مشكلة في ترموستات الكوعة ارجو المساعدة في حلها

[MHMD Alexndria]

شباب المنتدى الكرام
السلام عليكم ورحمة الله وبركاته
هو الموضوع بخصوص ترموستات الكوعة لهيونداى ماتريكس

روحت للميكانيكي عشان كنت عايز اركب ترموستات كوعة لعربية هيونداى ماتريكس وجبتها اصلي من التوكيل محفور عليها علامة هيونداى وكيا ومحفور درجة حرارتها 82 درجة سليزيس
وبعد التركيب فوجئت بعد خمس دقائق مشى بالعربية ان السرعة التانية للمراوح شغالة باستمرار والخرطوم اللي جاى من الريداتير للموتور (اللي في سكته الترموستات راكبه) متلج والترموستات قافلة والخرطوم التاني اللي جاى من الموتور للريداتير مولع نار والمراوح شغالة على السرعة التانية مابتفصلش ...مرضتش امشي بيها ورجعت للميكانيكي خوفت تجيب جوان مع ان حرارة العداد في معدلها المعتاد تحت النص بحاجة بسيطة ومرفعتش الحمد لله
الميكانيكي حاول يمين شمال مفيش ركب ترموستات تانية بتاعت عربية لافيتا اصلي نفس القصة
وقالي كل الماتريكس اللي عدت عليه كده وفي الاخر بيلغو ترموستات الكوعة ...

بعض الملاحظات:
1- ضغط الميه داخل الخراطيم اللي داخله وخارجة للموتور ضعيف الخراطيم بتتضغط بالأيد (طرية)
2- الترموستات فتح فالأول وعدت عليه ميه سخنة وبعديها على طول ألاقي المراوح تشتغل على السرعة العالية وتبرد الميه اللي داخلة للموتور وجيه من الريداتير والترموستات قافل ويفضل كده ما يفتحش الإ لما الميكانيكي فصل مراوح التبريد ..
3- سوستة الترموستات جامدة جدا فازاى الميه بتفتحها والحوارده في كذه عينة ترموستات

فالاخر لغاها وده اللي انا مكنتش عايزه ومش عارف اعمل ايه لأنها بتزود استهلاك البنزين وتخلى الموتور يوصل لدرجة حرارة التشغيل بعد ربع ساعة واعرف ان لغيها غلط مش صح ..أعمل ايه

اتمنى اكون قدرت اوصل المشكلة واسف للأطالة

[Abo_Mazen]

هو غريب إن الثرموستات يركب على مدخل المياه للمحرك ..هو المفروض يركب في مخرج المياه من المحرك ..ده أصل الموضوع ..وفي حالتك أو على حسب كلامك لازم الثرموستات يفضل قافل ..لإن المياه اللي داخله عليه من الريداتير بارده ..فعمره ما هيفتح ..بص ..في حاجه غلط ..الثرموستات بيركب في الخرج بتاع المكنه مش في الدخل ..شوف ميكانيكي بيشتغل في الماتريكس يكون حافظ نظامها إيه يقولك الثرموستات دي بتركب إزاي ..مع إني عمري ما شفت ثرموستات بتركب في مدخل المحرك..بص الثرموستات دي عباره عن سوسته فيها شمع ..الشمع ده لما بيسخن بيسيح فالسوسته بتبقى مرنه المياه تزقها بالبلف اللي راكب فيها فتفتح ..لما الشمع ده بييرد بيتمدد وينشف فالسوسته تقفش والمياه ما تقدرش تزق السوسته وبالتالي البلف ما يفتحش وما يعديش المياه لغاية المياه ما تسخن ..تقوم مسخنه السوسته اللي جواها الشمع فالشمع يسخن ويسيح وتبقى السوسته قابله للإنضغاط من المياه ..وهكذا دواليك دواليك ..قولي بقى ..ثرموستات دي فكرة عملها ..إزاي تركب في خرج ريداتير ومدخل محرك وهي المفروض تركب في خرج محرك ودخل ريداتير؟؟؟

