الموتور صوته عالى جدا جدا

[bassem90]

صباح الخير
عندى مشكلة غريبة حصلت ومش عارف سببها ايه
الصبح جيت ادور العربية لقيت صوتها عالى اوووى
اكنى دايس بنزين ولقيت المؤشر بتاع الحرارة بيزيد بمعدل اسرع من العادى
بصيت ع المية والزيت لقيتهم تمام مش ناقصين والدواسة بتاعه البزنين مش معلقة ولا حاجة

انا على ادى فى العربيات مش بفهم فيهم اوووي اخرى ابص ع المية والزيت

المهم لما لقتها كده ركنتها ورحت بالمترو - وسيلة المواصلات الملعونة
وامبارح كنت فى مشوار وكانت كويسة جدا


لما اروح ان شاء الله ناوى اجيب ميكانيكى يبص عليها
بس قلت اسئلكم الاول ممكن تكون حاجة بسيطه او حتى تقولولى على الاحتمالات اللى ممكن المشكلة تكون فيهم
عشان وانا جايب الميكانيكى يكون عندى خلفية ولو بسيطة

شكرا مقدما

[W.eltayeb]

السلام عليكم ورحمة الله وبركاته

حصلت معايا قبل كدا في اللانوس
وكنت مخضوض ع العربيه، صوتها كان بشع ، بس اكتشفت أن الشكمان مكسور ولحمته والحمد لله الدنيا رجعت زي الأول.
بس معدل الحرارة عندي كان عادي الطبيعي بتاعه.

إذا تقدر تروح لحد بتاع شكمان يبصلك عليه الأول يبقي تمام
وطمنا يا غالي وبالتوفيق إن شاء الله وربنا يحفظك أنت وعربيتك :)

[Mecha]

كام ال rpm لما صوت المكنه علي اوي ??

[bassem90]

كام ال rpm لما صوت المكنه علي اوي ??

مفيش عندى rpm للاسف

[bassem90]

السلام عليكم ورحمة الله وبركاته

حصلت معايا قبل كدا في اللانوس
وكنت مخضوض ع العربيه، صوتها كان بشع ، بس اكتشفت أن الشكمان مكسور ولحمته والحمد لله الدنيا رجعت زي الأول.
بس معدل الحرارة عندي كان عادي الطبيعي بتاعه.

إذا تقدر تروح لحد بتاع شكمان يبصلك عليه الأول يبقي تمام
وطمنا يا غالي وبالتوفيق إن شاء الله وربنا يحفظك أنت وعربيتك :)

هو الشكمان عندى كويس
دى حاجة فى الموتور

شكرا يا باشا وربنا يحفظك انت كمان

[Mecha]

شوف الايدل وحساس الحراره

[Abo_Mazen]

ممكن تكون البوابه علقت ..وخصوصا إنك بتقول كانت كويسه معاك بعديها ..ممكن يكون الواير بتاع بكرة البوابة مشعر وعامل خشونه بتخليه يعلق ..هي عموما شكلها حاجه بسيطه قوي

[devil_storm]

حصلت معايا و صوت الماتور كان عالي و بالكشف طلع المشكله من الشكمان

[Mecha]

راجع بردك خراطيم الفكيوم

[bassem90]

شوف الايدل وحساس الحراره

شكرا يا باشا
طلعت المشكلة فى البوابة

[bassem90]

حصلت معايا و صوت الماتور كان عالي و بالكشف طلع المشكله من الشكمان

شكرا يا باشا طلع المشكلة فى البوابة

[bassem90]

ممكن تكون البوابه علقت ..وخصوصا إنك بتقول كانت كويسه معاك بعديها ..ممكن يكون الواير بتاع بكرة البوابة مشعر وعامل خشونه بتخليه يعلق ..هي عموما شكلها حاجه بسيطه قوي

الف شكر
انت برنس
انا رحت لميكانيكى فى بتاعه صغيره كده فوق الموتور غالبا هي دى البوابه
خبط عليها خبطه صغيره الصوت راح
بعد كده راح فكها ونضفها
والصوت راح الحمدلله والموتور شغال كويس
انا معرفش يعني ايه بوابة وبكرة البوابة والواير مشعر والكلام دا
بس لما رحتله حسيت ان اللى عمله ليه علاقة باللى انت قلته :D
ودى صورة توضح المشكلة كانت فين



لو انا فاهم حاجة غلط هكون مبسوط لو وضحتلى او ادتنا شرح بسيط عن البوابة وايه لازمتها .
شكرا يا باشا

[Abo_Mazen]

الف شكر
انت برنس
انا رحت لميكانيكى فى بتاعه صغيره كده فوق الموتور غالبا هي دى البوابه
خبط عليها خبطه صغيره الصوت راح
بعد كده راح فكها ونضفها
والصوت راح الحمدلله والموتور شغال كويس
انا معرفش يعني ايه بوابة وبكرة البوابة والواير مشعر والكلام دا
بس لما رحتله حسيت ان اللى عمله ليه علاقة باللى انت قلته :d
ودى صورة توضح المشكلة كانت فين



لو انا فاهم حاجة غلط هكون مبسوط لو وضحتلى او ادتنا شرح بسيط عن البوابة وايه لازمتها .
شكرا يا باشا

بص حضرتك ..الموضوع بمنتهى البساطه ..البوابه دي هي المسئوله عن تغذية المحرك بالهواء ..زي كده الرشاشات ما مسؤوليتها تغذية المحرك بالوقود ..المهم بقى إن الهواء اللي داخل من البوابه مع الوقود اللي داخل من الرشاشات بيتخلطوا مع بعض جوه المانفولد...وبعدين بيدخلوا على غرف الحريق في توقيتات معينه من خلال الصبابات ..ده الموضوع بإختصار ..لإن قصة محرك الإحتراق الداخلي وتكوينه مش كبيره قوي ولا صغيره ..بس ممكن تقرا عنها هتستمتع كتير ..نسيت أقولك إن البوابه دي بنتحكم في فتحها وقفلها من خلال واير لافف على بكره ..ولو البوابه مفتوحه شويه زيادة ده هيؤدي إلى دخول هوا زياده وبالتالي يؤدي إلى خلل في أداء المحرك ..وبرضه نفس القصه بالنسبه للرشاشات ..لو بتضخ وقود زياده يبقى هيؤدي إلى وجود وقود زياده وده هيؤدي إلى وجود خلل في أداء المحرك