ما هي مميزات وعيوب الهيونداي جيتز

[posily]

بسم الله الرحمن الرحيم
السلام عليكم ورحمه الله وبركاته اعضاء المنتدي الكرام وكل عام وانتم بخير
برجاء اريد ماهي مميزات وعيوب هيونداي جيتز امامي سياره موديل 2008 رشه بره كامله مانول ب62 الف جنيه
كده سعرها كويس والعربيه عامله ايه لاني مش عارف عنها اي معلومات
ارجوا الافاده ولكم الشكر

[mody112]

العربية ماشية اد ايه ورخصتها اد ايه لازم معلومات العربية كاملة علشان نحدد لك السعر العادل


هو مبدئيا السعر كويس جدا

[posily]

العربيه ماشيه في حدود 100000 كيلو سعه المحرك 1600 رخصه الي شهر 11 سنتر وانذار ووحده رفع واربع فرد كوتش جداد دي المعلومات الي عندي بس هيه الجيتز كويسه ولا زي مبسمع تقيله في البيع وخفيفه علي الطريق ؟؟؟؟

[Moataz Slaeh]

بص هي عربيه ممتازه نفس متور الفرينا في بكده قطع الغيار مضمونه وسعرها كويس بس السعر ده كتير علي منيوال

[posily]

بص هي عربيه ممتازه نفس متور الفرينا في بكده قطع الغيار مضمونه وسعرها كويس بس السعر ده كتير علي منيوال

يعني المفروض السعر يبقي كام ؟؟
وشكرا علي الاهتمام

[mody112]

العربيه ماشيه في حدود 100000 كيلو سعه المحرك 1600 رخصه الي شهر 11 سنتر وانذار ووحده رفع واربع فرد كوتش جداد دي المعلومات الي عندي بس هيه الجيتز كويسه ولا زي مبسمع تقيله في البيع وخفيفه علي الطريق ؟؟؟؟

بص العربية كويسة جدا جدا وتختلف اختلاف كلى عن الفيرنا وهى على فكة ثابتة الى حد ما مش خفيفة وانا شايف ان السعر ده عليها كويس جدا لو هى بالمواصفات اللى دى .
وادخل على قسم الجيتز جوة قسم هيونداى هنا فى المنتدى وهتعرف كل حاجة هنا .

[Moataz Slaeh]

هي اكيد مش فيرنا طبعا انا بقول نفس متور الفيرنا تفرق، السعر المفروض يكون من 55 الي 60 حسب الحاله طبعا علشان منيوال

[mody112]

ياباشا الجيتز المانيوال هتعمل من 60 الى 65 الف على حسب حالتها لان موديل 2010 بيعمل من 70 الى 74 برده حسب الحالة وكله مانيوال لو اوت مش اقل من 75 لموديل 2008 اما 2010 فوق ال 80 وراجع الاسعار كويس

[mody112]

انت اشتريت ولا لسه ؟.
لو لسه انا ممكن ابيع عربيتى .