الموضوع كبييييييييير و مقهر جدا جدا

[omardeneo]

بصراحه انا شايف انها لو اتعملت بره القاهره هتكلف أقل كتير

[shankosi]

الأخ الفاضل،

اعانك الله في مصيبتك وعوضك خير منها إن شاء الله، والحمد لله على سلامتك

أنا عارف ان الموضوع بالنسبة لك كبير ولكن العربية في الأخر حتة صاج مهما علت قيمتها وعشان كده بقولك الحمد لله على قد كده.

طبعاً أنا شايف انه في كثير من الأخوة واسوك بس يعني محدش رضى يزعلك بتقدير تكلفة عشان ميزودش زعلك بس يا أخي الفاضل فالتالي هو السيناريوهات المحتمله لحل الموضوع ده:

1) توديها التوكيل بس كن متأهب نفسيا انك تسمع رقم كبير للتصليح يعني والله اعلم ممكن تدخل في 15-18 ألف لأن الضرر طال العربية كلها حتى الناحية الشمال متعصبة من أثر التصادم والعربية حتحتاج شغل كتير (عفشة، شنطة، زجاج، سمكرة الأجزاء السليمة، شد على الزرجينة،دوكو، كهرباء، ستورجي للصالون) وممكن يدخل الشغل في أربعة أشهر على تقديري.
2) توديها لحد يكون عنده ضمير في الحرفيين وممكن يكون معروف لدى أحد الأخوة في المنتدى ويروح معاك متطوعاً ويجازيه الله خيراً عنك إن شاء الله. وقطع غيارها حتلاقيها ممكن استعمال خارج في بور سعيد لكن معرفش فين في القاهرة بس طبعا حتتعب شوية علبال متلاقيها ولازم يكون عندك سعة صدر ووقت لان الموضوع ده هيتعبك بس هيكلف أقل يعني ممكن يخلص في حدود 10-12 آلاف، وده يعني عشان ترجعها على حالتها الأولى.
3) أن السيارة تباع على حالتها لكن طبعا انت عارف ان اللي بياخد العربية بيشتريها بربع قيمتها، وتستعوض الله وهو يديلك احسن منها. بس هتشتري دماغك من وجع دماغ كتير في تصليحها لأنها حتى لو مركونة في جراج فعماله تعد فلوس فوق تكلفتها وكل يوم هتلم تراب وقيمتها تقل.

أنا عارف ان الحلول تصد النفس والأرقام تخض بس انا أسف ربنا يعينك على ما أصابك.

لو بدأت في اي من خطوات هتستريح انك بتعمل فيها حاجة وحاول تخلص جزء السمكرة قبل ما الشتا يدخل جامد هيبقى صعب شغل الصاج فيها.

وفي كل الأحوال نصيحة لوجه الله بعد ما تصلحها بيعها بس طبعا تعرف المشتري ايه اللي حصل فيها والأمر مفوض لكم.

وابقة خلينا معاك في الصورة لللإفادة العامة وكمان تفضفض معانا.

ألله يكون معاك.... والله أعلم...

[khaledSML]

حمد لله على السلامة

[human]

انا بتعامل مع ورشه فى الحرفيين و انا راجع من شغلى بعدى على الحرفيين
ووالدى عنده محل قطع غيار هناك
و الناس اللى اعرفهم ولاد حلال وعشره عمر
انا هعدى عليهم بكره عشان عربيتى القديمه بيظبطو فيها حاجات وناوى اوريهم الصور
لو مهتم ابعتلى على الخاص و اسيبلك نمرتى

و حمدالله على السلامه

[big big]

ربنا يكفيك ويكفينا الشر والبف حمدللة علي اللسلامة وربنا يعوزض عليك معلش ده قدر ربنا ولازم تشوفة المهم قول الحمد للة علي ما جاء وربنا هيعود عليك خير ان شاء الله

[Karim_Monir]

اولا حمد لله على سلامتك وربنا يجيرك في مصيبتك ويخلف عليك
شوف
اولا تكلم استاذ عاطف عبد السميع يدخل يبص بصة على الموضوع ويشوف الصور
وتكلمة مباشرة عشان تعرف الرقم التقريبي في التوكيل
ثانيا الحرفيين وانا اعرف ناس دي شغلتهم العربيات الحوادث الجامدة
ولو عايز اي مساعدة مش هاتاخر عليك وانزلك لناس زي الفل ان شاء الله
وهاقف معاك لغاية ما تخلص باذن الله
وده تليفوني
0101263030
كريم

