مشكلتى الغريبة مع تكيف الفيرنا .. ارجو الحل

[ahmed9003]

السلام عليم ورحمة الله وبركاته

معايا عربية فيرنا لما بشغل التكيف جوا البلد على الاول او التانى بتبقى العربية زى الفل ومافيش مشكلة

انما لما بطلع على الطريق السريع وابتدى اعدى المية او المية عشرة الاقى عداد الحرارة يبدأ يعلى والاقيه رايح ناحية الــ h

اهدى السرعة واجيب تسعين يبتدى عداد الحرارة ينزل وساعات عشان ينزل بسرعة وعشان خايف ان يحصل حاجة وانا على الطريق بروح قافل التكيف

حاجة تانية بتحصل معايا اول لما بشغل التكيف بيفضل يطلع هوا مروحة من خمس لعشر دقايق وبعدين يبتدى يسقع وبالامانة ساعات ببرد من السقعوية بتاعته

مع العلم انى رحت كشفت على التكيف وشحنته وبرده بيعمل كل ده

فارجوكم تفيدونى

العربية فيرنا كورى موديل 2005 مانيوال فول اوبشن

عامله 148000 كيلومتر


اشكركم وجزاكم الله كل خير

[Abo_Mazen]

سربنتينة تكييف ..سربنتينة ريداتير ..شوف كلاهما أو أيهما

[ahmed9003]

شكرا على رد حضرتك

بس الاتنين نضاف وزى الفل ولو فيهم مشكلة يبقى العربية تسخن منى فى كل الاحوال مش على الطرق السريعة بس

[borio1704]

أنا شايف المشملة هي ضعف التبريد

راجع نظافة الرادياتير الداخلية والخارجية. . بمعنى إن الرادياتير من بره يكون نضيف ومفيش أتربة بين الريش بتاعته.. ونفس الكلام لسربنتينة التكييف.
واتأكد إن الريش سليمة ومفيش حاجة منهم مكسورة أو معووجة.. ﻹن الحاجات دي بتفرق بشدة في قوة التبريد.

مهم جدا إن الكاوتش العازل في الكبوت ( اللي بيبقى عمد الفوانيس وفوق الرادياتير ) يكون سليم وفي مكانه.. كمان المسافة بين سربنتينة التكييف والرادياتير لازم تبقى مقفولة كويس علشان تيار الهوا ما يتسربش لمنطقة تانية.

بالنسبة لنظافة الرادياتير الداخلية.. اتأكد إن مفيش سدد أو صدا جوا الرادياتير. . ويفضل تعمله غسيل عند واحد نضيف بتاع رادياتيرات..

اتأكد كمان إن غطاء الرادياتير سليم ومفيش أي تسريب من جوان أو غيره...

وإذا كنت بتستخدم مية الحنفية في التبريد.. فرجاء رجاء تغيرها بسائل تبريد ( ميه خضراء أو زرقا أو حمرا ).. بس بعد ما تتأكد إن مفيش عندك أي تسريبات في دايرة التبريد.


...

[Abo_Mazen]

شكرا على رد حضرتك

بس الاتنين نضاف وزى الفل ولو فيهم مشكلة يبقى العربية تسخن منى فى كل الاحوال مش على الطرق السريعة بس

أنا مخدش بالي من موضوع الطرق السريعه بس ..ما دام بقى دخل فيها طرق سريعة بس ..يبقى ندخل في الحسبه ثرموستات الكوع كمان

[borio1704]

أنا مخدش بالي من موضوع الطرق السريعه بس ..ما دام بقى دخل فيها طرق سريعة بس ..يبقى ندخل في الحسبه ثرموستات الكوع كمان

لو فيه مشكلة في ثرموستات الكوعة .. يبقى احتمال يكون شبه قافل... بس مش بشكل كامل... ولو إني باستبعد بصراحة إن ثرموستات الكوعة يكون هو السبب.

[Omar Sarray]

روح أقرب سمكرى تعرفه أو روح للتوكيل

[د.محمود صلاح]

مشكلة سخونة الفيرنا دي حيرتني بصراحة ، سيارتي وسيارة اخي الفيرنا الاتنين بيسخنو احيانا مع المشوار الطويل في الطرق السريعة وتوصل الحرارة للاحمر h واضطر لتهدئة السرعة مثلا من 110 ل 80 عشان تبرد ،، انما داخل البلد ما عملتهاش ابدا

[ahmed9003]

