سؤوال لملاك هيونداى اكسنت rb

[tooooma]

السلام عليكم
انا بفكر اشتري rb موديل 2015 او 2016 ان شاء الله و كنت عايز اعرف ايه رايكم في العربية و اعتماديتها و استهلاك البنزين
متوسط استهلاك البنزين قد ايه؟
اخبار العفشة و المطبات و الثبات؟
اعمادية العربية و اسعار قطع الغيار و الفرامل؟
هل فيه اي مشاكل ميكانيكة؟

[tooooma]

مفيش حد يفيدنا لله؟؟

[toty_305]

-مشاكل ميكانيكية مفيش
-ثبات ضعيف الكاوتش مقاس 14''...' فرامل متوسطة بدون abs
-العفشة لازم تتربط كل 5 الاف كم ناشفة خصوصا ضغط الكاوتش الصحيح 32
-قطع الغيار غالية...يعني فلتر التكييف لسه شاريه ب 230 جنية
-استهلاك البنزين عادي وسط المدينة...فوق الممتاز في السفر.
-العربية دي عيبها توكيلها غبور يعني إتقان مفيش.. وقت بيضيع.. فلوس كتير على الفاضي

[tooooma]

يعني تنصحني بيها و لا اشوف البيجو 301, انا استهلاك البنزين مهم جدا ليا خصوصا ان طريقي طويل بس سريع
و اخبار المطبات و الحمولة؟
و ممكن تقولي استهلاك البنزين في السفر كام؟
و عموما ان سواقتي هادية, ماليش في الجري و السرعات العالية فموضوع الثبات بالنسبة لي مش مهم طول مالعربية ثابتة حتي 120-140
و انا بفكر في تاني فئة 2016 اللي فيها فتحة سقف و طارة مالتي و تفكيري جيه علي ال rb عشان اعادة البيع مثلا بعد 3 او 4 سنين.
ايه رأيك كامالك للعربية فيها في المجمل؟

[toty_305]

-هي مع الحمولة بتبقى منخفضة و بتحك لكن انا مش حاسس بيها قوي نظرا لاني مش بحمل العربية جامد غير نادرا
-استهلاك البنزين بيختلف حسب سرعتك انا كنت بمشي 100 120 بطلع من مدينة نصر للعلمين ب 19 20 لتر تكييف طول الطريق
-والله كل عربية ليها مميزات وعيوب بس انا اعتقد البيجو افضل بس خد بالك من حتة الصيانة منتشرة ولا ايه و العيوب اللي فيها تلاشوها ولا لسه فيها مشاكل.

[tooooma]

طيب انا بفكر حاليا في لانسر شارك
بس بصراحه الاستهلاك بتاع الأكسنت موفر جدا ماشاء الله
يعني كده في السفر بتعمل معاك علي سرعة متوسطة فوق ال 300 كم في الصفيحة؟
و اخر حاجة ايه رأيك هي ولا لانسر شارك؟

[toty_305]

-لانسر شارك جميلة عفشة و موتور و ياباني 100% يعيبها فقر خاماتها و صوت موتورها عالي و الباور زيت فهتلاقي الدريكسيون تقيل شوية.

[tooooma]

موضوع الباور و صوت الماتور العالي مش مهم قوي عشان انا اصلا معايا بيجو 504 :]
اللي تقيل و عالي بالنسبة لحضرتك هيبقي ابهار ليا هههه
انا قلقان من لانسر شارك بسبب غلو قطع الغيار و استهلاك البنزين بس لما سألت علي البنزين عرفت ان طول مالطريق مفتوح هتلاقي الاستهلاك بين 6-7.5 و ده مش وحش.
انا ركبت الاتنين و حقيقي بغض النظر عن فقر التابلوه هي ركوبة حلوة.
و كمان السعر تقريبا واحد , شارك اول فئة 131000 و امسنت 2016 فتحة سقف و طارة مالتي 129500 من غير ِabs للعربيتين

[AymanEF]

130000 ممكن تجيب عربيات تانيه غير دول و لا انتا خلاص مقرر انك تجيب اكسنت او لانسر شارك

[tooooma]

انا مش هدفع كاش و مش عايز اجيب عربية أغلي من 135000 و مقدمتي هتكون حوالي 60000
ايه هي اقتراحاتك؟

[hazem dabbous]

حضرتك متاكد من موضوع عدم وجود abs في الفئة اللى فيها فتحة سقف و هل فيها airbag ولا لا

[tooooma]

دي الفئة الثانية من أكسنت و مفيش فيها airbag او ABS
بتنزل بفتحة سقف و طاره مالتي.
الكلام انا لسه شايفي الاسبوع اللي فات في بي أوتو

[toty_305]

-الصراحة أنا لو منك....أجيب الشارك.

[tooooma]

و الحمد الله استقريت عليها و هارروح اجبها في خلال اسبوع ان شاء الله.
و شكرا علي حيادتك و رأيك المحترم

[Amostafa1985]

أشترك معانا فى جروب -Hyundai Accent RB Club Egypt

https://www.facebook.com/groups/Hyundai.AccentRB.Club/