[tarekkasaby]

لف حمدا لله على سلامتك
ربنا يخلف عليك بالخير و يعينك
ماتزعلش نفسك قدر ولطف

[amirhamed]

قدر الله ما شاء فعل و حمدا لله على سلامتك

[AhmedSarhan]

لا حول ولا قوة الا بالله العلى العظيم

ربنا يرزقك الصبر...و ان شاء الله العربية ترجع أحسن من الاول

[ramy_150]

اولا حمد لله على السلامة انا من راى انك تظبط العفشة فى الاسكندراية وتنزل بيها القاهرة وهى كدا تشوف سمكرى فى الحرفين يظبطها وتشترى باب استعمال وممكن تجيبوا اسود كمان وان شاء الله تلقيه والكهربا عندك الباشمنهدس راشد هناك كهربائى ولو حبيت تشيك على حاجة فى التوكيل بعد كدا علشان التكليف تخف عليك وان شاء الله ترجع احسن من الاول حمد لله على سلامتك

[bassam nagy]

قدر الله ما شاء فعل
التوكيل هايعملها صح بس هاياخذ مبلغ كبير وهاتتاخر فى استلامها مش اقل من شهرين
شوف سمكرى كويس فى الحرفيين

[HeMa_LanCeR]

الحمد لله الموضوع ابسط مما انت متخيل انت بنفسك هتروح الحرفيين وتشوف العربيات هناك عامله ازاي
بص هقولك علي جمله قالهالي واحد (انا معرفش هو مين) وقالهالي لما كانت عربيه من بتوع والدي اتحرقت كلها (ربنا ما يوري حد حاجه زي دي ويبعد عننا كل سوء يارب ويسترها علينا كلنا)
الراجل قاله مين اللي رزقك بالعربيه دي مش ربنا سبحانه وتعالي قاله ونعمه بالله طبعا ربنا
قالوا خلاص ربنا ادالك نصها واخد منك نصها هتقوله لأ
اللي عايز اوصلهولك ان الحمد لله انها جت في الفلوس
والله حاجه بسيطه هتصرف كام يعني مش مهم المهم انك بخير
وانا انصحك بالحرفيين وحاول تظبط العربيه وتنزل بيها بلاش حكايه الونش دي لأن اللي انت هتصرفه حق الونش هتصرفه تظبيط العفشه

[thegreatnileman]

الحمد لله رب العالمين

والله الواحد مننا ماشى بستر ربنا واللى ربنا بيحبه بيبتليه وعلى قدر البلاء ربنا إن شاء الله بيغفر وفى ناس بيعملوا حوادث والعربيات بتطلع سليمة وهما اللى بيطير منها ويخرج من الزجاج الامامى ويتشوه او يموت او يصاب اصابات خطيرة
وفى ناس ممكن لاقدر الله بتعمل حوادث وتصيب ناس تانية وتموتها وبيكون عليهم قواضى ويتمنوا لو مكنش عندهم عربيات من اساسه

الواحد يحمد ربنا على انها جات على قد كده

انا حاسس بيك جدا ربنا معنا ومعاك فى مصيبتك وانا مع راى الاستاذ Shankosi

لما قاللك

لو بدأت في اي من خطوات هتستريح انك بتعمل فيها حاجة

اهى فى كل الاحوال مش حتبقى امامك فى الرايحة والجايه

وانا ارشحلك الراى بتاع الحرفيين لو مكنتش حتكبر دماغك وتبيعها على حالتها كده على العموم شوف لو اتبات تجيب كام ووازن الامور

بس الحرفيين يمكن يخلصوها بسرعه عن التوكيل لان التوكيل بيركن العربيات

وفى الاخر مش حقولك اكتر من قدر الله وماشاء فعل

وتابع معانا علشان نطمئن عليك

[سمير يونس]

ألف حمدا لله على السلامة

أحتسب الأجر و الثواب عند الله

قدر الله و ما شاء فعل

[momenhamdy]

مش قادر اقولك ربنا يصبرك
و ان شاء الله ان شاء الله ترجع زي الاول
بجد بجد ربنا معاك