طلب تسعير اكسنت مو 2001

[the masked]

السلام عليكم
ارجو من الخبراء تسعير السيارة دي معروضي و عاوز اشوف تمنها

المواصفات

اكسنت مو 2001
1500CC
غاز مش بنزين

باور و تكييف و زجاج كهرباء امامي
هانتعامل مبدايا علي كلام الراجل برده انها رشة بره بس و فابريكة من جوة

الصور كالاتي





















العربية من شكلها مش محتاجة سمكرة كتير , شوية عضات كده بس , لكن لازم تترش لانها متبهدلة خدوش و تقشيرات

الاكصدام القدماني مش مريحني مش راكب كويس و مربوط بمسمار زي مانتوا شايفين

الزجاج الامامي مشروخ من فوق لتحت زي ما في الصورة

و اخيرا الراجل طالب فيها 39 الف و انا شايف ان ده كتير جدا

الخبراء شايفين ايه

[Ahmed emad has]

ﻷ تمام هيا سعرها كده تقريبا لو حالة الموتور جيدة وكل حاجة سليمة يبقي من 36 لد 39 ده المعقول

[Omar Sarray]

35 الف جنيهه لانك حتشتغل وحتدفع فلوس تانى وتخسر شويه هما 35 الف حلوين عليهم الله يباركلك يارب

[the masked]

35 الف جنيهه لانك حتشتغل وحتدفع فلوس تانى وتخسر شويه هما 35 الف حلوين عليهم الله يباركلك يارب

انا متشكر جدا يا جماعة طيب اعرض عليه 35 , اصل خدوا بالكم برده و احسبوها معايا انا هاضطر اعمل الاتي فيها

علي الاقل خااالص هارش حزام

هاجيب زجاج امامي

الاكصدام الي قدام لو تلاحظوا من الصورة قدام مش راكب كويس و فيه حاجة غلط و مربوط من الجنب بمسمار وانا باكره المناظر دي , فاغالبا هاغيره

قولولي كده دي هاتعمل حسبة قد ايه

وهاروشها شوية صغيرين يعني , هاجيب دواسات , الماكيت اللي تحت السواق مهري هاحاول اغيره و هكذا بس دي مش في الحسبة

[the masked]

هاااااه يا جدعان ايه النظام

[crazy car]

هيا العربية دى ترخيص ايه اصل الحروف زى عندنا فى بورسعيد بالظبط لكن معندناش 3 ارقام ؟؟؟

[the masked]

هيا العربية دى ترخيص ايه اصل الحروف زى عندنا فى بورسعيد بالظبط لكن معندناش 3 ارقام ؟؟؟

والله ماسالتش بس انا غيرت رايي علشان خوفوني من الغاز