صيانة ال 170 ألف هيونداي فيرنا 2007

[darkscorpion]

السلام عليكم,
أنا عربيتي هيونداي فيرنا 2007 , عاملة 166 ألف كم , وأنا بقالي فترة سايب التوكيل (من أول 120 ألف كم) و بعمل صياناتي بره في مركز صيانة .. بس أنا فقدت البوصلة في اغير إيه امتي (بوجيهات, سيور , الخ) في الصيانات الدورية
لو أنا لسة في التوكيل , صيانة ال 170 ألف كانت هتشمل إيه بالظبط ؟ عشان اعمله بس بره

[gadoo30]

اهم حاجة تراجعها هي تغيير السيور اخر مرة اتغيرت امتى والمفروض تتغير كل اد اية
وبعد كدة ملف اكسيل على الفون تكتب فية كل الصيانات اللى بتعملها بالتفصيل ومتعتمدش على الزاكرة علشان ال زهايمر بيشتغل مع كل الناس

[tasaka]

don't forger the timing belt .. very very important

[egyptiandiver]

أنا معايا لانوس 2008, و الحمد لله و صيانتي للعربية كالتالي: كل 10,000 كم بغير زيت و فلتر + فلتر البنزين مع فلتر الهوى، كمان طقم البوجيهات، ممكن تبدل الكوتشات كمان بنظام المقص... اليمين قدام مكان إلي ورى شمال و بالعكس، كمان ببص على السوائل و أخلي وداني مع العربية لو في صوت مريب... في صيانة 40,000 كم بسقط طقم السيور و أحط طقم جديد. ممكن كمان بغير سوائل السيارة ذي زيت الباكم و البور و المية الخضراء عشان أفوق العربية.

[tasaka]

و كمان لو ميعاد سير الكتينه وصل .. يبقى لازم تكشف على طلمبه الميه و تتأكد انها كويسه و تقدر تكمل اربعين الف كم كمان .. لان طلمبه الميه لو باظت يتتلف سير الكتينه كمان .. و علشان تغيرها يبقى المصنعيه حتكون زى مصنعيه تركيب سير كاتينه ( و الاكيد انه حيطلب منك تغير سير كاتينه لانه وصل له ميه ) .. و لو فيه اويل سيل فى المكان ده اكشف عليه كمان

انا كل خمس سنين او سته سنوات باغير زيت الباور بالكامل .. و كمان زيت الفرامل بالكامل ( حتى لو ماعنديش مشكله فى الباور او الفرامل ) .. لان الزيت ممكن يكون فقد بعض خواصه

زيت الجيربوكس كل سنتين ( المانيوال )

عموما البوجيهات و فلتر الهوا و البنزين ممكن كل 20 الف .. و لكن للضمانه و قطع الغيار السيئه باغير كل 10 الاف