ابعد عن المصرى وغنيله

[محمد الحفناوى]

السلام عليكم .. تحيه طيبه لاعضاء المنتدى
تقرير عن السياره فيرنا بعد استخدام 10 شهور
بصراحه عربيه حرام فيها الفلو س ونصيحه من اى حد بيفكر يشريها ابعد عنها لانها سياره كلها عيوب
من عيوبه مثلا اصوات عجيبه متفهمش جايه منين من الفيبر ولا من البيبان والتابلوه يزن فرامل سيئه
ده غير صوت الكركره مع انى بستخدم بنزين 92 استهلكها داخل المدينه عالى لاكن على الطريق معقول
صوت ونه فى الفتيس على الاول ولو جبت الغيار التانى بسرع تحس بصوت حكه خفيفه ده غي الصوت اللى جاى من الغرفه مع بدايه دوسه البنزين والجديد نزلت من يومين لقيت ميه الشتاه جوه على الدواسه بصراحه حسبى الله ونعم الوكيل .. وانا مش هسكت هبعت ايميل لشركه الام فى كوريا اوريهم المواهب اللى عندنا .. وهشتكى فى حمايه المستهلك .. وبالنسبه لى اى حد بيشتكى من العربيه وبيرحلهم ويرجع من غير ميصلحها يتواصل معايه عشان هرفع قضيه على غبور بس نوصل لعدد من الاشخاص .
على فكره العربيه موديل 2014 عمله 20000 كيلو وكنت روحت مره توكيل العبور وذى مروحت رجعت

[aymanshebl]

الصناعة المصرية و العمالة المصرية من امهر العمالة على وجه الارض هههههههههههههههه

[corsair]

اللي بيشتري فيرنا يعرف انه بيدفع 84 الف في ماتور وتكييف فقط لا غير عربية زيرو امان صاجها ورق ومفيهاش فرامل وواطيه علي الارض وضيقه جدا من جوا الحمد لله ان الواحد باعها واتعلم انه لما يشتري عربية يفكر في امانه وامان اسرته قبل ما يفكر في الجري والتفحيط

[محمد الحفناوى]

اللي بيشتري فيرنا يعرف انه بيدفع 84 الف في ماتور وتكييف فقط لا غير عربية زيرو امان صاجها ورق ومفيهاش فرامل وواطيه علي الارض وضيقه جدا من جوا الحمد لله ان الواحد باعها واتعلم انه لما يشتري عربية يفكر في امانه وامان اسرته قبل ما يفكر في الجري والتفحيط

والله كان معايه سوزكى ماروتى وبعتها قبل مااجيب المصيب اللى معايه عربيه محترمه عيبها انها مفيهاش تكيف

[محمد الحفناوى]

الصناعة المصرية و العمالة المصرية من امهر العمالة على وجه الارض هههههههههههههههه

اتفق معاك تماما

[memo_p910]

غبور منزل الاكسنت ب 126500 بدون ايرباجز ولا اي بي اس
الالنترا ب 150 الف بدون اي وسيلة امان
غبور بيضحك على المصريين
السوزوكي سياز ب 123 كاملة الميزات
السيتروين والبيجو ب 130 الف كاملة الميزات
فيات بونتو ايفو ب 100 الف كاملة الميزات برده
متخلوش غبور والتجار الجهله يضحكوا عليكم بكلام فارغ

[محمد الحفناوى]

غبور منزل الاكسنت ب 126500 بدون ايرباجز ولا اي بي اس
الالنترا ب 150 الف بدون اي وسيلة امان
غبور بيضحك على المصريين
السوزوكي سياز ب 123 كاملة الميزات
السيتروين والبيجو ب 130 الف كاملة الميزات
فيات بونتو ايفو ب 100 الف كاملة الميزات برده
متخلوش غبور والتجار الجهله يضحكوا عليكم بكلام فارغ

كلامك مضبوط لازم وقفه لغبور عشان حرام اللى بيحصل ده
الماروتى احسن من الفيرنا وشوف فرق السعر 40000 الف انا عن نفسى مش هسكت عشان الناس مترميش فلوسها فى الارض زى محصل معايه ياراجل ده انا كرهت كل مركات هيوندان بسببهم حسبى الله ونعم الوكيل

[NANO IM]

طب بالنسبه لهيونداى اكسنت 2015 ايه رأيكو فيها . رجاء الرد . شكرا

[محمد الحفناوى]

طب بالنسبه لهيونداى اكسنت 2015 ايه رأيكو فيها . رجاء الرد . شكرا

لو تقفيل مصرى نصيحه متجبهاش لاكن لو تقفيل كورى او هندى توكل على الله ومتخفش الناس ديه عندها ضمير

