افيدوني في صوت مروحة التكييف

[eng.khater]

انهرده و انا بركب العربيه و شغلت التكييف قبل ما اقفل الباب سمعت صوت غريب فرحت فاتح الموتور اشوف في ابه لاقيت صوت المروحة بتاعت التكييف زي ما يكون فيها رمل لما أبطل التكييف الصوت يروح العربيه getz فيريت حد حصل معاه كده ولا لا و العمل ابه اغير المروحة ؟؟ وسعرهايتعمل كام ؟؟ معلش طولت عليكو و في انتظار آرائكم

[eng.khater]

75 مشاهده ولا مشركه علي العموم شكرا

[tareksakr]

الكهربائي. يكشف عليها. وهو اللي يحدد تغير واللا تتصلح

[tameem2010]

عادة ده بلي المروحه فيه خشونه
شوية وهتتغير المروحه مش مشكلة خالص
والمروحه بتاعتها مش غاليه يعني
عموما لو الصوت ده على السرعة العاليه يبقى ممكن تستنى شوية شهر او اتنين
اما لو الصوت بيطلع على السرعة القليله يبقى انصحك بتغيرها
عموما اطفى العربيه ولف المروحه بايدك لو لقيتها سلسله في الدوران تبقى سليمه وتستنى
لو لقيت فيها نسبه خشونه او الصوت بدا يظهر يبقى لازم تغيرها
لان ده 95% بلي المروحه خشن وده مالوش علاج بتغير المروحه كلها