.




فيه كهربائي كويس قوي كنت بتعامل معاه لما كنت في اسكندرية..

اسمه ياسر .. ونمرة تليفونه 01001959217 أو 01220395224

حتلاقيه في عزبة سكينة جنب نزلة كوبري أبيس علطول.

ورشته على قده.. بس دماغه نضيفة قوي وله في الميكانيكا شوية وكمان له في التكييف... ولو عايز كمان يصلحلك العربية ويوصلهالك دلفري لحد البيت.

قول له إنك جاي من طرف م. أحمد (أخو أسامة) بتاع الكريسيدا الفضي.


...

ربنا يباركلك م. أحمد تعبتك معايا .... يشرفني معرفتك أخوك في الله م.محمد مصطفى
استنتاجك ان شاء الله يكون صح وده ظني برده بالإتفاق مع كلام باقي الزملا
هو التوصيلالخاص بالخراطيم الكبيرة زى ما حضرتك اشرت فالصورة عندي فالعربية كده برضو العلوي جاى من الموتور للريداتير وده اللي في اول سكته من ناحية الموتور كان راكب الترموستات (هو ده برضو اللي بيسخن فالأول والترموستات معناها انه فتح وبعد كده بيبرد بالتدريج لغاية ما يبقى تلج واثناء ذلك المراوح شغالة طيارة عالسرعة التانية)
والخرطوم السفلي الكبير رجع من الريداتير للموتور وده بعد الحوار السابق بيبقى سخن خالص
ويفضل الوضع على كده 1-مراوح شغالة طيارة عالسرعة التانية
2-ترموستات تقريبا قافل لأن قدامه ميه تلج منه للريداتير
3- الخرطوم السفلى الكبير مش بتاع الدفاية بيبقى وقتها مولع نار

طلمبة الميه ان شاء الله تكون شغالة كويس بتعمل دوامات عند فتحة غطا الريداتير
هل ممكن حساس الحرارة اللي جوه الموتور يكون بيخرف بيدي اشارة بدري لترموستات المراوح وده اللي بيعمل اللغبطة ديه زى ما حضرتك اشرت ...ان شاء الله هروح لكهربائي شاطر اعمل كشف كمبيوتر سكان بالجهاز على الحساسات ومنهمwts واخليه يشيك على فيشة المراوح جايز اطرافها معكوسة والترموستات الكهربي للمراوح والله المستعان
نفسي ارجعها زى حالة التصنيع بدون لعب او فتى صنايعية
واخيرا شاكر جدا ليك وان شاء الله هتابعك بالجديد فالموضوع ده ويشرفني نكون اصدقاء فالمنتدى