مشكلة سخونة الفيرنا دي حيرتني بصراحة ، سيارتي وسيارة اخي الفيرنا الاتنين بيسخنو احيانا مع المشوار الطويل في الطرق السريعة وتوصل الحرارة للاحمر h واضطر لتهدئة السرعة مثلا من 110 ل 80 عشان تبرد ،، انما داخل البلد ما عملتهاش ابدا

ماهى ديه نفس مشكلتى ومش لاقيلها حل

[ahmed9003]

روح أقرب سمكرى تعرفه أو روح للتوكيل

طب اشمعنا السمكرى .. واقوله ايه ؟

[ahmed9003]

أنا شايف المشملة هي ضعف التبريد

راجع نظافة الرادياتير الداخلية والخارجية. . بمعنى إن الرادياتير من بره يكون نضيف ومفيش أتربة بين الريش بتاعته.. ونفس الكلام لسربنتينة التكييف.
واتأكد إن الريش سليمة ومفيش حاجة منهم مكسورة أو معووجة.. ﻹن الحاجات دي بتفرق بشدة في قوة التبريد.

مهم جدا إن الكاوتش العازل في الكبوت ( اللي بيبقى عمد الفوانيس وفوق الرادياتير ) يكون سليم وفي مكانه.. كمان المسافة بين سربنتينة التكييف والرادياتير لازم تبقى مقفولة كويس علشان تيار الهوا ما يتسربش لمنطقة تانية.

بالنسبة لنظافة الرادياتير الداخلية.. اتأكد إن مفيش سدد أو صدا جوا الرادياتير. . ويفضل تعمله غسيل عند واحد نضيف بتاع رادياتيرات..

اتأكد كمان إن غطاء الرادياتير سليم ومفيش أي تسريب من جوان أو غيره...

وإذا كنت بتستخدم مية الحنفية في التبريد.. فرجاء رجاء تغيرها بسائل تبريد ( ميه خضراء أو زرقا أو حمرا ).. بس بعد ما تتأكد إن مفيش عندك أي تسريبات في دايرة التبريد.


...

متشكر جدا على اهتمام حضرتك

وانا معنديش مشكلة ان اعمل كل ده ..بس سؤالى لو فيه حاجة من دول هى اللى مسئولة عن السخونية كانت العربية تسخن منى جوا البلد وعلى الطريق السريع لكن ده مش بيحصل

وهى ديه المشكلة

[ahmed9003]

ياجماعة فيه موضوع مشابه لموضوعى فى اللينك ده

http://www.nilemotors.net/Nile/433695-a-2.html

حد يقدر يفسرلى يعنى ايه ارضى التابلوه اللى عن طريقها المشكلة اتحلت ولو حد عنده اي معلومة عن مركزحورس اللى فى الزمالك يقولنا الله يكرمه

[alpoka779]

ان شاء الله الموضوع سهل جدا روح لبتاع ردياتير وقوله عاوز اعمل نظافه لدوره الميه ولو وجد الردياتير به سدد هيسلكه ومتقلقش بسيطه جدا --- وانا متاكد لانها بتسخن مع السرعه وانا مجرب بعد لف ودوران

[borio1704]

متشكر جدا على اهتمام حضرتك

وانا معنديش مشكلة ان اعمل كل ده ..بس سؤالى لو فيه حاجة من دول هى اللى مسئولة عن السخونية كانت العربية تسخن منى جوا البلد وعلى الطريق السريع لكن ده مش بيحصل

وهى ديه المشكلة

لا يا فندم... العربية جوه البلد وبالذات في الزحمة ما بيبقاش الموتور داير لمدة طويلة بدوران عالي

إنما على الطرق السريعة الموتور داير باستمرار على سرعة لا تقل عن 2000rpm باستمرار

الدوران العالي معناه حرق مستمر.. والاحتراق بيولد حرارة .. ومع استمرار توليد الحرارة بتبقى مسؤولية التبريد أكبر

اعمل اللي بقوللك عليه ده.. دي شوية نظافة وصيانة كان المفروض تتعمل بصورة سنوية.


...

[lost2008]

حصلت معايه من سنه و كتبت حليتها ازاى بس تقريبا محدش بيحب يجرب الحلول السهله , اتاكد قبل متخش فى تغيير قطع غيار ان الدوره مش واخده هوا, حتفتح غطاء الردياتير و العربيه بارده تماما و تدور و تسيبها دايره لحد ما مروحة التبريد تشتغل و تطفى من مرتين ل 3 مرات , تطفى العربيه و تحط الغطا تانى و تسيبها تبرد , و بعد كده تراجع مستوى المياه فى الردتاتير و القريبه حل مكلفنيش جنيه و حليت بيه المشكله رغم ان الكل كان بيقولى غير ردياتير