تجربتي مع قطمة دريكسيون هيونداي إلنترا 2010

[HamadaMOMO]

ياجماعه عيب الجلبه ( الطقه) علشان تعرف انها الجلبه ولا حاجه ثانيه
السياره تكون في حاله توقف تام
لف الدركسيون يمين او شمال وبأكد العربيه تكون واقفه تماما
لو سمعت طقه يبقي دي جلبه القطمه
لما الطقه بيزيد صوتها بتبان في المطبات
غير كدا مش جلبه

[HamadaMOMO]

من ٩/١٥ الي ٩/٢٠ موعد وصولها

من هيونداي كويا مش موبيز

[hemida007]

السلام عليكم ورحمة الله وبركاته
جزيل شكري ووافر تقديري لصاحب هذا الموضوع القيم
المشكلة دي متوفرة في الانترا ولا اعلم السبب انا معايا 2012 الحمد لله مشتكيتش من أي حاجه كبيرة فيها لحد ما لقيت نفس الطقة دي من شهر وانا عايش ف الامارات عملت بحث في كل مكان ملقيتش كم المعلومات اللي لاقيتها هنا في نايل موتورز من اعضاء محترمين أمثال حضراتكم جبت رقم القطعة الدولي 56315 2k000fff واسمها flexible coupling بتركب لكيا وهيونداي من موديل ممكن 2008 لحد الان ودي اشتريتها من التوكيل وكانت متاحه الحمد لله ب 5.5 درهم = 12 ج مصري !!
لما فتحت ملف في التوكيل هنا وقلت له انا عارف المشكله فين وعايز أغير الجلبة دي قالي ده مش ممكن هنا طبعا لان معندهمش الوقت ولا المهارة الكافية لفتح كل اجزاء عمود الدريكسيون وغير كده عايزين يكسبوا اكتر قالولي 5000 درهم تغيير العمود بالكامل وهتاخد شغل 6-7 ساعات وبعد التخفيض 4400 = 9000 ج وشوية
طبعا طلعت برا وروحت لميكانيكي مصري هنا في أبو ظبي وللامانه مكانش محترف زي اللي في مصر ولا بنفس مستوي الفهم والسلاسة ولكن أنا شرحت له المشكلة كمحترف
ودخلت عليه بصدر جامد واقتنع بكلامي بصعوبه وقالي بقي معقول الجلدة دي ؟ تعمل المشكلة الكبيرة دي ؟ وب 5.5 بس ؟
قلت له ايوه بس انت تعرف تغيرها , رحنا لولد كهربائي في محل جنبه كان بنغالي بس شغله ماشاء الله عليه عنده صبي برضه زي بسكوته كده بس علي بنغالي ممتاز قال فك الدريسكسيون لازم نفك التابلوه كامل وفعلا فك التابلوه كله واحدة واحدة وشفت التكنولوجيا اللي جوا الالنترا وبصراحه كنت سعيد بيها وكل حاجه كليبس معادش فيه اي سلوك تتوصل باي سلوك وده صراحه امان واحترام
فكينا ورجعنا بالعمود لوحده لاخينا المصري اللي فضل يدور ع الجلبه مكانها فين ساعه وانا بصراحة مرضيتش أقوله لاني حبيت اعرفه انه مش بالكفائه اللي كنت متخيلها المهم ساعدته وقلت له افتح القطمة وطلعت القديمة متاكله ع الاخر الحمد لله وركبنا الجديدة
الميكانيكي 200 درهم = 450 ج
الكهربائي 400 درهم = 900 ج
طبعا احسن من التوكيل 100 مره الحمد لله
ولولا البوست ده مكنتش عملت اي حاجه فالفضل لله ثم لكم جميعا ولكاتب البوست المحترم
دلوقت الطقة راحت تماما ولكن الباور تقيل اللي عنده يا شباب المشكله دي يقولي عمل فيها ايه والحمد لله معنديش ولا لمبه منوره بس فيه حدفة خفيفة شمال مع ملحوظة تقل الباور
افيدونا هل محتاجين ظبط زوايا واتزان ولا ايه ؟
وشكرا جزيلا

[mohamed swaify]