[lutenit030]

لازم السوسته تبقي جامده لانها تحت درجه حراره 82 و تعتبر في وضع الاغلاق

[MHMD Alexndria]

هو غريب إن الثرموستات يركب على مدخل المياه للمحرك ..هو المفروض يركب في مخرج المياه من المحرك ..ده أصل الموضوع ..وفي حالتك أو على حسب كلامك لازم الثرموستات يفضل قافل ..لإن المياه اللي داخله عليه من الريداتير بارده ..فعمره ما هيفتح ..بص ..في حاجه غلط ..الثرموستات بيركب في الخرج بتاع المكنه مش في الدخل ..شوف ميكانيكي بيشتغل في الماتريكس يكون حافظ نظامها إيه يقولك الثرموستات دي بتركب إزاي ..مع إني عمري ما شفت ثرموستات بتركب في مدخل المحرك..بص الثرموستات دي عباره عن سوسته فيها شمع ..الشمع ده لما بيسخن بيسيح فالسوسته بتبقى مرنه المياه تزقها بالبلف اللي راكب فيها فتفتح ..لما الشمع ده بييرد بيتمدد وينشف فالسوسته تقفش والمياه ما تقدرش تزق السوسته وبالتالي البلف ما يفتحش وما يعديش المياه لغاية المياه ما تسخن ..تقوم مسخنه السوسته اللي جواها الشمع فالشمع يسخن ويسيح وتبقى السوسته قابله للإنضغاط من المياه ..وهكذا دواليك دواليك ..قولي بقى ..ثرموستات دي فكرة عملها ..إزاي تركب في خرج ريداتير ومدخل محرك وهي المفروض تركب في خرج محرك ودخل ريداتير؟؟؟

اولا شكرا لردك واهتمامك
فعلا عندك حق وكلامك منطقي جدا بس معنى كده ان خرطومين الميه الكبار بتوع الريداتير الدخل والخارج من والى الموتور يكونوا معكوسين في كوعة الميه عندي لان الكوعة بروحين غير اللانوس
فيها بيركب الخرطومين الكبار وفي سكة واحد فيهم(اللي هو اشرت ليه انه بيبرد ويتلج لما الترموستات تقفل وهو الخرطوم العلوي من الريداتير) بتتحط الترموستات وليها مبيت معين ماتنفعش تتحط فالتاني
هل الخرطوم العلوي من الريداتير ده يعتبر مخرج ولا مدخل الموتور واظن انه المفروض يكون مدخل المياه البارده للموتور لان ده اللي كان متلج وقافل الترموستات
والتاني كان مولع من السخونية وده اعتقد انه خرج الموتور اللي المفروض على كلام حضرتك يتحط في سكته الترموستات
هل استنتاجي كده صح ولا لخبطت الدنيا

[Abo_Mazen]

اولا شكرا لردك واهتمامك
فعلا عندك حق وكلامك منطقي جدا بس معنى كده ان خرطومين الميه الكبار بتوع الريداتير الدخل والخارج من والى الموتور يكونوا معكوسين في كوعة الميه عندي لان الكوعة بروحين غير اللانوس
فيها بيركب الخرطومين الكبار وفي سكة واحد فيهم(اللي هو اشرت ليه انه بيبرد ويتلج لما الترموستات تقفل وهو الخرطوم العلوي من الريداتير) بتتحط الترموستات وليها مبيت معين ماتنفعش تتحط فالتاني
هل الخرطوم العلوي من الريداتير ده يعتبر مخرج ولا مدخل الموتور واظن انه المفروض يكون مدخل المياه البارده للموتور لان ده اللي كان متلج وقافل الترموستات
والتاني كان مولع من السخونية وده اعتقد انه خرج الموتور اللي المفروض على كلام حضرتك يتحط في سكته الترموستات
هل استنتاجي كده صح ولا لخبطت الدنيا

