سؤال للخبراء: هل اختلاف نقشة الكاوتش بيأثر علي أداء ال abs؟

[RimounAdel]

عربيتي النترا عاملة ١٤٠٠٠ فيها فردتين بقللو يعني حصل فراغ بين طبقات الكاوتش بسبب كسر في الطريق.

فا بافكر اجيب فردتين جداد بدالهم بس كلله بينصحني بلاش اجيب زي اللي فيها ال hankok علشان نوع ردئ فا كنت بافكر اجيب نوع مختلف هل وجود فرديتين من نقشة و فردتين من نقشة تانيه دا يأثر علي أداء الفرامل و ال ABS ولا لا؟

شكرا مقدما :)

[shake]

متا بع

[monamize4]

مفيش كلام ان احسن حاجة الاربع كاوتشات يكونوا identical
حاول على الاقل ان يكون كل axis عليه كاوتشين من نفس النوع

بالنسبة للتأثير على ال abs
technically ,, مش عارف التأثير الصراحة
practically ,, عادى خالص ناس كتير عاملين الحكايه دى و الامور ماشية
اعرف واحد معاه باسات و الكاوتشين اللى على نفس ال axis نقشتهم مختلفه و دا غلط طبعا بس الامور ماشية

[ENG.MaRk]

المشكلة كلها هتبقي في الsudden braking بس أعتقد مش مشكلة كبيرة ممكن تمشي بيهم عادي بس حط كل اتنين زي بعض علي نفس الaxis زي ما قال العضو الفاضل

[صياد النجوم]

الهانكوك مش نوع ردئ الهانكوك نوع متوسط لكن واضح ان الجنوط عندك كبيره يا 16 يا 17 وبسبب الطرق السيئه والحفر بيحصل صدمات على سرعات بتسبب البقاليل دى ولو عايز كاوتش فرست كلاس يبقى
ميشلان فرنساوى حوالى 1500
بريدجستون يابانى حوالى 1200
دانلوب المانى حوالى 1400
وبعدهم هتلاقى نفس الماركات دى بس من بلد غير بلد المنشاء ودول هيكونوا فوق المتوسط ويدخل معاهم اليوكوهاما اليابانى ومتوسطهم من 600 الى 900
وبعد كده اﻻنواع المتوسطه اللى اكتر الناس هنا بتجيبهم وانا منهم طبعا عشان على قد الايد ومنهم الهانكوك والكومهو والتويو والبريللى ودول اقل من 600
ومع اختلاف اﻻسعار زى ما حضرتك شايف بتختلف خامه الصنع والعمر اﻻفتراضى

[ENG.MaRk]

الهانكوك مش نوع ردئ الهانكوك نوع متوسط لكن واضح ان الجنوط عندك كبيره يا 16 يا 17 وبسبب الطرق السيئه والحفر بيحصل صدمات على سرعات بتسبب البقاليل دى ولو عايز كاوتش فرست كلاس يبقى
ميشلان فرنساوى حوالى 1500
بريدجستون يابانى حوالى 1200
دانلوب المانى حوالى 1400
وبعدهم هتلاقى نفس الماركات دى بس من بلد غير بلد المنشاء ودول هيكونوا فوق المتوسط ويدخل معاهم اليوكوهاما اليابانى ومتوسطهم من 600 الى 900
وبعد كده اﻻنواع المتوسطه اللى اكتر الناس هنا بتجيبهم وانا منهم طبعا عشان على قد الايد ومنهم الهانكوك والكومهو والتويو والبريللى ودول اقل من 600
ومع اختلاف اﻻسعار زى ما حضرتك شايف بتختلف خامه الصنع والعمر اﻻفتراضى

مش تعديل علي كلام حضرتك بس الPirelli إيطالي من أجود الأنواع و غالي مش رخيص :)

[صياد النجوم]

طبعا انا معاك وحضرتك لو ﻻحظت هتلاقينى بقول ان الماركه من بلدها حاجه ومن بلد تانيه حاجه تانيه خااااااااااااااااااااااااااالص