ix35 وﻻ توسان! !!!!!!!

[nabilhussein]

مساء الخيرات على احلى منتدى واجمل ناس ... عايز اخد رأيكم كنت بفكر أجيب ix 35 2016 ولقيتها فى غبور 255.500 هاى ﻻين. .. وبعدين باقلب فى اليوتيوب لقيت تقريباً هاتنزل باسم توسان وهايغيروا الشكل ... الكلام ده مظبوط وﻻ ايه. . يعنى الواحد يستنى. . اللى عنده إجابة يفدنى ﻻنى مش عارف اعمل ايه ... ربنا يباركلكم جميعا

[Hosam_Optrawy]

ايوه فعلا هاتنزل في خلال ال 6 شهور الجايين

وهايرجع اسمها توسان تانى بدل ix

[adel1212]

التوسان هو الاسم الاقدم للـ ix35
يعني
توسان = ix35
زي
افانتي = الالنترا
و غالبا ان الـ ix35 الشكل الجديد حتكون فى مصر موديل 2017 يعني بعد سنة تقريبا
تحياتي

[nabilhussein]

شكرا على اﻻفادة. .. وأعتقد انها 2017 علشان بدأوا يبيعوا نفس الشكل 2016 ... شكرا لحضرتكم على الإفادة

[ENG.MaRk]

الTuscon هي الIX 35 بس برة و الحكاية ديه موجودة من زمان في أماكن كتير يعني مثلاً السيراتو اسمها Forte و الكارينز اسمها Rondo و بتنزل V6 و كانت مع مراتي في إنجلترا و الالنترا اسمها avante و حاجات تاني كتير بس أنا مش فاكرها دلوقتي ... لو حضرتك مستعجل و عايز عربية ضروري يبقي اشتري حاجة لما تيجي تبيعها في 2017 علشان تشتري الtuscon ماتخسرش كتير ولتكن كورولا مثلا أو اشتري القاشقاي و خلاص لأنها عربية تحفة و شكلها لسة جديد و 1200 تربو و أعلي عزم في فئتها و عايز أقولك إنها سبقت شارك و ماعرفتش تجيبها علي طريق السخنة قدام عيني و لو قلقان من موضوع البنزين اطمن بتمون 92 عادي و أنا كان معايا قاشقاي 2012 و فلوانس قبل ما أجيب ال508 و أشهداك إنها كانت عربية محببة لقلبي بشكلها القديم مابالك بقي شكلها الجديد الحلو مع التابلوه الشيك ... احسبها بنفسك و يا سيدي لما تزهق منها ابقي بيعها و هات الtuscon و علي فكرة العربية مكونات ياباني تجميع إنجليزي و مش عايز أقولك يعني ايه تجميع إنجليزي لأنك هتكتشف بنفسك و علي فكرة أنا كنت بأشتغل في مصنع نيسان في Sunderland :) بس ماتقولش لحد

[Hosam_Optrawy]

بخصوص الإسم

التوسان في الجيل الأول 2005 كانت بتنزل باسم توسان بس في الدنيا كلها

ولما نزل الجيل التانى 2011 هيونداى قررت تخلى اسمها ix35 في أوروبا عشان تمشى مع باقى عيلة ال i في أوروبا i20 i30 i40 وغيرهم ، وعشان اللى بتجيلنا متقفله في مصنع التشيك فمكتوب عليها ix ، لكن فضلت بإسام توسان في كوريا وامريكا وباقى الدول

في الجيل التالت 2016 هيونداى قررت ترجع تانى لإسم توسان في كل الدول حتى في أوروبا ، معرفش ايه الحكمه في كدا بصراحه :)

[nabilhussein]

مهندس مارك ... مساء الخير .. مع كامل احترامى لراى حضرتك لكن انا مش حاسس انى هارتاح مع النسيان .. انا لسة جاى من عند أباظة واتفرجت على ال 508 بصراحة تحفة ... ربنا يباركلك فيها .. لكن أخبار إعادة البيع ايه ؟

[nabilhussein]

حسام بك ... بصراحة الشكل الجديد للتوسان يستحق اﻻنتظار. .. لكن مش عارف ممكن يبقى فرق السعر كام عن ال ix ... مع كامل تقديرى لردك ووقتك

[ENG.MaRk]

مهندس مارك ... مساء الخير .. مع كامل احترامى لراى حضرتك لكن انا مش حاسس انى هارتاح مع النسيان .. انا لسة جاى من عند أباظة واتفرجت على ال 508 بصراحة تحفة ... ربنا يباركلك فيها .. لكن أخبار إعادة البيع ايه ؟

العربية بالرغم من إن سعرها عالي بالنسبة للشعب المصري إلا إنها انتشرت انتشار رهيب أنا ماكنتش أتوقعه و ديه إجابة سؤال حضرتك ... The reselling price of any article is directly proportional to its prevalence and this law only applies in Egypt

[nabilhussein]

مارك بك ... عندك حق فاﻻنتشار مقياس للجودة .. وهى فعلا تشعر أنها المفروض تبقى أغلى من سعرها ... ربنا يديلك خيرها ويكفيك شرها أن شاء الله

[Hosam_Optrawy]

حسام بك ... بصراحة الشكل الجديد للتوسان يستحق اﻻنتظار. .. لكن مش عارف ممكن يبقى فرق السعر كام عن ال ix ... مع كامل تقديرى لردك ووقتك

والله دى حاجه صعب توقعها ، لان ال ix نفسها كل فتره سعرها بيزيد وهى هي نفس الشكل والسبب بيكون الموديل الأحدث أو زيادة الدولار

فمع الشكل الجديد أعتقد السعر مش هايكون أقل من 220 لأول فئه وحسب التجهيزات والأوبشنز بقى

[nabilhussein]

دعواتك يا حسام بك ... شكرا ﻻهتمامك