إستنتاجك بخصوص إن الثرموستات المفروض يتحط في سكة المياه السخنه صح..وده يدل إنك فهمت أنا عايز أقول إيه...لكن بالنسبه لوضع الخراطيم كونها معكوسه ولا مظبوطه ..فدي بصراحه مش هقدر أفتيك فيها لإن طبعا الوضع مش قدامي على الطبيعه .عشان كده بقول لحضرتك شوف ميكانيكي عارف الماتريكس هو اللي يفتيك

[borio1704]

اولا شكرا لردك واهتمامك
فعلا عندك حق وكلامك منطقي جدا بس معنى كده ان خرطومين الميه الكبار بتوع الريداتير الدخل والخارج من والى الموتور يكونوا معكوسين في كوعة الميه عندي لان الكوعة بروحين غير اللانوس
فيها بيركب الخرطومين الكبار وفي سكة واحد فيهم(اللي هو اشرت ليه انه بيبرد ويتلج لما الترموستات تقفل وهو الخرطوم العلوي من الريداتير) بتتحط الترموستات وليها مبيت معين ماتنفعش تتحط فالتاني
هل الخرطوم العلوي من الريداتير ده يعتبر مخرج ولا مدخل الموتور واظن انه المفروض يكون مدخل المياه البارده للموتور لان ده اللي كان متلج وقافل الترموستات
والتاني كان مولع من السخونية وده اعتقد انه خرج الموتور اللي المفروض على كلام حضرتك يتحط في سكته الترموستات
هل استنتاجي كده صح ولا لخبطت الدنيا

دايما .. الخرطوم الخارج من الموتور (الداخل للرادياتير) هو الخرطوم العلوي

فلو الثرموستات راكب على الخرطوم العلوي.. يبقى كده الثرموستات راكب في مكانه مظبوط.

وإذا كانت كوعة الثرموستات طالع منها خرطوم تاني سخن.. فكده يبقى تمام التمام لإن ده معناه إن المية السخنة اللي المفروض تروح الرادياتير سكتها متحولة وراجعة للموتور تاني..

تاني حاجة... شيء طبيعي إن الثرموستات لما يكون قافل إن الخرطوم يكون بارد.. ماهو مفيش مية سخنة داخلة الرادياتير.. لإن المية اللي في الموتور لسه ما وصلتش درجة الحرارة اللي تحتاج إنها تتبرد.


من فضلك... أرجوك..

ركب الثرموستات.


آه... غير الميكانيكي .. لإنه مش فاهم المية ماشية ازاي في العربية.. يبقى ميكانيكي ازاي؟؟؟



...

[msobhy]

زى ما الزميل الفاضل قال لحضرتك - من فضلك ركب ترموستات الكوعه تانى
ده رقم واحد
رقم اتنين بالراحه كده تعال نفهم الدنيا ماشيه ازاى
ترموستات الكوعه وظيفته انه يقفل دائرة التبريد بين الموتور والريداتير - طيب ليه - علشان العربيه تبقى شغاله فى احسن درجة تشغيل واللى هيه المفروض تبقى 88-90 درجه
طيب نيجى بقى لكذا نقطه
التبريد بيعتمد على ايه
أولا طرمبة الميه المسئوله عن تقليب الميه داخل دورة التبريد (يبقى اول احتمال ان طرمبة الميه تأكلت وبقى تقليبها ضعيف)
ثانيا ترموستات الكوعه مش بيقفل كويس علشان يسمح بالتقليب مع الريداتير (يبقى نغير ترموستات الكوعه - وزى ما كنا بنعمل فى اللانوس لازم الكوعه كلها تتغير لأن فى الاغلب بيبقى فيه ترسبات بتخلى اندفاع الميه ضعيف جدا وكأنه مش موجود خصوصا لو حضرتك بتستخدم مية الحنفيه مش ميه خضراء)

ثالثا وده المهم - ترموستات المراوح وده اللى بيشغل المراوح سواء على السرعه البطيئه أو السريعه (قلب الام بيقولى ان هيه ديه مشكلتك - غيره وشوف الدنيا فيها ايه)

