ارجو المساعده : عايز اعرف سعر النيو اكسنت 2008 ؟ ورايكم فى العربيه ؟

[a.hamdy]

ارجو المساعده : عايز اعرف سعر النيو اكسنت 2008 ؟ ورايكم فى العربيه ؟


ان شاء الله انا ناوى اشترى عربيه فى حدود 55000 الى 60000 سالت كتييير واغلب الاجابات كانت فى شراء النيو اسكنت 2008

عايز اعرف رايكم فى العربيه ؟

وعايز اعرف سعر العربيه حاله كويسه ؟

فى انتظار الردود

[mazen56]

النيو اكسنت سيارة جميلة و قطع غيارها متوفرة و اعادة بيعها كويسة

[a.hamdy]

النيو اكسنت سيارة جميلة و قطع غيارها متوفرة و اعادة بيعها كويسة

تسلم ع الرد طيب ممكن اعرف متوسط السعر

[enghany]

ابعد عن النيو اكسنت حتي موديل او انتاج 6 /2008 لان الباور بتاعها كهربا و فيه عيب صناعه حتي لو غيرت القطعه المسوله عن المشكله اللي هي القطمه و المشكله اتحلت من التاريخ الموضح ان الباور اتقلب زيت الي موديل 2011

[a.hamdy]

ابعد عن النيو اكسنت حتي موديل او انتاج 6 /2008 لان الباور بتاعها كهربا و فيه عيب صناعه حتي لو غيرت القطعه المسوله عن المشكله اللي هي القطمه و المشكله اتحلت من التاريخ الموضح ان الباور اتقلب زيت الي موديل 2011

شكرا لاهتمامك وانا هاخد بالنصيحه اكيد وهبعد عن الباور الكهرباء

بس غير االباور الكهرباء العربيه فيها مشكله تانيه ؟

وعايز اعرف متوسط سعرها كام :(

[eng_amg]

هي عربية جميلة وشيك من الداخل وتكييف رائع وتساؤع جميل وموفرة في البنزين وطبعا زي هيونداي قطع غيار متوافرة واعادة بيع جيدة
عيب العربية دي في الفرامل والاتزان علي السرعات.
العربية دي 1600 ووزنها نسبيا خفيف. من الاخر بيغرك علي الجري. لكن لو دوست فرامل مش حتلاقي استجابة مرضية.
حصل معانا موقف باكسنت موديل 2010 كنا علي الدائري بعد الفجر بقليل علي سرعة 160 علي الحارة الشمال والطريق فاضي تماما. وعلي مسافة كان في عربية علي الشمال وببساطة الي سايق خد يمينة سنة علشان يعدي منه وبعدين بياخد شمالة تاني... العربية أقسم بالله فضلت مكملة يمين لوحدها :) يعني كان العجل فوق الارض بمعني الكلمة. وربنا ستر شال رجله من علي البنزين تماما لحد ما السرعة نزلت 90 ..

[a.hamdy]

هي عربية جميلة وشيك من الداخل وتكييف رائع وتساؤع جميل وموفرة في البنزين وطبعا زي هيونداي قطع غيار متوافرة واعادة بيع جيدة
عيب العربية دي في الفرامل والاتزان علي السرعات.
العربية دي 1600 ووزنها نسبيا خفيف. من الاخر بيغرك علي الجري. لكن لو دوست فرامل مش حتلاقي استجابة مرضية.
حصل معانا موقف باكسنت موديل 2010 كنا علي الدائري بعد الفجر بقليل علي سرعة 160 علي الحارة الشمال والطريق فاضي تماما. وعلي مسافة كان في عربية علي الشمال وببساطة الي سايق خد يمينة سنة علشان يعدي منه وبعدين بياخد شمالة تاني... العربية أقسم بالله فضلت مكملة يمين لوحدها :) يعني كان العجل فوق الارض بمعني الكلمة. وربنا ستر شال رجله من علي البنزين تماما لحد ما السرعة نزلت 90 ..

شكرا لاهتمامك متهيالى لو ركب جنوط 15 او 16 العربيه هتكون كويسه على الارض فى الثبات وبالنسبه للفرامل اكيد كان فى مشكله فى الفرامل لكن مينفعش يكون ده العادى

وترشح ليا عربيه اييه طيب فى حدود 55 لحد 60 الف

[a.hamdy]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[eng_amg]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الكلام دا سنة2010 وكانت العربية موديل السنة :)

[a.hamdy]

سلعدونى ياجماعه ؟؟؟؟؟

[SHERBINII]

إيه المساعدة المطلوبة تاني الأعضاء وفوا وكفوا :)
عموما أنا معايا 2011 من سنتين من أكتر العربيات اللي ركبتها وحبيتها لانها اعتمادية بطريقة غير عادية لاسباب كتير
1-قطع غيار متوفرة جدا ومعمرة جدا جدا
2-أي حد يشتغل فيها مش محتاجة متخصص زي الرينو مثلا
3-استهلاك بنزين موفر ومرضي
4-أداء وابعاد مريحة جدا في السواقه
5-صالون محترم وتقفيل محترم في فئاتها
6-عفشه حمالت اسيه
7-تكييف مرضي جدا
8-موتور رائع في فئاتها

عيوبها
1-الباور الكهربا اللي نزل من 2006-2008 في مشاكل وجهة ناس كتير
2-ثبات سيء بعد ال 160
3-بتتنطط من ورا لما تكون محمل ناس ورا وبتجري وفيه مطبات هوا لكن مش بتعوم
4-الفرامل زي جميع فئاتها في السرعة العالية مش حتسعفك لكن فالطبيعي مش وحشة

مجملا كل عربية ليها مميزات وعيوب وحضرتك تشوف إيه المناسب ليك وتقرر ومن وجهة نظري إن أكتر عيب في العربية دي ممكن يضايقك فعلا هو موضوع التنطيط ده لكن غير كده بالنسبالي العربية دي صفقة رابحة

للأسف المبلغ اللي معاك صعب جدا تلاقي موديل 2008 لان الموديل ده دلوقتي بيسمع بعد ال 70 والمبلغ اللي معاك ده يجبلك 2006 وهنا نرجع مرجوعنا لموضوع البور الكهربه ومشاكله

نصيحتي ليك تشوف حاجة تانية عشان تقدر تيجيب موديل أعلى شوية وعداد اقل أو تستنى لحد ربنا مايكرم وتجيب نيو اكسنت نظيفة بور زيت

[alaamousa]

استاذ شربيني جبلك الخلاصة الله يبارك فيك ويفتح عليك