الفيرنا و الحرارة

[ahmed .soliman]

عربيتى فيرنا 2008 -1600 مانيوال
العربية بتسخن . روحت للميكانيكى قالى جوان وش السليندر . الجوان اتغير من غير خرط
وبعد التجربة العربية لسة بتسخن . روحت لميكانيكى تانى . قالى ممكن الجوان الى ركب مش تمام . غيرت الجوان تانى بدون خرط
وبعد التجربة لسة بتسخن . روحت لميكانيكى تالت . طلع يجرب العربية سخنت جابت عمود كرنك :(

روحت لواحد تانى عملت عندة عمرة(تغيير بساتم وخرط الشمايز) و غيرت عمود الكرنك و بالمرة طلمبة الزيت و طلمبة المياة
وغيرت الردياتير وبردة لسة بتسخن رجعتله تانى فك وش السلندر و وداه للخراط طلع كان محتاج ييقشط و غيرت الجوان للمرة الثتاثة وبردة بتسخن
تم الكشف عند اكتر من كهربائى على المراوح و الحساسات بالكمبيوتر وكلهم بيئولوا الدنيا تمام ز صوت المتور مظبوط ظبطة ولا فى الاحلام وبرده بتسخن

افيدونى افادكم الله
انا جبت اخرى

[Abo_Mazen]

هي لما بتسخن معاك ..بتلاقي المياه فايره في القربه ..يعني بتلاقي المياه ماليه القربه ؟؟؟؟؟؟

[pepo2011]

ياباشا بتسخن يعني لحد كام؟؟ غليان وكده ولا علي حساب المؤشر؟؟
شوف الريداتير

[ahmed .soliman]

المؤشر سليم . الحرارة بتعلى والمياه مظبوطه فى القربة و الردياتير مفيش فوران . مفيش اى حاجة تقول انو وش سلندر
تم تغيير صباع الحرارة ونفس الكلام

[AHMEDCAR]

بتسخن معاك و انت بتجرى و مشغل التكييف غير كه بتبقى طبيعيه

[ahmed .soliman]

بتكييف او من غير بتسخن لما اعدى ال 100 5 دقايق
يعنى على طريق مفتوح مش فى الزحمة صبح ليل مش فارقة

[Abo_Mazen]

طيب أخبار ثرموستات الكوع إيه ؟.؟؟؟أنا ما سألتش في الأول عشان قلت أكيد الميكانيكي شالها لما عمل جوان وش السلندر ...بس برضه إيه نظامها معاك ..اللي هي ثرموستات الكوع يعني ؟؟؟؟الميكانيكي شايلها ولا سايبها ومبصش عليها أصلا ولا إيه النظام ؟؟؟؟

[ahmed .soliman]

ثرموستات الكوعة اتشالت لفترة و مكنش فى فرق و بعديين اتغيرت وركبت تلنى

[Abo_Mazen]

ثرموستات الكوعة اتشالت لفترة و مكنش فى فرق و بعديين اتغيرت وركبت تلنى

بص ..أنا لو مكانك هعمل الآتي ..

1- هروح لميكانيكي يكون كويس
2- هفك الوش وهقيسه
3- هقيس البلوك ..خلي بالك عشان في ناس ما بتقيسش البلوك ولا بيخطر على بالها تبص عليه
4- هشتري جوان أصلي ..بلاش الجنجريد ..في كلام عليه إنه ما بيتحملش الحرارة
5- آخر حاجه بقى ودي مهمة قوي ..لازم أعرف الوش إتقشط منه قد إيه ..عشان الوش لو إتقشط منه كتير يبقى كده خلاص ..يترمى ويتجاب غيره ..ودي اللي يقولك عليها بتاع المخرطه ..خلي بالك قوي من الحته دي ..ممكن يكون الوش إتقشط منه كتير شوية ..وبكده العربية دي هتفضل تسخن

[sameh_loza]

بمناسبة السخونية
انا عندي العربية بتاكل مياه يعني كل يومين لازم املا قد لتر ميه الصبح
روحت لبتاع الريتادير نظف الريتادير ولكن بقيت مشكلة ترسيب الميه منين ؟
روحته تاني بعد ثلاثة اسابيع قالي مش من الريداتير وغطاء الريتاتير كويس واداني احتمالين هما :
1. يكون في ترسيب من طبب الماتور
2. في مشكلة في خرطوم الراجع من عند صدر العربية من تحت
افادوني افادك الله
العربية فيرنا 2006 اوتو

[ahmed .soliman]

هاجرب وهاقولكم على النتيجة . انا نازل بكرة لميكانيكى بيقولوا عليه ملك ال فيرنا :)
اما نشوف

[Hamada hozein]

هي لما بتسخن معاك ..بتلاقي المياه فايره في القربه ..يعني بتلاقي المياه ماليه القربه ؟؟؟؟؟؟

اناعندي ف عربيه جيلي ولما بشغل التكييف العربيه بتسخن لما اكون ماشي ف الزحمه
وبلاقي الميه بتفوؤ وتطلع من القربه
ده يبقى ايه بقى ؟؟؟

[Abo_Mazen]

اناعندي ف عربيه جيلي ولما بشغل التكييف العربيه بتسخن لما اكون ماشي ف الزحمه
وبلاقي الميه بتفوؤ وتطلع من القربه
ده يبقى ايه بقى ؟؟؟

في تنفيس من الهيد

[Hamada hozein]

في تنفيس من الهيد

الف شكر على الرد