تصليح طقم شنبر

[ash_m_mod]

السلام عليكم . انا سيارتي نيو اكسنت 2011 .. عند ال 60 الف غيرت سير الكاتينه في مركز غير معتمد في المعادي و دي كانت الغلطه . المركز للأمانه بتعامل معاهم من 8 سنين و محترمين جدا , بس الواضح انهم اتخدعوا في سير الكاتينه و ماكانش اصلي , المهم السير قطع عند 95 الف يعني بعد 35 الف , و ساعتها الميكانيكي قالي لازم طقم صبابات و سالته عن الشنبر قالي سليم .. بعدها العربيه رجعت سليمه و مافيش مشاكل لكن لاحظت الزيت بيقل و بعدين في مروحه من الاتنين باظت وغيرتها , دلوقتي لقيت الزيت بيقل كتير و مش بيكمل 3000 كيلو ( زيت ال 5000 ) روحته قالي لازم طقم شنبر .. فهل قطع السير هو السبب .. و كام التكلفه و مدة التصليح ,, ولو حد يعرف مكان محترم و مش غالي و يعملها بسرعه يقولي ياريت ... مع خالص الشكر

[Abo_Mazen]

هو إيه اللي خلاه يقول شنبر ..وارد قوي الشغل اللي إتعمل في الصباب يكون ليه دخل في الموضوع ..يعني مثلا يكون كاوتش الصباب في حاجه

[ash_m_mod]

هو غير ان الزيت بينقص . كمان في دخان ازرق خفيف بيخرج من الشكمان مع الدوران الصبح

[Abo_Mazen]

هو غير ان الزيت بينقص . كمان في دخان ازرق خفيف بيخرج من الشكمان مع الدوران الصبح

برضه ممكن يكون كاوتش صباب

[Mecha]

واضح انها قريبه لصباب زي الاخ ابومازن سبق ,لكن فيه حاجه ,لما تنت صبابات الدلايل ممكن عضت او بهوأت فلازم الدلايل تتشاف او تتغير وطبعا جلد صباب جديد .مهم الميكانيكي يعرف هي مشكلة شنبر او صباب ,بالخبره من الدخنه او الاكيد تعمل compression test.
ليه الناس مبتحبش تعمل الشغلانة مرة واحده وتاخد وقتها ليه نفسنا قصير

[ash_m_mod]

طيب اروح فين . فيه ناس قالولي على مركز في جسر السويس اسمه سبيد سيرفيس .. و لو مشكلة كاوتش صباب , التكلفه تبقى تقريبا قد ايه

[Abo_Mazen]

طيب اروح فين . فيه ناس قالولي على مركز في جسر السويس اسمه سبيد سيرفيس .. و لو مشكلة كاوتش صباب , التكلفه تبقى تقريبا قد ايه

هو عموما الهيد لازم يتفك ..التكلفة معنديش فكره عنها بصراحه

[Mecha]

السلام عليكم . انا سيارتي نيو اكسنت 2011 .. عند ال 60 الف غيرت سير الكاتينه في مركز غير معتمد في المعادي و دي كانت الغلطه . المركز للأمانه بتعامل معاهم من 8 سنين و محترمين جدا , بس الواضح انهم اتخدعوا في سير الكاتينه و ماكانش اصلي , المهم السير قطع عند 95 الف يعني بعد 35 الف , و ساعتها الميكانيكي قالي لازم طقم صبابات و سالته عن الشنبر قالي سليم .. بعدها العربيه رجعت سليمه و مافيش مشاكل لكن لاحظت الزيت بيقل و بعدين في مروحه من الاتنين باظت وغيرتها , دلوقتي لقيت الزيت بيقل كتير و مش بيكمل 3000 كيلو ( زيت ال 5000 ) روحته قالي لازم طقم شنبر .. فهل قطع السير هو السبب .. و كام التكلفه و مدة التصليح ,, ولو حد يعرف مكان محترم و مش غالي و يعملها بسرعه يقولي ياريت ... مع خالص الشكر

السير المغشوش المقطوع مركته ومواصفاته ايه??

[ash_m_mod]

السير المغشوش المقطوع مركته ومواصفاته ايه??

هيوانداي مكتوب عليه Made in Korea < , الكلام ده كان من سنتين تقريبا لما غيرته ,