[corsair]

طب بالنسبه لهيونداى اكسنت 2015 ايه رأيكو فيها . رجاء الرد . شكرا

التقفيل الحسنه الوحيده اللي فيها علشان تقفيل كوري لكن هنرجع لنقطة الصفر تاني لانها زيرو امان ولا ايرباج ولا فرامل

[crazy car]

التقفيل الحسنه الوحيده اللي فيها علشان تقفيل كوري لكن هنرجع لنقطة الصفر تاني لانها زيرو امان ولا ايرباج ولا فرامل

يعنى متزعلش منى من قال لا اعلم فقد افتى
انا معايا اكسنت ار بى مانيوال 2013 ونزله بايرباج للسائق
وحاليا بقى فيها سواء ايمبوليزر وايرباج بس الاي بى اس موش جميع الفئات على ما اعتقد
وفراملها مناسبة جدا ما شاء الله وده من واقع امتلاكى

[crazy car]

وبالنسبة للفيرنا كانت معايا ومكنش فيها والله العيوب دى اطلاقا وفضلت معايا من الزيرو لحد 100000كيلو مغيرتش غير الزيوت بس فبلاش التعميم
وموش معنى كلامى ان هيونداى عربيات خارقة لا عاديها وليها مميزاتها وعيوبها
بس احسن من عربيات اوربى اسم ع الفاضى وبتجيب فتيس فى اول الف كيلو تبقى حتى الفيرنا انضف منهم

[eng.m7md.ali]

كلنا معاك في موضوع الشكوي والقضية بس اعتقد ان غبور مبيصنعش الفيرنا تحت اشراف كوريا هو تقريباً سارق العلامة والتصميم

بس انا مستغرب من حاجة في ناس عارفة مشاكل العربية وبتروح تشتريها يعني بتوع الجيلي عارفين انها عربية مصدية رايحين يشتروا وبعد فترة يكتشفوا العيب علي اساس انهم متفاجئين ... بتوع الصني نفس الموضوع عارفين مشكلة الفرامل والطانبير والماستر وبردو يشتروا ويرجعوا يشتكوا بعد فترة

احنا اللي عملنا كدة في نفسنا للاسف احنا اللي حابين اللي يضحك علينا .. انا اسف لو كان كلامي جارح شوية بس انا بيصعب عليا اللي بيحط تحويشة العمر في عربية صيني او اياً كانت عربية مليانة عيوب علي امل ان عربيته هتبقي كويسة من غير عيوب ويفضل حاطط ايده علي قلبوا يدعي ان عربيته تبقي سليمة وكل ماتبقي العربية اغلي كل ماتنتشر اكتر وكل ماتبيع شوية تغلي شوية والمبيعات تكتر اكتر

[محمد الحفناوى]

كلنا معاك في موضوع الشكوي والقضية بس اعتقد ان غبور مبيصنعش الفيرنا تحت اشراف كوريا هو تقريباً سارق العلامة والتصميم

بس انا مستغرب من حاجة في ناس عارفة مشاكل العربية وبتروح تشتريها يعني بتوع الجيلي عارفين انها عربية مصدية رايحين يشتروا وبعد فترة يكتشفوا العيب علي اساس انهم متفاجئين ... بتوع الصني نفس الموضوع عارفين مشكلة الفرامل والطانبير والماستر وبردو يشتروا ويرجعوا يشتكوا بعد فترة

احنا اللي عملنا كدة في نفسنا للاسف احنا اللي حابين اللي يضحك علينا .. انا اسف لو كان كلامي جارح شوية بس انا بيصعب عليا اللي بيحط تحويشة العمر في عربية صيني او اياً كانت عربية مليانة عيوب علي امل ان عربيته هتبقي كويسة من غير عيوب ويفضل حاطط ايده علي قلبوا يدعي ان عربيته تبقي سليمة وكل ماتبقي العربية اغلي كل ماتنتشر اكتر وكل ماتبيع شوية تغلي شوية والمبيعات تكتر اكتر

كلامك مضبوط هو ده اللى بيحصل ونرجع نعيط

[bluemail]

حضرتك كل عربيه ليها مميزات وليها عيوب
وفي الاخر اللي بيحكم المميزات اكتر من العيوب وهل نستحملها ولا لأ
الفيرنا فيها عيوب بس مميزاتها اكتر وسعرها حلو جدا
فالناس بتشتري علي قد فلوسها
يعني اللي بيجيب فيرنا او جيلي اميجراند لو معاه فلوس اكتر كان هيجيب حاجه اعلى