بارك الله فيك بس انا كمان عندى كهربائي بيعمل نفس الموضوع والجلبة موجودة عندة فى اسكندرية لو حد عندة خبطة فى الدريكسيون ومن اسكندرية
يكلمنى هساعدة
01020905050

[mohamed swaify]

يا جماعة لو حد من اسكندرية وعندة خبطة فى الدريكسيون فى سيارة كيا او هيونداى العيب مش فى القطمة ولا الاسكترا ولا الصليبة العيب فى جلبة جوة موتور الباور لو حد بيعاتى من المشكلة دى ومن اسكندرية يكلمنى وهساعدة الجلبة موجودة عند كهربائي فى ميامى
01020905050

[Amgad Alaa]

متابع

[ozy2026]

ياباشا ان جبت الجلبه من كوريا ليا ول ٢٠ صديق في جروب في الفيس
وانا عمري ما انكر فضل موقع نايل موتورز في تزويدي بالمعلومات وكمان الكبير بتعنا الاستاذ كريم منير فلو بجد في عدد حيحتاج ممكن اجيب ٢٠ قطعه تاني لنايل موتورز بس انا حجيبهم وحد يستلمهم وهو يوزع علشان انا في ناس بعد مابتيجي الجلب بيقولولي والله افتكرنا نفسنا حجزين او بيحرجوني وبيجولي وهو فاكك القطمه اهي فانا في الخدمه
الجلبه من كوريا بالسريال نمبر بكيسها بسعر ١٢٥ جنيه ووصولها مصر من ساعه الاوردر ٦٠ يوم
علي فكره انا مش تاجر

طب انا عاوز جلبة من كوريا اعمل اي؟

نجمع عدد ونجيبها

الموضوع اسهل من كده يا جماعه
انا جايب القطعه دى من برا من توكيل هيونداى ب 50 جنيه ومعايا اتنبن زياده
انا مش تاجر والله ياجماعه انا قصدى خير
وانا كنت جايب الاتنين الزياده دول لما لاقيت تمنها رخيص
وعلى فكره اللى عاوزنى اوريهاله علشان يتاكد من غير ما يشتريها انا معنديش مشكله

[KiaSoul]

تجربتي

حكايتي مع الموضوع ده،
من أسبوعين قبل ما أطلع بالعربية الصبح وأنا بلف الدريكسيون سمعت "تكة" يمين و "تكة" شمال وانا بحركه، اجيبه يمين شمال اسمع تكة او طقطقة، ولما مشيت على طريق فيه زلط أحس برجرجة...
العربية كيا سول 2010

رحت للميكانيكي فتح الكبوت وبص على الدريكسيون ونزل تحت وطلع فوق، قالي دي قطمة دريكسيون، الجديدة معدية العشر آلاف لكن ممكن تجيب استيراد بحوالي 2000 جنيه من الحرفيين
قولت بس، العربية فتحت بقها...

قريت الموضوع ده، ورحت طالع على الأسطى عماد، أول مرة أنزل حدائق القبة، مشيت ورا الوصف لحد ما لقيت الورشة، قصاد مول السوق الكبير زي ماهو مكتوب،
جيه بص ع العربية، سمع الصوت، قالي دي قطمة، حتتكلف 400 جنيه وتخلص في ساعة،
مش بحب أفاصل قولت تمام اتوكل على الله

تك تك تك، فك الدريكسيون
تك تك تكن، فكك الدريكسيون
طلع حاجة من جوه كانت متاكلة، وغيرها
تك تك تك، ركب الدريكسيون

جربت، لقيت الصوت راح تماما،
قولتله تمام، قالي تمام بس اكشف كمبيوتر وظبط زوايا
العربية مفهاش abs فقط esp
قولتله شكرا وحاسبت وسلام عليكم

الكلام ده بقاله أسبوع والعربية ما شاء الله زي الفل

شكراً بجد لصاحب الموضوع وربنا يباركله ويبارك للأسطى عماد

[roland_yamaha]

سبب الطقة دي فعلا جلبة قطمة الدركسيون وموجوده في عربيات
النترا 2007 - 2011
النترا 2012 - 2015
كيا سول
هيونداي i30
اكسنت ار بي

[رحال]

السلام عليكم ورحمة الله وبركاته
انا اخوكم احمد من السعودية
بعد البحث في هذا الموضوع وجدت الكثيرين يشتكون منه فالسعودية
وقيمة القطمة عندنا ب 10 الف ريال سعودي

