محتار فى نوع الزيت

[ابوشوقى]

الساده الأفاضل
تحياتى لكم جميعا
انا معاى فيرنا 2007 1500 cc
عامله 170 الف كيلو
مع كل غيارة زيت بغير نوع الزيت لما حالتى النفسيه صعبه
مش قادر احدد النوع المناسب لسيارتى -كل لما واحد من الناس يقولى على نوع
اغيره فى غيارة الزيت
انا محتاج منكم ومن خبرتكم المساعده
فى نوع زيت استخدمه فى العربيه على طول
مع العلم بانى مش بامشى بالعربيه كتير يعنى فى الشهر حوالى 400-500 كيلو
ولكم جزيل الشكر

[ابو ياسمين]

الساده الأفاضل
تحياتى لكم جميعا
انا معاى فيرنا 2007 1500 cc
عامله 170 الف كيلو
مع كل غيارة زيت بغير نوع الزيت لما حالتى النفسيه صعبه
مش قادر احدد النوع المناسب لسيارتى -كل لما واحد من الناس يقولى على نوع
اغيره فى غيارة الزيت
انا محتاج منكم ومن خبرتكم المساعده
فى نوع زيت استخدمه فى العربيه على طول
مع العلم بانى مش بامشى بالعربيه كتير يعنى فى الشهر حوالى 400-500 كيلو
ولكم جزيل الشكر

بعد تجربة لا شك ان زيت كاسترول 15000 كم العلبة الذهبى من افضل الزيوت فى مصر

وعمل فارق هائل فى سيارتى

[ابوشوقى]

متابع معكم باهتمام

[borio1704]

أولا... اختيار الزيت لا يكون إطلاقا بناء على تجارب الآخرين.. وخصوصا اللي سياراتهم مختلفة عن سيارتك.. وحتى المختلفة في الموتور..

اامرجع الأساسي لحضرتك هو كتالوج العربية.. وفيه صفحة مخصوصة لمواصفات الزيت المناسب لموتور عربيتك تحديدا..

لا يوجد زيت في الدنيا مناسب لكل السيارات... إنما يوجد موتور مصمم بطريقة تتطلب معها زيت بمواصفات تتناسب مع تصميمه.

وأحسن واحد يعرف الزيت المناسب للموتور هو صانع الموتور نفسه.. واللي هيكون كاتب لحضرتك مواصفات الزيت المناسب في الكتالوج. .

لا ترتبط إطلاقا بأي اسم تجاري... وفعليا.. مفيش فروق محسوسة بين ماركات الزيوت لما تيجي تقارن زيوتهم اامتشابهة في المواصفات.


كل اللي مطلوب من حضرتك إنك تفنح الكتالوج على صفحة الزيت.. وتحاول تفهم إيه المطلوب... وبعدين تنزل أقرب بنزينة وتدور عندها على زيت بالمواصفات المناسبة...

بعد ما تشتري الزيت المناسب لعربيتك.. نصيحة مني.. اثبت عليه وما تغيروش.. ﻷن التغيير المستمر له بعض الأضرار.


لو حضرتك عايز تعرف إزاي تختار الزيت المناسب... أنصحك تقرا الموضوع ده

http://www.nilemotors.net/Nile/341680-a.html

ولو لسه محتار... يا ريت ترفع لنا صورة صفحة الزيت من الكتالوج علشان نساعدك.


...

[ابو ياسمين]

الأخ العزيز borio1704

جازاكم الله بكل الخير على ما تفيد به اعضاء المنتدى فى استشاراتك القيمة

ولكن لى سؤال بعد ان اوضح ان كتالوج سيارتى كما تفعل كل الماركات يوصى بدرجة محددة للزيت ( مواصفات ) وهى توجد فى العديد من ماركات الزيت

ولكن مصنع السيارة يصر على اسم تجارى معين !

وكنت اشكو ومعى العديد من زملائنا الذين اشتروا نفس السيارة من ارتفاع صوت المحرك وكانت هناك عشرات التفسيرات

والكثير من المحاولات فى مركز الصيانة

ولكن بعد ان قمنا بتغير ماركة الزيت التى يصر عليها التوكيل بزيوت مستوردة ولها نفس المواصفات الموجودة بالكتالوج

حدث فرق هائل فى صوت المحرك ونعومته ولم يحدث هذا معى فقط بل مع جميع الأصدقاء الذين اشتروا السيارة معى منذ 5 سنوات

ومنذ ذلك الوقت ونحن مواظبون على استخدام الزيوت المستوردة

والسؤال هو : اليست جودة التصنيع عامل هام يضاف للمواصفات المحددة بكتالوج السيارة ؟

واخيرا ياأخى العزيز فأنا مقتنع تماما بكل ما تقوله فى مشاركتك الجميلة والمفيدة وأحيك على استعدادك لمساعدة زميلنا

ومقتنع ايضا بانه عندما تكون هناك عدة ماركات من الزيت لها نفس المواصفات التى يوصى بها الكتالوج

فأن التجربة هى وحدها التى ستدلنا على ماركة الزيت الجيدة التصنيع

ولك كل الشكر والتقدير

[lolita]

visco 3000 معايا روعة موديل 2008 عامل 160000 كم

[ابوشوقى]

الأخ العزيز borio1704
تحياتى لك
والف الف شكر على المعلومات التى اثلجت صدرى
ولكن
لا يوجد معى كتالوج الفيرنا لأننى اشتريتها مستعمله
واننى بحثت جيدا على كتالوج الفيرنا بالعربى ولم اجده
ولكم جزيل الشكر

[msobhy]

نصيحه لوجه الله - ابعد تماما عن الكاسترول حتى لو ببلاش
الكاسترول من اجود الزيوت العالميه لكن مصيبته انه بيتغش فى البنزينات وده بعلم ادارة كاسترول ومش عارفين يعملوا حاجه
يعنى تقريبا كل الكاسترول اللى فى مصر مضروووووووووب
كان ليه تجربه زى الزفت مع محطة طاقه اللى فى المريوطيه
بلاش كاسترول خااااااااااااااااااااااااالص