رابعا كنترول العربيه بيهيس (افصل الكابل السالب بتاع البطاريه لمدة 15 دقيقه وركب وجرب)

لو مكانك هاعمل ايه
1- هافصل كابل البطاريه لمدة 15 دقيقه
2-هاغسل دورة الميه غسله محترمه
3-مش هاغير ترموستات الكوعه تانى (بالمناسبه سواء الميكانيكى فاهم او مش فاهم مش هايعرف يغير مكانه)
4- على سبيل التغيير هاحط العربيه على الاسكانر و ترموستات الكوعه راكبه واشوف درجة الحراره اللى ظاهره كام
5-
6-
7-
8- غير الميكانيكى بتاعك

أسألكم الدعاء لوالدتى بالشفاء :)

[MHMD Alexndria]

زى ما الزميل الفاضل قال لحضرتك - من فضلك ركب ترموستات الكوعه تانى
ده رقم واحد
رقم اتنين بالراحه كده تعال نفهم الدنيا ماشيه ازاى
ترموستات الكوعه وظيفته انه يقفل دائرة التبريد بين الموتور والريداتير - طيب ليه - علشان العربيه تبقى شغاله فى احسن درجة تشغيل واللى هيه المفروض تبقى 88-90 درجه
طيب نيجى بقى لكذا نقطه
التبريد بيعتمد على ايه
أولا طرمبة الميه المسئوله عن تقليب الميه داخل دورة التبريد (يبقى اول احتمال ان طرمبة الميه تأكلت وبقى تقليبها ضعيف)
ثانيا ترموستات الكوعه مش بيقفل كويس علشان يسمح بالتقليب مع الريداتير (يبقى نغير ترموستات الكوعه - وزى ما كنا بنعمل فى اللانوس لازم الكوعه كلها تتغير لأن فى الاغلب بيبقى فيه ترسبات بتخلى اندفاع الميه ضعيف جدا وكأنه مش موجود خصوصا لو حضرتك بتستخدم مية الحنفيه مش ميه خضراء)

ثالثا وده المهم - ترموستات المراوح وده اللى بيشغل المراوح سواء على السرعه البطيئه أو السريعه (قلب الام بيقولى ان هيه ديه مشكلتك - غيره وشوف الدنيا فيها ايه)

رابعا كنترول العربيه بيهيس (افصل الكابل السالب بتاع البطاريه لمدة 15 دقيقه وركب وجرب)

لو مكانك هاعمل ايه
1- هافصل كابل البطاريه لمدة 15 دقيقه
2-هاغسل دورة الميه غسله محترمه
3-مش هاغير ترموستات الكوعه تانى (بالمناسبه سواء الميكانيكى فاهم او مش فاهم مش هايعرف يغير مكانه)
4- على سبيل التغيير هاحط العربيه على الاسكانر و ترموستات الكوعه راكبه واشوف درجة الحراره اللى ظاهره كام
5-
6-
7-
8- غير الميكانيكى بتاعك

أسألكم الدعاء لوالدتى بالشفاء :)

شكرا يا أبومروان على ردك واهتمامك وربنا يباركلك في اسرتك ويشفيلك والدتك ويبارك في صحتها اللهم امين

