عايزه اشترى هيونداى اكسنت ٢٠١٥

[Kholod123]

لو سمحتم انا كنت عايزه اشترى هيونداى اكسنت هاتش باك 2015 فا ايه رايكم فيها و لو ممكن ايه عيوبها؟
وايه عربيات تانى ممكن تكون احسن منها فى حدود ١٣٠ الف؟
و شكراا

[Omar Sarray]

بصى اكسنت ار بى حلوا مفهاش حاجه بس انا من راى المنافس ليها شرس وكتير هيا كيا بيكانتو اعلا فئه ب 111 الف يعنى باقى الفلوس تحليها فى جيبك ومرتاحه وتوكيل محترم وانتى مغمضه وفيها كل الى اتحبيه فى بيكانتو وعندك كيا ريو بس كيا ريو شويه افخم من بيكانتو وشويه اغلا ب 138 الف اعلا فئه وعندك فيات الفئه التانيه ب 120 الف فئه قبل الهاى لاين يعنى عندك كتير دول كويسين بنسبالك يعنى وانا ارشحلك بين 3 اكسنت هاتشباك وبيكانتو ووراهم الفيات بونتو شوفى انتى مين الى عاوزه فيهم وال3 نفش القوه موتور تقريبا وسحبهم كويسين جدا وعملى وقطع غيار مش غالى يعنى واى استفسار تحت امرك

[Kholod123]

اه ما كيا بيكانتوا حلوه بس مشكلتها انها صغيره شويه، خلاص تمام انا هتوكل على الله ان شاء الله واجيب اكسنت هاتش باك
شكراا جدا ربنا يخليك

[toty_305]

-بلاش هيونداي غبور توكيل مقرف و ضعيف,

[Kholod123]

طيب ايه كويس؟ كل ما اسأل الاقى العربيه ممكن تكون حلوه بس التوكيل بتعها وحش جدا فا مش عارفه. طيب كيا ريو الجديده هاتشباك؟ تعرف لو امان و التوكيل بتعها كويس؟

[crazy car]

موتور البيكانتو والريو بنفس قوى الار بى ؟؟؟؟؟؟؟؟؟؟؟؟؟؟؟
هههه

[lelouch]

نفس الموضوع
وكله نصحني بالريو

[Kholod123]

يعنى اخلينى فى كيا ريو احسن؟

[mif]

الاكسنت اعلى من الريو و افضل بكتير في اعادة البيع

يا جماعة احنا حنمشي عكس العالم كله
لما الكوريين نفسهم بيفضلوا هيونداي على كيا .... كان نفسي نبقى واقعيين شوية

و توكيل هيونداي و منصور بيلعبوا ما بين رقم 1 و 2

توكيل كيا يجي ايه جنب غبور ولا منصور !!!!

دا مش كلامي و مش تحيز لحد .... دا واقع للارقام من جهات رسمية و عالمية
التوكيلات فى مصر للاسف كلها وحشة لكنه واحد من احسن الوحشين


و بعدين انا بشتري عربية مش توكيل
و مقياس نجاح اى عربية الانتشار لانه بيتجرم لتوافر قطع الغيار و انضباط سعرها لوجود منافسة بين التجار و تسابق مراكز الصيانة فى امكانيات صيانتها


نصحتي لكي اختاري عربيتك بحسب احتياجاتك مش بحسب توجيهات حد
ادخلي و قلبي فى المواضيع القديمة فى المنتدي و شوفي اراء ملاك كل عربية
و ممكن تنزلي تتفرجي على كل عربية و لو امكن .
و في الاخر القرار قرارك انت .

[toty_305]

-أنا معايا العربية من 2012 و مجرب التوكيل كتير فشلة وده كفيل يقفلك من العربية

[Omar Sarray]

الشكر لله وحده خلود وانشالله يكون اخترتى الى تناسبك يارب

[Kholod123]

طيب تمام خلاص ربنا يخليكوا والله شكرا جدااعلى المساعده ! انا هعد اشوف فى المواضيع كدا برضو و ربنا يسهل ان شاء الله.