سؤال بخصوص Accent RB 2012

[Ahmedaboadham]

يا جماعه قدامي واحده اتوماتيك اول فئه موديل 2012 رشه جانبين فقط
عامله حوال 80000 كيلومتر
سعرها كام تقريبا
و هل هي احسن ولا لانسر موديل 2008
ولا اوبترا موديل 2010 او 2011
ممكن تفيدوني
ولوولو فيها عيوبعيوب ممكن حد يقولي
شكرا

[toty_305]

-لو عايز rb عندي واحدة 2012 ماشية 35 ألف مش راشة خالص اول فئة أوتو صبانة توكيل على 110 ألف

[Yehya Badr]

لانسر أو أوبترا شكل قديم أحسن Accent RB عربية فاشلة بكل المقاييس !! كانت مع أخو مراتي نفس الموديل و باعها !!! عربية بتفتح بوقها و قطع غيارها غالية و مش متوافرة و عفشة سيئة َََ !!!

[crazy car]

بتفتح بوقها وقطع غيارها موش متوفرة حاجة غريبة يمكن هههههه

[Yehya Badr]

اللي حصل مع أخو مراتي الأتي

أشتري العربية في 2013 كسر زيرو و كانت ماشية 20 ألف و دخل علي الصيف و فجأة التكيف بطل يشتغل
فظل يروح لمركز الصيانة بتاع غبور في الأسكندرية 5-6 مرات مرة يردوا بأن الجهاز بتاع تصليح التكييف عطلان و مرة أن الكباس في مشكلة و مش موجود و معلهش أستنتنا شوية - شوية دى 3 شهور - و بعدين أتصلح بس بزنة !!!

بعدها بكام شهر و هو ماشي في سموحة بالأسكندرية خد مطب عادي و علي سرعة عادية فجأة حصلت مشكلة في الكهرباء - عطل في دائرة الكهرباء راج لغبور و قاعد شهرين لغاية ما جابوا كارته كهرباء جديدة !!!

الفانوس الأمامي شمال فجأة بطل يتشغل لوحده !!! أتضح أن الكارته محتاجة تغيير للمرة الثانية و برضة قعد شهرين لغاية ما أتصلح العيب !!!

طلع من الضمان من حوالي أسبوعين فباع العربية فورا !!! كلها عيوب صناعة و زي الزفت و لف و أسأل علي قطع الغيار أصلي و تقليد و حتعرف !!!