ازاى أتأكد ان طلمبة الميه شغالة كويس العربية ماتريكس 2006 لسا شاريها واول حاجة روحت غيرت سيور اصلي كاملة وفلتر بنزين وبوجيهات وفلتر هواء وسلوك بوجيهات وقلت للميكانيكي شيك على البلى وطلمبة المياه وقاللي تماااام والعربية صراحة فاااقت عن الأول
بس هى كان ملغي الترموستات منها وبتسخن في ربع ساعة وبتستهلك بنزين زيادة عن عربيات زمايلي لكن فشل الميكانيكي في تركيبه ولما ركبه العربية بقت بتشتغل على السرعة التانية للمراوح وكأنها مولعة من السخونية زى ما شرحت ... وشكي معاك في حساس الحرارة او ترموستات الحرارة للعداد والمراوح انه بيهيس بس برضه ازاى اتأكد لأنه بيخلي المراوح تشتغل على السرعة التانية فيبرد الميه جامد والترموستات يقفل السكة وتفضل المراوح بعد قفل الترموستات شغالة على السرعة التانية والميه جوه الموتور محبوسة حرارتها بترتفع وبتتبرد بهوا المراوح على السرعة العالية والترموستات قافل وتفضل بالوضع ده والغريب مؤشر العداد بيبقى مظبوط
وده اللي خلاه لغاها تاني وقالي مش قولتك الغيها احسن ماتجيب جوان وش سلندر
سؤالي اتأكد ازاى من طلمبة المياه تمام ولا ضعيفة
وترموستات الحرارة للمراوح هل بيبان مشكلته ب سكانر
أنا بجد مش مع إلغاء ترموستات الكوعة بس خوفت امشي بالعربية كده مبرجلة وكأنها سخنت جامد مراوح على السرعة التانية العالية بتبقى شغالة بإستمرار
شاكر جدا ليك

[MHMD Alexndria]

زى ما الزميل الفاضل قال لحضرتك - من فضلك ركب ترموستات الكوعه تانى
ده رقم واحد
رقم اتنين بالراحه كده تعال نفهم الدنيا ماشيه ازاى
ترموستات الكوعه وظيفته انه يقفل دائرة التبريد بين الموتور والريداتير - طيب ليه - علشان العربيه تبقى شغاله فى احسن درجة تشغيل واللى هيه المفروض تبقى 88-90 درجه
طيب نيجى بقى لكذا نقطه
التبريد بيعتمد على ايه
أولا طرمبة الميه المسئوله عن تقليب الميه داخل دورة التبريد (يبقى اول احتمال ان طرمبة الميه تأكلت وبقى تقليبها ضعيف)
ثانيا ترموستات الكوعه مش بيقفل كويس علشان يسمح بالتقليب مع الريداتير (يبقى نغير ترموستات الكوعه - وزى ما كنا بنعمل فى اللانوس لازم الكوعه كلها تتغير لأن فى الاغلب بيبقى فيه ترسبات بتخلى اندفاع الميه ضعيف جدا وكأنه مش موجود خصوصا لو حضرتك بتستخدم مية الحنفيه مش ميه خضراء)

ثالثا وده المهم - ترموستات المراوح وده اللى بيشغل المراوح سواء على السرعه البطيئه أو السريعه (قلب الام بيقولى ان هيه ديه مشكلتك - غيره وشوف الدنيا فيها ايه)
شاكك زيك فالحته ديه اعراض تلفه زى ما قال باشمهندس ممدوح حاسس انها عندي وهى ديه سبب المشكلة بيشغل المراوح على السرعة العالية بإستمرار ويبرد الميه جامد ويخلي الترموستات يقفل
هل الإسكان بالجهاز يجيب العطل بتاعه او تلفه (بس حاليا الترموستات مش راكبه والدنيا عادي المراوح بتشتغل على السرعة العادية الأولى هل ينفع سكان كمبيوتر بدون التموستات)

- حساس الحرارة

Nile Motors
و دة وظيفتة تحديد درجة حرارة مياه التبريد و من خللالة الكمبيوتر بيحدد اذا كانت العربية باردة ولا لا و هل محتاج يشغل مراوح التبريد ولا لا
Nile Motors
مكانة فى وش السلندر تحت البوبينة
Nile Motors
اعراض التلف: ممكن المراوح تشتغل بدون توقف او العربية تبقى مبرجلة فى السلانسية وتاكل بنزين
Nile Motors
السعر: 120 او 140 حاجة كدة
Nile Motors
6- حساس مؤشر الحرارة
اضغط هنا لمشاهدة الصورة بالحجم الطبيعي.
Nile Motors
و دة وظيفتة تشغيل موشر الحرارة بتاع التابلوة
Nile Motors
مكانة فى منافول السحب جنب رشاش نمرة 1
Nile Motors
اعراض التلف: المؤشر حيخرف
Nile Motors

