إيه الحل بالنسبة لل ix35 ...؟

[Abdoelfeky]

السلام عليكم ورحمة الله وبركاته

دلوقتى انا فوجئت بإن غبور نزل في رمضان ال ix35 موديل 2016 رغم انا كنت متوقع ان العربيه دى هيتغير شكلها بالشكل الجديد وهينزل 2016 الشكل الجديد بالتحديد إنطلاقا من شهر 9 القادم ولما كلمت التوكيل قالولي ما عندهمش معلومة عن الشكل الجديد

إيه الحل دلوقتى ؟؟
انا عايز اشترى العربية بس المشكلة انا ممكن اطق لو اجى اشتريها زيرو الاقي نفسي اشتريت موديل اخر سنة فى الشكل القديم و يجي الشكل الجديد ينزل وينتشر ويبقي الشكل اللى اشتريته بقي قديم

حد عنده معلومة مؤكدة عن معاد نزول ال ix35 او حتى الاسبورتاج الشكل الجديد
مع كامل الشكر

[ENG.MaRk]

السبورتاج الشكل الجديد أصلاً موديل 2017 يعني ممكن تنزل في النص التاني من 2016 يعني تقريباً بعد سنة و الكلام ده علي موقع arabGT.com مش من عندي و ممكن حضرتك تتأكد بنفسك بس نصيحة ليك خليك في القاشقاي لأنها أحسن من الاتنين و شكلها لسة جديد

[hesham fawzy h]

انا سمعت ان ix35 فيها مشاكل كتييييير

[adel1212]

انا سمعت ان ix35 فيها مشاكل كتييييير

ايه هى المشاكل الكتيييييييييييييييييييييييييييييييير
اللي حضرتك تقصدها

[Abdoelfeky]

بالعكس انا في نظرى الهيونداي احسن من الكيا الاسبورتاج
تحس ان الكيا كنزة كدا والمعروف انها نشفة عكس المساحة الأكبر في الهيونداي و انها ناعمه
بس ممكن تبقى بس مشكلة فى ان مستوى الرفاهية والامكانيات اعلى فى الاسبوتاج
كعادة الكيا بتنزل رفاهية اعلى بالاضافة الي ان العزم بتاع الكيا اقوى من الهوينداي بس رغم كل دا انا مايل للهيونادى اكتر عربيه فخمة و على مستوى وبدأ ينزل منها الوان مميزة

[Abdoelfeky]

السبورتاج الشكل الجديد أصلاً موديل 2017 يعني ممكن تنزل في النص التاني من 2016 يعني تقريباً بعد سنة و الكلام ده علي موقع arabgt.com مش من عندي و ممكن حضرتك تتأكد بنفسك بس نصيحة ليك خليك في القاشقاي لأنها أحسن من الاتنين و شكلها لسة جديد

الشكل الجديد فيها ممتاز
بس عيبها 3 حاجات انها بنزين 95 و انها فقيرة في التابلوه من الداخل غير كدا كانت هتبقى عربيه تحفة والحاجة الاخيرة قطع الغيار نار ومش متوفره

[ENG.MaRk]

الشكل الجديد فيها ممتاز
بس عيبها 3 حاجات انها بنزين 95 و انها فقيرة في التابلوه من الداخل غير كدا كانت هتبقى عربيه تحفة والحاجة الاخيرة قطع الغيار نار ومش متوفره

حضرتك امتلكتها أو سوقتها لفترة كافية تخليك تحكم عليها ولا زي باقي الشعب ممكن تقول رأيك بدون خبرة لمجرد إنك سمعت من واحد برضه ماعندوش خبرة ؟!
ملاكها أكدوا إنها compatible عادي مع بنزين 92 و أعلي فئة فيها أرخص من أعلي فئة في السبورتاج ب 20000 و أنا شايفها أحلي و عزمها كمان أعلي

[midorehan]

كنت معجب بالقاشقاي دي جدا بس لقيت 3 حاجات قلقتني اول حاجه انتشارها ضعيف جدا مقارنة مع الموديل القديم او المنافسين تاني حاجه انه برغم ان محدش بيشتريها عليها اوفر برايس ٧٠٠٠ جنيه للتسليم الفوري !!!!!!!! التالته القاضيه احد الاعضاء مش فاكر هنا او في منتدي تاني بعت ايميل لنيسان يسألهم ع البنزين المناسب ليها كان ردهم ٩٥ او ٩٨ و نشر صورة الرد .. بعد كده مستحيل اشتريها .. الوكيل زي وكيل سكودا و فولكس عايز يبيع العربيه اسهل حاجه يقول ٩٢ ينفع و هو فعلا هينفع شويه و تبدأ المشاكل بعدها و منتدي السكودا جنبنا يا ريت نقرا شويه عن حكاوي الاوكتافيا ٢٠١٤ التربو اللي اصلا الوكيل بطل ينزلها . لا بنفتي و لا بنألف بس محدش لاقي فلوسه عشان يرميها ف عربية تخرب بيته

[koup_yasin]

ان لسة مكلم الوكيل امبارح وقالي الشكل الجديد جاي على آخر السنة بس مش عارف امتى بالضبط والسعر برده لسة مش معروف وأرجع اكلمه على شهر 10 أو 11...

[M.Elwan]

هو حضرتك لو تقصد بالشكل الجديد ده

http://caranddriverbrasil.uol.com.br/upload/imagens_upload/T1.jpg

فالشكل ده نزل وشفتها واحد جاري لسه شاريها

ولا حضرتك تقصد شكل احدث من ده ؟؟؟

[M.Elwan]

[Abdoelfeky]

ودا ايه اختلافه عن الشكل الموجود اعتقد انه نفسه الشكل الجديد لو راجعت المواقع الللى بتكلم عنه بتقول انه مختلف كليااا

[Abdoelfeky]

حضرتك امتلكتها أو سوقتها لفترة كافية تخليك تحكم عليها ولا زي باقي الشعب ممكن تقول رأيك بدون خبرة لمجرد إنك سمعت من واحد برضه ماعندوش خبرة ؟!
ملاكها أكدوا إنها compatible عادي مع بنزين 92 و أعلي فئة فيها أرخص من أعلي فئة في السبورتاج ب 20000 و أنا شايفها أحلي و عزمها كمان أعلي

ليا واحد صحبي أكدلى المعلومة دى وخصوا انه كان هيشتروها دا غير البياعيين نفسوا بيأكوا المعلومة دي

[Abdoelfeky]

ان لسة مكلم الوكيل امبارح وقالي الشكل الجديد جاي على آخر السنة بس مش عارف امتى بالضبط والسعر برده لسة مش معروف وأرجع اكلمه على شهر 10 أو 11...

[Abdoelfeky]

هو حضرتك لو تقصد بالشكل الجديد ده

http://caranddriverbrasil.uol.com.br/upload/imagens_upload/t1.jpg

فالشكل ده نزل وشفتها واحد جاري لسه شاريها

ولا حضرتك تقصد شكل احدث من ده ؟؟؟

دا نفس الموجود الجديدة اللى هتكون يا في شهر 9 او السنة القادمة متغيرة كليا