استفسار عن ثبات النيو اكسنت للأهمية

[myatooooo]

استفسار عن ثبات النيو اكسنت للأهمية.
كنت ناوى اشترى النيو اكسنت لكن اصدقائى نصحونى بالأبتعاد عن العربية دى عشان بعد سرعة 80كم بتعوم ومش ثابتة على الأرض دة غير انهم افادونى بأن السيارة عفشتها ناشفة جداً وماتورها خشن لكن سحبة كويس وانا كنت ناوى اشتريها اوتوماتيك واتردت فقلت استفسر من المنتدى عن طريق مالكى السيارة ونصيحتهم لية هتفيد اكتر وانا مش عارف هية ولا الأوبترا خصوصاً ان الفرق حوالى 12000جم بس ما باليد حيلة لأنى هاجيبها من ابو غالى ومش عاوز اتدبس فى عربية يبقى فيها مشاكل ساعدونى رجاءً فى اتخاذ القرار

[ASKAFRAWY]

انا مش من ملاكها ياباشا بس انا اجرتها من كام شهر فى شرم الشيخ
العربية مش ثابتة بعد 120 كم بس عفشتها مش ناشفة اعتقد موضوع الثبات عشان العربية وزنها خفيف!!

دى كانت بعد تجربة العربية اسبوع واحد!!اكيد لو حد معاه الغبية هيفيدك احسن منى

[myatooooo]

شكراً على سرعة الرد وارجوا ان فى حد تكون معاة العربية عشان يفدنا اكثر

[ASKAFRAWY]

شكراً على سرعة الرد وارجوا ان فى حد تكون معاة العربية عشان يفدنا اكثر

لا شكر على واجب ياباشا!

[asdasd]

هاي انا معايا نيو اكسنت 2009 اتوماتيك و عملت بيها 1000ك . انا جربت علي 120 بس مش مسافه لاني لسه بلين . بالنسبه للثبات كويس خالص معنديش مشكله في الثبات.

[Sameh]

كان فيه إشاعة خطيرة إترددت عن النيو أكسنت ، وهى إن الباور بتاعها كهربا مش هيدروليك (eps) بس نازل بعيوب صناعة أو تصميم بتخليه يفصل أحياناً والعربية ماشية ، وده تسبب فى حوادث بدول الخليج ، لأن الباور الكهرباء لما بيفصل بينعدم أى تأثير من الدركسيون على العجل غير الهيدروليك ، يا ريت تتأكد من النقطة دى وإذا كانت ظهرت لحد فى مصر نظراً لأهميتها

غير كدة أنا سوقتها فى السعودية شوية وكانت فى منتهى النعومة والرشاقة !

بالنسبة للثبات ، لو هتجيبها إبقا غير الكاوتش وهات حاجة 205 هيحللك المشكلة بشكل كبير

[Hossam.Hamdy]

كان فيه إشاعة خطيرة إترددت عن النيو أكسنت ، وهى إن الباور بتاعها كهربا مش هيدروليك (eps) بس نازل بعيوب صناعة أو تصميم بتخليه يفصل أحياناً والعربية ماشية ، وده تسبب فى حوادث بدول الخليج ، لأن الباور الكهرباء لما بيفصل بينعدم أى تأثير من الدركسيون على العجل غير الهيدروليك ، يا ريت تتأكد من النقطة دى وإذا كانت ظهرت لحد فى مصر نظراً لأهميتها

غير كدة أنا سوقتها فى السعودية شوية وكانت فى منتهى النعومة والرشاقة !

بالنسبة للثبات ، لو هتجيبها إبقا غير الكاوتش وهات حاجة 205 هيحللك المشكلة بشكل كبير

المشكله ده كانت فى اوائل الموديلات وحاليا المشكله ده مش موجوده عشان تم تغير الباور من كهرباء لباور عادى(الوضوع ده اتكتب عنه كلام كثير فى المنتدى واكثر من شخص رد عليه).....العفشه كويسه بس مش ناعمه زى الفيرنا(ده كلام من واحد عنده العربيتين كنت قابلته فى التوكيل ,قالى العفشه كويسه بس الفيرنا انعم)

[moudy88]

بص ياباشا انا معايا نيو اكسنت 2006 ونوبيرا 2003 واقدر اقولك ان مافيش مقارنه بين الاتنين طبعا لصالح النيواكسنت وهقولك على كل حاجه فيها
1-عربيتي مانيوال سحبها ناعم وتسارعها ممتاز بتجيب ال100 في 9ثواني وصوت ماتورها مازيكه في التسارع
2-سرعتها القصوى 200كم وتتمتع بفرامل قويه
3- ثباتها عالي جدا باخد المنعطف على ال80 ولا بحس بحاجه
4-عفشتها ناشفه جدا وهاتخلي اللي قاعد ورا يكره نفسه وهي اشبه بالمراجيح وهي عربيه شبابي مش عائليه
5-الكنبه اللي ورا مش في وسع النوبيرا ولكن مش بطاله
6-الباور كهرباء وماشوفتش منه اي مشاكل
7-فلتر التكييف بيحتاج تنظيف كل اسبوعين ومروحة التكييف مش قويه قوي
8-سواقتها متعه ورفاهيه والفتيس سهل النقل....واخيرا العربيه موديل 2006 والحمد لله معطليتش ولا مره.......واسف على الاطاله

[moudy88]

ونسيت اضيف ان العزل جامد فيها وتتمتع بالهدوء التام من الداخل

[Hassan Khalil]

تجربة شخصية ...
الثبات في القيادة المستقيمة ... جبت بيها 130 و مفيش اي مشاكل ..
الثبات اللي ممكن تناور من خلاله .. متزودش عن 100
الاوتوماتيك بتاعها انعم من المانيوال بكتير ( انا سقت الاتنين ).. و نسب تخفيض الار بي ام رااائعة .
التكييف بتاعها .. من احسن الحاجت اللي فيها علي الاطلاق .. كفائته عالية جدا .. يدعمه في ذلك الصغر النسبي لحجم الصالون.. من ناحية اخري ..بيأثر جامد علي سحب البنزين ..
العفشة .. ناشفة ... ممكن تكون بتلين شوية في الاول.. لكن برضه حتفضل ناشفة بالمقارنة بعربيات تانية كتير ..

[myatooooo]

يعنى هية ولا الوبترا ؟؟؟؟؟؟؟؟ عشان انا خلاص دماغى باظت