رابعا كنترول العربيه بيهيس (افصل الكابل السالب بتاع البطاريه لمدة 15 دقيقه وركب وجرب)

لو مكانك هاعمل ايه
1- هافصل كابل البطاريه لمدة 15 دقيقه
2-هاغسل دورة الميه غسله محترمه
3-مش هاغير ترموستات الكوعه تانى (بالمناسبه سواء الميكانيكى فاهم او مش فاهم مش هايعرف يغير مكانه)
4- على سبيل التغيير هاحط العربيه على الاسكانر و ترموستات الكوعه راكبه واشوف درجة الحراره اللى ظاهره كام
5-
6-
7-
8- غير الميكانيكى بتاعك

أسألكم الدعاء لوالدتى بالشفاء :)

[Mecha]

هو غريب إن الثرموستات يركب على مدخل المياه للمحرك ..هو المفروض يركب في مخرج المياه من المحرك ..ده أصل الموضوع ..وفي حالتك أو على حسب كلامك لازم الثرموستات يفضل قافل ..لإن المياه اللي داخله عليه من الريداتير بارده ..فعمره ما هيفتح ..بص ..في حاجه غلط ..الثرموستات بيركب في الخرج بتاع المكنه مش في الدخل ..شوف ميكانيكي بيشتغل في الماتريكس يكون حافظ نظامها إيه يقولك الثرموستات دي بتركب إزاي ..مع إني عمري ما شفت ثرموستات بتركب في مدخل المحرك..بص الثرموستات دي عباره عن سوسته فيها شمع ..الشمع ده لما بيسخن بيسيح فالسوسته بتبقى مرنه المياه تزقها بالبلف اللي راكب فيها فتفتح ..لما الشمع ده بييرد بيتمدد وينشف فالسوسته تقفش والمياه ما تقدرش تزق السوسته وبالتالي البلف ما يفتحش وما يعديش المياه لغاية المياه ما تسخن ..تقوم مسخنه السوسته اللي جواها الشمع فالشمع يسخن ويسيح وتبقى السوسته قابله للإنضغاط من المياه ..وهكذا دواليك دواليك ..قولي بقى ..ثرموستات دي فكرة عملها ..إزاي تركب في خرج ريداتير ومدخل محرك وهي المفروض تركب في خرج محرك ودخل ريداتير؟؟؟

فيه عربيات الترموستات بيكون في خط السحب قبل الطرمبه ,زي المتسوبيشي اكسبريس ونيسان باترول

[Abo_Mazen]

فيه عربيات الترموستات بيكون في خط السحب قبل الطرمبه ,زي المتسوبيشي اكسبريس ونيسان باترول

وبتشتغل إزاي دي ؟؟؟...ما هو لازم الثرموستات يلطش في مياه سخنه عشان يفتح ..لما يبقى راكب في مدخل المحرك هيفتح إزاي ..ولا حضرتك تقصد إنه بيكون مقلوب ..يعني وشه لجوه ؟؟..

[Mecha]

وبتشتغل إزاي دي ؟؟؟...ما هو لازم الثرموستات يلطش في مياه سخنه عشان يفتح ..لما يبقى راكب في مدخل المحرك هيفتح إزاي ..ولا حضرتك تقصد إنه بيكون مقلوب ..يعني وشه لجوه ؟؟..

الطرمبه هتقلب الميه في البلوك لحد الحرارة توصل للفتح ,الترمو يدخل ميه باردة من اسفل الردتير ,معظم الترموز فيها خرم صغير bypass .العضو المتمدد بيبا تجاه الطرمبة

[Mecha]

متور من GM , والترمو في سحب طرمبة المية

[Abo_Mazen]

متور من gm , والترمو في سحب طرمبة المية

أيوه أيوه ..يعني كأنها مقلوبه