احد الشباب اعطاني رابط الموضوع هذا الله يجزاه خير
حاليا على ايديكم اكتشفتو الحل
سؤالي للاخوان الي اشترو الجلبة طلبية من الخارج
اتمنى تعطوني رابط الجلبة مباشرة لاني ارغب في شرائها

وشكرا لكم

[رحال]

ياباشا ان جبت الجلبه من كوريا ليا ول ٢٠ صديق في جروب في الفيس
وانا عمري ما انكر فضل موقع نايل موتورز في تزويدي بالمعلومات وكمان الكبير بتعنا الاستاذ كريم منير فلو بجد في عدد حيحتاج ممكن اجيب ٢٠ قطعه تاني لنايل موتورز بس انا حجيبهم وحد يستلمهم وهو يوزع علشان انا في ناس بعد مابتيجي الجلب بيقولولي والله افتكرنا نفسنا حجزين او بيحرجوني وبيجولي وهو فاكك القطمه اهي فانا في الخدمه
الجلبه من كوريا بالسريال نمبر بكيسها بسعر ١٢٥ جنيه ووصولها مصر من ساعه الاوردر ٦٠ يوم
علي فكره انا مش تاجر

ممكن تعطيني موقع او رابط الجلبة الي شريت منه الجلبة
سيارتي 2015 النترا ماشية 81 الف كيلو
وعندي نفس المشكلة

[mahmoud_afifi]

من فضلكم توصفولي المكان بالظبط عشان مابعرفش قوي الاماكن في القاهره
يعني لو حد يعرف يحطها على جوجل ماب يبقى كتر الف خيره

[HamadaMOMO]

ممكن تعطيني موقع او رابط الجلبة الي شريت منه الجلبة
سيارتي 2015 النترا ماشية 81 الف كيلو
وعندي نفس المشكلة

موديل ٢٠١٥ تم حل المشكله بها وتغير كامل في القطمه
حضرتك من فين وساكن فين

[ashraflotfy60]

تاكيدا علي هذا الكلام انا فعلا حصل معايه نفس المشكله طقه الدركسيون دي كل ال شفها قال قطمه دركسيون وسعرها في التوكيل السعر الخرافي ده فعلا لما سالت والموضوع ابسط من كده بكتير والسبب في ان في جلبه في جوه قطمه الدركسيون بتتاكل وده العيب ال في العربيه لما بتتاكل بيحصل الصوت ده بس قبل اي حاجه لازم تتاكد ان الصوت في الدكسيون نفسوا وده هتعرفوا وتحس بيه في ايدك او لو خت مطاب هتحس بيها في ايدك التاكد بس ان الاسكاتره والصليبه مفهاش حاجه لو عيب القطمه يبقا فعلا عليك وعلي الاسطي عماد في شارع ديودار شغال فبيها والناس الشغاله عندوا فهمين بيركبوا ويفكوا ازاي وحفظيها بصراحه مسمار مسمار انا دخلت اقول الكلام ده فعلا لان الراجل يستاهل ودي صوره عربيتي وهي بتتعمل

[ashraflotfy60]

تاكيدا علي هذا الكلام انا فعلا حصل معايه نفس المشكله طقه الدركسيون دي كل ال شفها قال قطمه دركسيون وسعرها في التوكيل السعر الخرافي ده فعلا لما سالت والموضوع ابسط من كده بكتير والسبب في ان في جلبه في جوه قطمه الدركسيون بتتاكل وده العيب ال في العربيه لما بتتاكل بيحصل الصوت ده بس قبل اي حاجه لازم تتاكد ان الصوت في الدكسيون نفسوا وده هتعرفوا وتحس بيه في ايدك او لو خت مطاب هتحس بيها في ايدك التاكد بس ان الاسكاتره والصليبه مفهاش حاجه لو عيب القطمه يبقا فعلا عليك وعلي الاسطي عماد في شارع ديودار شغال فبيها والناس الشغاله عندوا حماده او نادر فهمين بيركبوا ويفكوا ازاي وحفظيها بصراحه مسمار مسمار انا دخلت اقول الكلام ده فعلا لان الراجل يستاهل ودي صوره عربيتي وهي بتتعم