تجربة مع تغيير اطارات الفيرنا ... بريدجستون b250

[7awadeet]

بسم الله الرحمن الرحيم

الموضوع بدا انى كان لازم اغير كاوتش العربية لانه كان بدا يسبب مشكلة ورعشة فى الدريكسيون وكنت شارح دة بالتفصيل فى الموضوع دة http://www.nilemotors.net/Nile/465634-a.html

وللاسف اتاخر الرد عليه شوية فنزلت اشترى بعد ما عرفت الرموز كويس وذاكرتها وبعد ما سالت المحلات القريبة منى استقريت على الكومهو الكورى او البريدجستون التايلاندى واستبعدت كل الاسماء الغريبة وبعد ما كنت خلاص هشترى الكومهو الكورى لانه كان ارخص وسمعت انه كويس اكتشفت انه انتاج الاسبوع التالت من 2014 مع ان التاجر كان قايلى انه انتاج حديث اخر 2014 فحسيب انه بيضحك علية فصرفت نظر وكان عامل 370 جنيه والسرعة T
رجعت لاول واحد سالت عنده وكان مرشحلى البريدجستون التايلاندى B250 وسرعتها H وكانت عاملة ( بعد الفصال ) 390 بالتركيب والترصيص والنيتروجين وكله ... وكانت انتاج الاسبوع 41 لعام 2014 وتم التركيب ... ومشيت بالعربية ...

والحمد لله فرق رهيب جدا فى نعومة العربية والهدوء والرعشة طبعا اختفت تماما ... والدريكسيون بقيت بحركة بصابع واحد ... رغم انى بعد ما ركبتها بحثت عن الموديل دة لقيت ناس كتير محذرة منه معرفش ليه ... فانا حبيت اصلح الصورة دى لان مفيش حد هيدور على الاطار دة الا وهيخاف منه جدااا ... انا عارف ان ممكن يكون فى حاجة احسن بس دة عن تحربة ممتاز فعلا ...

واسف على الاطالة ... واى سؤال انا فى الخدمة ...

[fadymedhat]

البريدجستون افضل من الكومهو و ال h سرعات عالية...

[7awadeet]

فعلا ناس كتير قالت كدة ... تصدق ان المحل الاولانى اللى كنت هشترى منه الكومهو اعد يحلف بالله العظيم ان التى اعلى من الاتش ... لولا انى مذاكر الرموز كنت صدقته ...

[bozy2015]

مبروك ياباشا وربنا يديك خيرها دايما ويكفيك شرها

[egyptiandiver]

الف مبروك...

[Hamada hozein]

الف مبروك يا معلم

[7awadeet]

الله يبارك فيكو ... واى استفسار انا فى الخدمة .